ଜାଣନ୍ତୁ ଇନଭର୍ଟର ଏବଂ ନନ ଇନଭର୍ଟର ଏସି ମଧ୍ୟରେ ପାର୍ଥକ୍ୟ କଣ ? ନଚେତ କିଣିବାପରେ ଅନୁତାପ କରିବାକୁ ପଡ଼ିବ
Get real time updates directly on you device, subscribe now.
ଗରମ ହେବା ମାତ୍ରେ ହିଁ ଲୋକଙ୍କୁ ସବୁଠାରୁ ବଡ଼ ଚିନ୍ତା ହୋଇଥାଏ ଯେ କିପରି ସେମାନେ ନିଜ ଘରକୁ ଥଣ୍ଡା ରଖିପାରିବେ | ଫ୍ୟାନ ଏବଂ କୁଲର ମଧ୍ୟ ଅତ୍ୟଧିକ ଗରମ ଆଗରେ କିଛି ବି ନୁହେଁ | ଏପରି ପରିସ୍ଥିତିରେ ଲୋକଙ୍କ ପାଖରେ କେବଳ ଗୋଟିଏ ବିକଳ୍ପ ରହିଥାଏ ଏବଂ ତାହା ହେଉଛି ଏସି ଲଗାଇବା | ବଜାରରେ ଆପଣଙ୍କୁ ଅନେକ ପ୍ରକାରର ଏବଂ ଲାଟେଷ୍ଟ ମଡେଲର ଅଲଗା ଅଲଗା କମ୍ପାନୀର ଏସି ମିଳିଯିବ | ପ୍ରତ୍ୟେକ କମ୍ପାନୀ ନିଜ ଏସିରେ କିଛି ବିଶେଷତା କହି ଅଧିକ ସମୟ ଚାଲିବା ଏବଂ ଭଲ କୁଲିଙ୍ଗ ଭଳି ଅନ୍ୟ ଜିନିଷକୁ ନେଇ ଦାବି କରିଥାନ୍ତି |
କିନ୍ତୁ ଆପଣ ନିଜେ ଧ୍ୟାନ ଦେବା ଜରୁରୀ ଯେ ଦୋକାନରେ ନନ ଇନଭର୍ଟର ଏସି ବ୍ୟତୀତ ଇନଭର୍ଟର ଏସି ମଧ୍ୟ ଥିବ | କିନ୍ତୁ କଣ ଆପଣ ଏ ଦୁଇ ଏସି ଭିତରେ ଥିବା ପାର୍ଥକ୍ୟକୁ ବୁଝନ୍ତି ? ବୋଧହୁଏ ନାହିଁ, ତେବେ ଚାଲନ୍ତୁ ଆମେ ଆପଣଙ୍କୁ ଇନଭର୍ଟର ଏବଂ ନନ ଇନଭର୍ଟର ମଧ୍ୟରେ କଣ ପାର୍ଥକ୍ୟ ରହିଛି , ଏ ବିଷୟରେ ବିସ୍ତାର ଭାବରେ କହିବୁ |
କାମ କରିବାର କ୍ଷମତା ମଧ୍ୟରେ ପାର୍ଥକ୍ୟ :-
ଇନଭର୍ଟର ଏବଂ ନନ ଇନଭର୍ଟର ଏସିର କାମ କରିବାର କ୍ଷମତା ଅଲଗା ଅଲଗା ଅଟେ | ଇନଭର୍ଟର ଏସିରେ ଟେମ୍ପରେଚର ସହିତ ସ୍ପିଡ଼ ଏବଂ କ୍ଷମତାରେ ପରିବର୍ତ୍ତନ ଦେଖିବାକୁ ମିଳିଥାଏ, କିନ୍ତୁ ନନ ଇନଭର୍ଟର ଏସି ଗୋଟିଏ ରେଗୁଲାର ସ୍ପିଡ଼ କ୍ଷମତାରେ ଚାଲିଥାଏ |
ଲାଇନ ବିଲରେ ପାର୍ଥକ୍ୟ :-
ସେହିପରି ଇନଭର୍ଟର ଏସି ନନ ଇନଭର୍ଟର ଏସି ତୁଳନାରେ ବିଦ୍ୟୁତ ବହୁତ କମ ଖର୍ଚ୍ଚ କରିଥାଏ, ଯାହା ଦ୍ୱାରା ବିଦ୍ୟୁତ ସଂରକ୍ଷଣ ହୋଇଥାଏ ଏବଂ ବିଲ କମ ଆସିବାରେ ସାହାଯ୍ୟ ମିଳିଥାଏ | ତେବେ ଇନଭର୍ଟର ଏସି ଏବଂ ନନ ଇନଭର୍ଟର ଏସିର ମୂଲ୍ୟରେ ବହୁତ ପାର୍ଥକ୍ୟ ମଧ୍ୟ ଥାଏ |
କୁଲିଙ୍ଗ କରିବାରେ ପାର୍ଥକ୍ୟ :-
ନନ ଇନଭର୍ଟର ଏସି ରୁମକୁ ଥଣ୍ଡା କରିବାରେ ଟିକେ ଅଧିକ ସମୟ ନେଇଥାଏ, କିନ୍ତୁ ଇନଭର୍ଟର ଏସି ଏହା ତୁଳନାରେ ରୁମକୁ ଶୀଘ୍ର ଥଣ୍ଡା କରିବାର କାମ କରିଥାଏ | ସେହିପରି ନନ ଇନଭର୍ଟର ଏସି ତୁଳନାରେ ୱେଇନଭର୍ଟର ଏସିର ଲାଭ ଅଧିକ ହୋଇଥାଏ |
ଇନଭର୍ଟର ଏସି କମ୍ପ୍ରେସରର ମୋଟରର ସ୍ପିଡ଼କୁ ନିୟନ୍ତ୍ରଣ କରିଥାଏ | ଏପରି ପରିସ୍ଥିତିରେ, ଯେତେବେଳେ ଆପଣଙ୍କ ରୁମ ଥଣ୍ଡା ହୋଇଯାଏ କିମ୍ବା ରୁମର ତାପମାତ୍ରା ସ୍ୱାଭାବିକ ହୋଇଯାଏ, ସେତେବେଳେ ଇନଭର୍ଟର ଏସିରେ କମ୍ପ୍ରେସର ବନ୍ଦ ହୁଏ ନାହିଁ ବରଂ କାମ କରେ, କିନ୍ତୁ କମ ସ୍ପିଡ଼ରେ | ଏହା ରୁମର ତାପମାତ୍ରାକୁ ସବୁବେଳେ ସମାନ ରଖେ | ସେହିପରି ନନ-ଇନଭର୍ଟର ଏସି ପରି ଏହାର କମ୍ପ୍ରେସର ବାରମ୍ବାର ଅନ-ଅଫ ହୁଏ ନାହିଁ, ଯାହାଦ୍ୱାରା ବିଦ୍ୟୁତ୍ କମ ଖର୍ଚ୍ଚ ହୁଏ | ଯେହେତୁ ଏହି ଫଙ୍କସନ ନନ-ଇନଭର୍ଟର ଏସିରେ ହୁଏ ନାହିଁ |
ଇନଭର୍ଟର ଏସି କେବଳ ସ୍ପିଲଟ ଏସିରେ ଆସିଥାଏ ଏବଂ ଉଇଣ୍ଡୋ ଏସିରେ ଆପଣଙ୍କୁ ଏହି ସୁବିଧା ମିଳିନଥାଏ | ନନ ଏସି ଚାଲିବାରେ ଟିକେ ଅଧିକ ଶବ୍ଦ କରିଥାଏ କିନ୍ତୁ ଇନଭର୍ଟର ଏସିରେ ଶବ୍ଦ କମ ହୋଇଥାଏ |
