Get real time updates directly on you device, subscribe now.
ବନ୍ଧୁଗଣ ଗତ ସପ୍ତାହରେ ନ୍ୟୁଜିଲ୍ୟାଣ୍ଡ ଉପରେ ଭାରତ ୨-୧ ସିରିଜ୍ ବିଜୟ ପଞ୍ଜିକରଣ କରିବା ପରେ ଓପନର ଶୁଭମାନ ଗିଲ ସର୍ବଶେଷ ଆଇସିସି ପୁରୁଷ ଟି-୨୦ ଖେଳାଳି ମାନ୍ୟତାରେ ବଡ଼ ହାସଲ କରିଛନ୍ତି । ଅହମ୍ମଦାବାଦରେ ସିରିଜ୍ ନିର୍ଣ୍ଣାୟକ ମ୍ୟାଚରେ ଗିଲଙ୍କ ଅପରାଜିତ ୬୩ଟି ବଲରୁ ୧୨୬ ରନ, ଯାହା ଭାରତର ୧୬୮ ରନ୍ ବିଜୟରେ ସହାୟକ ହୋଇଥିଲା ଏବଂ ସିରିଜକୁ ୨-୧ରେ ଜିତିବାରେ ସାହାଯ୍ୟ କରିଥିଲା ଏବଂ ତାଙ୍କୁ ର଼୍ୟାଙ୍କିଙ୍ଗରେ ଏକ ଅବିଶ୍ୱସନୀୟ ୧୬୮ ସ୍ଥାନ ଉପରକୁ ଉଠି ୩୦ତମ ସ୍ଥାନରେ ରହିଛନ୍ତି ।
ସେହିପରି ଗିଲ୍ ଦିନିକିଆରେ ୬ଷ୍ଠ ଏବଂ ଟେଷ୍ଟରେ ୬୨ତମ ସ୍ଥାନରେ ରହିଛନ୍ତି । ତେବେ ଶୁଭମାନ ଗିଲ ହେଉଛନ୍ତି ଭାରତୀୟ କ୍ରିକେଟ୍ ଦଳର ଏବେ ନୂତନ ସୁପରଷ୍ଟାର । ୨୩ ବର୍ଷୀୟ ଶୁଭମାନ ଗିଲ ୧୪୯ ବଲରେ ୨୦୮ ରନର ଏକ ଦମଦାର୍ ଇନିଂସ ଖେଳି ନ୍ୟୁଜିଲ୍ୟାଣ୍ଡ ବିପକ୍ଷରେ ଦ୍ୱିଶତକ ହାସଲ କରି ଇତିହାସ ସୃଷ୍ଟି କରିଥିଲେ । ଏହି ସମୟରେ ସେ ୧୯ଟି ଚୌକା ଓ ୯ଟି ଛକା ମାରିଥିଲେ ।
ତେଣୁ ଏବେ ସମଗ୍ର ବିଶ୍ୱରେ ଚର୍ଚ୍ଚାରେ କେନ୍ଦୁ ପାଲଟିଛନ୍ତି ହ୍ୟାଣ୍ଡସମ ଶୁଭମାନ ଗିଲ । ପଡ଼ିଆରେ ଖେଳାଯାଇଥିବା ତାଙ୍କର ବିସ୍ଫୋରକ ଇନିଂସ ତାଙ୍କୁ ଏକ ବ୍ରାଣ୍ଡ ଭାବରେ ନୂତନ ପରିଚୟ ଦେଇଛି । ଏହା ସମ୍ଭବ ଯେ, ଆଗାମୀ ଦିନରେ ବଡ଼ ବଡ଼ କମ୍ପାନୀଗୁଡିକ ଶୁଭମାନ ଗିଲଙ୍କୁ ସେମାନଙ୍କର ବ୍ରାଣ୍ଡ ଆମ୍ବାସାଡର ଭାବରେ ଆଗାମୀ ଭବିଷ୍ୟତରେ ଘୋଷଣା କରିବେ ।
ଏବେ ବି ମଧ୍ୟ ଏହି ଯୁବ ବ୍ୟାଟ୍ସମ୍ୟାନ୍ କୋଟି କୋଟି ମୂଲ୍ୟର ସମ୍ପତ୍ତିର ମାଲିକ ଅଟନ୍ତି । ଆକଳନ ମୂଲ୍ୟ ପ୍ରାୟ ୩୧ କୋଟି ଟଙ୍କା ମୂଲ୍ୟର ସମ୍ପତ୍ତିର ମାଲିକ ଅଟନ୍ତି ।
ବିସିସିଆଇ ଚୁକ୍ତି ଅନୁଯାୟୀ ଗିଲ୍ ଗ୍ରେଡ୍ ସି ଚୁକ୍ତିନାମା ଅନୁଯାୟୀ ପ୍ରତିବର୍ଷ ୧ କୋଟି ଟଙ୍କା ପାଇଥାନ୍ତି । ଏହାଛଡ଼ା ଶୁଭମାନଙ୍କ ଅନେକ ବିଳାସପୂର୍ଣ୍ଣ କାର ମଧ୍ୟ ଅଛି । ସୂଚନାଯୋଗ୍ୟ ୨୦୧୮ ମସିହାରେ ଅଣ୍ଡର-୧୯ ବିଶ୍ୱକପ ମ୍ୟାଚରେ ଚମତ୍କାର ବ୍ୟାଟିଂ କରି ଚର୍ଚ୍ଚାର ପରିସରକୁ ଆସିଥିଲେ ।
ଆଉ ତାପରେ ଶୁଭମାନ ଗିଲ ୨୦୧୯ରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଅନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ । ଏହା ପରେ ଡିସେମ୍ବର ୨୦୨୨ରେ ମେଲବର୍ଣ୍ଣ ଗ୍ରାଉଣ୍ଡରେ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ କ୍ରିକେଟରେ ତାଙ୍କର ଡେବ୍ୟୁ ହୋଇଥିଲା ।
