ପ୍ରତିବର୍ଷରେ ଲାଗିଥାଏ ତ ସୂର୍ଯ୍ୟପରାଗ, କିନ୍ତୁ ୨୦ ଏପ୍ରିଲରେ ଲାଗିବ ହାଇବ୍ରିଡ୍ ସୂର୍ଯ୍ୟପରାଗ ! କଣ ରହିଛି ଏଥିରେ ଅଲଗା ?

ଭାଗ୍ୟ ଭବିଷ୍ୟ ଓ କର୍ମଫଳ ମନୁଷ୍ୟ ଜୀବନ ଉପରେ ଆଧାରିତ । ମନୁଷ୍ୟ ଜନ୍ମରୁ ମୃତ୍ୟୁ ପର୍ଯ୍ୟନ୍ତ ନିଜ କର୍ମଫଳ ଦ୍ଵାରା ପରିଚାଳିତ ହୋଇଥାଏ । ଏହି ସଂସାରରେ ବାର ଗୋଟି ରାଶି ଉପରେ ମଣିଷର ଭାଗ୍ୟ ଭବିଷ୍ୟ ନିର୍ଦ୍ଧାରିତ । ନିଜର ପୂର୍ବଜନ୍ମର କର୍ମଫଳ ଦ୍ଵାରା ମନୁଷ୍ୟ ନିଜ ଜୀବନକୁ ଭୋଗ କରିଥାଏ । ପୂର୍ବଜନ୍ମ କର୍ମଫଳ ଦ୍ଵାରା ମନୁଷ୍ୟ ଏହି ଜନ୍ମରେ ସୁଖ ତଥା ଦୁଃଖ ଭୋଗ କରିଥାଏ ।

ମନୁଷ୍ୟ ଜୀବନ ଚକ୍ରରେ ଅନେକ ବିଡମ୍ବନା ମଧ୍ୟ ଦେଖିବାକୁ ମିଳିଥାଏ । ଏହିସବୁ ବାଧା ବିଘ୍ନ ବିଡମ୍ବନାରୁ ନିସ୍ତାର ପାଇବା ପାଇଁ ମଣିଷ ଅନେକ ପୂଜା ଅର୍ଚ୍ଚନା କରିଥାଏ । ଏଥି ସହ ଜ୍ୟୋତିଷ ଆଦିର ସହାୟତା ମଧ୍ୟ ଲୋଡ଼ିଥାନ୍ତି । ହିନ୍ଦୁ ଶାସ୍ତ୍ର ପରମ୍ପରାରେ ଜ୍ୟୋତିଷ ଶାସ୍ତ୍ରର ଅନେକ ପ୍ରାଧାନ୍ୟ ମାନ୍ୟତା ରହିଥାଏ ।

ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ ୨୦ ଏପ୍ରିଲରେ ହେବାକୁ ଯାଉଛି। ଜ୍ୟୋତିର୍ବିଜ୍ଞାନୀମାନେ କହିଛନ୍ତି ଯେ ଏହିଭଳି ସୂର୍ଯ୍ୟପରାଗ ୧୦୦ ବର୍ଷ ମଧ୍ୟରେ ପ୍ରଥମ ଥର ପାଇଁ ଏହି ସୂର୍ଯ୍ୟପରାଗ ଲାଗିବାକୁ ଯାଉଛି । ଯଦିଓ ସବୁ ବର୍ଷ ସୂର୍ଯ୍ୟପରାଗ ଦେଖାଯାଏ, କିନ୍ତୁ ଏଥର ହେବାକୁ ଥିବା ସୂର୍ଯ୍ୟପରାଗ ସାଧାରଣ ନୁହେଁ ।

ସରଳ ଭାବରେ କହିବାକୁ ଗଲେ, ସୂର୍ଯ୍ୟ ଓ ପୃଥିବୀ ମଧ୍ୟରେ ଚନ୍ଦ୍ର ଆସିବା ପରେ ଏକ ସୂର୍ଯ୍ୟପରାଗ ହୋଇଥାଏ ଓ ତିନୋଟି ଏକ ସିଧା ଲାଇନରେ ଥାଏ । କିନ୍ତୁ, ଏଥର ସୂର୍ଯ୍ୟପରାଗକୁ ହାଇବ୍ରିଡ୍ ସୂର୍ଯ୍ୟପରାଗ ବୋଲି କୁହାଯାଉଛି । ଆସନ୍ତୁ ଜାଣିବା ଏକ ହାଇବ୍ରିଡ୍ ସୂର୍ଯ୍ୟପରାଗ କଣ ଓ ଏହା ସାଧାରଣ ସୂର୍ଯ୍ୟପରାଗ ଠାରୁ କିପରି ଭିନ୍ନ ।

ହାଇବ୍ରିଡ୍ ସୂର୍ଯ୍ୟପରାଗ:-

ସୂଚନାନୁସାରେ, ସୂର୍ଯ୍ୟପରାଗ ସକାଳ ୭:୦୪ ରୁ ଆରମ୍ଭ ହୋଇ ୫ ଘଣ୍ଟା ୨୪ ମିନିଟ୍ ପର୍ଯ୍ୟନ୍ତ ରହିବ ଏବଂ ଅପରାହ୍ନ ୧୨:୨୯ ମିନିଟରେ ଶେଷ ହେବ । ଏହି ସୂର୍ଯ୍ୟପରାଗ ଅତ୍ୟନ୍ତ ସ୍ୱତନ୍ତ୍ର ହେବାକୁ ଯାଉଛି, କାରଣ ଏହା ତିନୋଟି ରୂପରେ ଦେଖାଯିବ ।

ଆଂଶିକ, ପୂର୍ଣ୍ଣ ଓ କୁଣ୍ଡଳାକାର ।ଏହିଭଳି ସୂର୍ଯ୍ୟପରାଗର ମିଶ୍ରଣକୁ ହାଇବ୍ରିଡ୍ ସୂର୍ଯ୍ୟପରାଗ କୁହାଯାଏ । ପ୍ରାୟ ୧୦୦ ବର୍ଷରେ ଥରେ ଏପରି ଘଟଣା ଦେଖାଯାଏ । ଏହି ପରିସ୍ଥିତିରେ, ପୃଥିବୀଠାରୁ ଚନ୍ଦ୍ରର ଦୂରତା ନା ଅଧିକ ନା କମ୍ ଥାଏ ।

ବାସ୍ତବରେ, ତିନି ପ୍ରକାରର ସୂର୍ଯ୍ୟପରାଗ ଅଛି । ପ୍ରଥମଟି ହେଉଛି ପୂର୍ଣ୍ଣ ସୂର୍ଯ୍ୟପରାଗ, ଦ୍ୱିତୀୟଟି ହେଉଛି ଆଂଶିକ ସୂର୍ଯ୍ୟପରାଗ ଓ ତୃତୀୟଟି ହେଉଛି କୁଣ୍ଡଳାକାର ସୂର୍ଯ୍ୟପରାଗ । ତେବେ ଆସନ୍ତୁ ଜାଣିବା ଏହି ତିନୋଟିରେ କ’ଣ ସବୁ ଥାଏ ଅଲଗା ।

1. ଏକ ଆଂଶିକ ସୂର୍ଯ୍ୟପରାଗରେ, ଚନ୍ଦ୍ର ପୃଥିବୀର ଏକ ଅଂଶକୁ ସମ୍ପୂର୍ଣ୍ଣ ରୂପେ ଆଚ୍ଛାଦନ କରେ, ଯେଉଁଥିରେ ଚନ୍ଦ୍ରର ଛାୟା ପୃଥିବୀର କେବଳ ଗୋଟିଏ ଅଂଶକୁ ଆଚ୍ଛାଦନ କରେ, ସମଗ୍ର ଅଂଶକୁ ଆଚ୍ଛାଦନ କରେ ନାହିଁ । ଏହି ସୂର୍ଯ୍ୟପରାଗ ଅଳ୍ପ ସମୟ ପାଇଁ ହୋଇଥାଏ ଏବଂ ଏଥିରେ ସମ୍ପୂର୍ଣ୍ଣ ସୂର୍ଯ୍ୟ ଆଚ୍ଛାଦିତ ହୋଇନଥାଏ।

2. ପୂର୍ଣ୍ଣ ସୂର୍ଯ୍ୟପରାଗ ହେଲେ ପୃଥିବୀର ଏକ ଅଂଶ ସଂପୂର୍ଣ୍ଣ ଅନ୍ଧକାରରେ ବୁଡିଯାଏ । ଚନ୍ଦ୍ର ପୃଥିବୀର ଅତି ନିକଟତର ହେଲେ ଏହା ଘଟେ । ପ୍ରତି ୧୦୦ ବର୍ଷରେ କେବଳ ଥରେ ଏପରି ସୂର୍ଯ୍ୟପରାଗ ହୁଏ । ଏହି ପରଗ ରେ ପୃଥିବୀ ଏବଂ ସୂର୍ଯ୍ୟ ମଝିରେ ଚନ୍ଦ୍ର ରହିଥାଏ ଯାହା ପାଇଁ ପୂର୍ଣ୍ଣ ସୂର୍ଯ୍ୟପରାଗ ହୋଇଥାଏ।

3. ଯେତେବେଳେ ଚନ୍ଦ୍ର ପୃଥିବୀଠାରୁ ଦୂରରେ ଥାଏ, ସେତବେଳେ କୁଣ୍ଡଳାକାର ସୂର୍ଯ୍ୟପରାଗ ଅବସ୍ଥା ସୃଷ୍ଟି ହୁଏ । ଏହି ପରିସ୍ଥିତିରେ, ଚନ୍ଦ୍ର ସୂର୍ଯ୍ୟକୁ ସମ୍ପୂର୍ଣ୍ଣ ରୂପେ ଆଚ୍ଛାଦନ କରିବାରେ ସକ୍ଷମ ହୋଇନଥାଏ, ତେଣୁ ସୂର୍ଯ୍ୟ ନିଆରା ଏକ ରିଙ୍ଗ ପରି ଦେଖାଯାଏ ଓ ଆକାରରେ ମଧ୍ୟ ଛୋଟ ଦେଖାଯାଏ ।

ଭାରତରେ ସୂର୍ଯ୍ୟ ଗ୍ରହଣର ପ୍ରଭାବ ଚଳିତ ବର୍ଷର ପ୍ରଥମ ସୂର୍ଯ୍ୟପରାଗ ଅପ୍ରେଲ ୨୦ ତାରିଖ ଗୁରୁବାର ଦିନ ହେବ। ହିନ୍ଦୁ କ୍ୟାଲେଣ୍ଡର ଅନୁଯାୟୀ ଏହି ସୂର୍ଯ୍ୟପରାଗ ଗୁରୁବାର ସକାଳ ୭ଟା ୪ ମିନିଟ ସମୟରୁ ଆରମ୍ଭ ହୋଇ ମଧ୍ୟାନ୍ନ ୧୨ଟା ୨୯ ମିନିଟ ପର୍ଯ୍ୟନ୍ତ ଚାଲିବ

ଗୁରୁତ୍ୱପୂର୍ଣ୍ଣ କଥା ହେଉଛି ଏହି ସୂର୍ଯ୍ୟପରାଗ ଭାରତରେ ଦୃଶ୍ୟମାନ ହେବନାହିଁ । ହେଲେ ଏହି ସୂର୍ଯ୍ୟପରାଗ ଦୃଶ୍ୟମାନ ହେଉନଥିବାରୁ ଏହା ଭାରତରେ ବୈଧ ହେବ ନାହିଁ । ଏହା ସହିତ ବର୍ଷର ଦ୍ୱିତୀୟ ତଥା ଶେଷ ସୂର୍ଯ୍ୟଗ୍ରହଣ ଅକ୍ଟୋବର ୧୪ ତାରିଖ ଶନିବାର ଦିନ ଅନୁଷ୍ଠିତ ହେବ