Get real time updates directly on you device, subscribe now.
ଦିଲ୍ଲୀରୁ ୟୁପି ସଂଲଗ୍ନ ନୋଏଡାଠାରେ ଯୌନ ଉତ୍ପୀଡ଼ନର ଏକ ଅଜବ ମାମଲା ସାମ୍ନାକୁ ଆସିବା ପରେ ‘ଡିଜିଟାଲ ରେପ’ ଶବ୍ଦ ହେଡଲାଇନକୁ ଆସିଛି । ଏହି ଅପରାଧକୁ 2013 के ଅପରାଧିକ ଆଇନ ସଂଶୋଧନ (Criminal Law amendment 2013) ମାଧ୍ୟମରେ ଭାରତୀୟ ଦଣ୍ଡ ସଂହିତା (Indian Penal Code) ରେ ସାମିଲ କରାଗଲା, ଯାହାକୁ ନିର୍ଭୟା ଅଧିନିୟମ (Nirbhaya Act) ମଧ୍ୟ କୁହାଯାଏ । ଚାଲନ୍ତୁ ଜାଣିବା ଯେ ପ୍ରକୃତରେ ‘ଡିଜିଟାଲ ରେପ’ ର ଅର୍ଥ କଣ ?
ଡିଜିଟାଲ ରେପ ର ଅର୍ଥ :-
ନୋଏଡା ପୋଲିସ କହିଛି ଯେ ଡିଜିଟାଲ ରେପର ଅର୍ଥ ଏହା ନୁହେଁ ଯେ କୌଣସି ଯୁବତୀ କିମ୍ବା ଯୁବକଙ୍କ ଶୋଷଣ ଇଣ୍ଟରନେଟ ମାଧ୍ୟମରେ କରାଯାଏ । ଏହି ଶବ୍ଦ ଦୁଇଟି ଶବ୍ଦ ଡିଜିଟ ଏବଂ ରେପ ଦ୍ଵାରା ସୃଷ୍ଟି ହୋଇଛି । ଇଂରାଜୀରେ ଡିଜିଟର ଅର୍ଥ ଅଙ୍କ ହୋଇଥାଏ, ସେହିପରି ଇଂରାଜୀ ଶବ୍ଦକୋଷ ଅନୁଯାୟୀ, ଆଙ୍ଗୁଳି, ଆଙ୍ଗୁଠି, ଏହି ଶରୀରର ଅଙ୍ଗକୁ ମଧ୍ୟ ଡିଜିଟ ସହିତ ସମ୍ବୋଧିତ କରାଯାଏ । ସୂଚନା ଅନୁଯାୟୀ, ଡିଜିଟାଲ ରେପ ସହିତ ଜଡିତ ଘଟଣାଗୁଡ଼ିକରେ ମହିଳାଙ୍କ ପ୍ରାଇଭେଟ୍ ପାର୍ଟରେ ଫିଙ୍ଗର୍ସକୁ ବ୍ୟବହାର କରାଯାଏ । ଅର୍ଥାତ୍ ଏପରି ଯୌନ ଉତ୍ପୀଡନ, ଯାହା ଡିଜିଟ ଦ୍ଵାରା କରାଯାଏ, ସେତେବେଳେ ତାକୁ ‘ଡିଜିଟାଲ ରେପ’ କୁହାଯାଏ ।
ଏହାକୁ ଏହିପରି ମଧ୍ୟ ବୁଝିପାରିବେ ଯେ କୌଣସି ମହିଳାଙ୍କ ଯୌନ ଉତ୍ପୀଡନ ପାଇଁ ହାତ କିମ୍ବା ଗୋଡ଼ର ଆଙ୍ଗୁଠିର ବ୍ୟବହାର କରାଯାଉଥିବ । ସିଧା କହିବାକୁ ଗଲେ ଯୌନ ଉତ୍ପୀଡନ ପାଇଁ ହାତ କିମ୍ବା ଗୋଡ଼ର ଆଙ୍ଗୁଠିର ବ୍ୟବହାର କରିବାର ଶାରୀରିକ କ୍ରିୟା । ଯୌନ ଉତ୍ପୀଡନର ଏହି ପର୍ଯ୍ୟାୟକୁ 2013 ବର୍ଷର ଅପରାଧିକ ଆଇନ୍ ସଂଶୋଧନ ମାଧ୍ୟମରେ ବଳାତ୍କାର ପରିଭାଷାରେ ସାମିଲ କରାଯାଇଥିଲା, ଯାହା ଏହି ଅପରାଧକୁ ସଂଶୋଧନ ଏବଂ ବିସ୍ତାରିତ କଲା ।
2013 ମସିହା ପରେ ବର୍ତ୍ତମାନ ବଳାତ୍କାରର ଅର୍ଥ କେବଳ ସହବାସ ପର୍ଯ୍ୟନ୍ତ ସୀମିତ ନୁହେଁ, ବରଂ ବର୍ତ୍ତମାନ ଜଣେ ମହିଳାଙ୍କ ପାଟି, ମୁତ୍ରମାର୍ଗ, ଯୋନୀରେ ଯେକୌଣସି ସୀମା ପର୍ଯ୍ୟନ୍ତ ପ୍ରବେଶ ମଧ୍ୟ ରେପର ଶ୍ରେଣୀରେ ଅନ୍ତର୍ଭୁକ୍ତ ଅଟେ । ନିର୍ଭୟା ଆକ୍ଟର ଧାରା-ବି ନିର୍ଦ୍ଦିଷ୍ଟ ଭାବରେ କହିଥାଏ ଯେ ଯେକୌଣସି ସୀମା ପର୍ଯ୍ୟନ୍ତ ପ୍ରବେଶ, ଯେକୌଣସି ବସ୍ତୁ କିମ୍ବା ଶରୀରର କୌଣସି ଅଂଶ, ଯାହା ଲିଙ୍ଗ ନୁହେଁ, ତାହା ମଧ୍ୟ ବର୍ତ୍ତମାନ ବଳାତ୍କାରର ପରିଭାଷା ଭିତରେ ରହିଛି ।
କଣ ଥିଲା ନୋଏଡାର କେସ ?
ୟୂପିର ନୋଏଡାରୁ ଡିଜିଟାଲ ରେପର ଯେଉଁ ମାମଲା ସାମ୍ନାକୁ ଆସିଛି, ସେଥିରେ ଆରୋପ ରହିଛି ଯେ ପୀଡ଼ିତାଙ୍କ ଯୌନ ଉତ୍ପୀଡନ ସେବେଠୁ ଆରମ୍ଭ ହେଲା, ଯେତେବେଳେ ସେ ମାତ୍ର 10 ବର୍ଷ ବୟସର ଥିଲେ ଏବଂ ମେ 15 ତାରିଖ ରବିବାର ଦିନ ଅଭିକୁକଙ୍କୁ ଗିରଫ କରିବା ପର୍ଯ୍ୟନ୍ତ ତାଙ୍କର ଶୋଷଣ ଜାରି ଥିଲା । ମାମଲାର ଅଭିଯୁକ୍ତ ଜଣେ 81 ବର୍ଷୀୟ କଳାକାର ଅଟେ ।
ଯାହା ବିରୋଧରେ ନୋଏଡା ପୋଲିସ ଆଇପିସି ଧାରା 376( ବଳାତ୍କାର ମାମଲାରେ ଦଣ୍ଡ), 323 ( ନିଜ ଇଚ୍ଛାରେ ଆଘାତ ଦେବା), 506 ( ଅପରାଧିକ ଧମକ) ଏବଂ ପୋକ୍ସୋ ଆକ୍ଟର ଧାରା 5 ଏବଂ 6 ଅଧୀନରେ ଯୌନ ଉତ୍ପୀଡନର ମାମଲା ରିପୋର୍ଟ କରାଯାଇଛି । ଏହି ମାମଲାରେ ପୀଡ଼ିତା ଅଭିଯୁକ୍ତଙ୍କ ଲିଭ୍ ଇନ ପାର୍ଟନରଙ୍କ ଜଣେ କର୍ମଚାରୀଙ୍କ ଝିଅ ବୋଲି କୁହାଯାଇଛି, ଯାହାକୁ ଭଲ ଶିକ୍ଷା ଦେବା ପାଇଁ 2015 ମସିହାରେ ସେହି ଦମ୍ପତିଙ୍କ ସହିତ ରହିବା ପାଇଁ ପଠାଯାଇଥିଲା ।
