ବଡ ଖବର : ଓଡିଶାରେ ନର୍ସିଂ ଅଫିସର ପଦ ପାଇଁ ଆସିଲା ବଡ ଚାକିରୀ ,୭୪୮୩ଟି ପଦବୀରେ ହେବ ନିଯୁକ୍ତି,ଜାଣନ୍ତୁ ନିଯୁକ୍ତି ବିଷୟରେ ସମ୍ପୂର୍ଣ ଚାକିରୀ

ଆଜିର ଯୁଗରେ ଶିକ୍ଷିତ ବେକାରୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ପାଠଶାଠ ପଢ଼ି ଶିକ୍ଷିତ ଯୁବକ ଯୁବତୀ ଚାକିରି ନପାଇ ବେରୋଜଗାର ହୋଇ ନିଜ ଜୀବନ ଅତିବାହିତ କରୁଛନ୍ତି ।

ସଂସାରରେ ମଣିଷ କୌଣସି ନା କୌଣସି କାର୍ଯ୍ୟରେ ନିୟୋଜିତ ହେବା କଥା । କିନ୍ତୁ ଦେଶରେ ବେକାରୀ ସମସ୍ୟା ବଶତଃ ଲୋକମାନେ କିଛି କାର୍ଯ୍ୟ ନକରିବାରୁ ଅନୈତିକ କାର୍ଯ୍ୟକଳାପରେ ମନ ନିବେଶ କରୁଛନ୍ତି । ଯଦ୍ୱାରା ସମାଜରେ କୁପ୍ରଭାବ ପଡୁଛି ।

ତେବେ ମଣିଷ ନିଜର ଜୀବନଯାପନ ତଥା ଆବଶ୍ୟକତା ପୂର୍ତ୍ତି ପାଇଁ ଅର୍ଥ ଏକାନ୍ତ ଆବଶ୍ୟକ । କିନ୍ତୁ ମନୁଷ୍ୟ ବେରୋଜଗାରୀ ବଶତଃ ଅର୍ଥ ଉପାର୍ଜନ କରିପାରୁନାହିଁ । ଆଜିର ଦୁନିଆରେ ସବୁଠୁ ବଡ଼ ଚିନ୍ତାର ବିଷୟ ଏହି କି ଯେ ଚାକିରୀ ।

ଆଜିର ଯୁବପିଢି ମାନେ ଚାକିରୀ ଅଭାବରୁ ଚିନ୍ତିତ ହେଉଛନ୍ତି ।ଓଡିଶାରେ ନର୍ସିଂ ଅଫିସର ପଦ ପାଇଁ ନିଯୁକ୍ତି ବାହାରିଛି। ଓଡିଶା ସବ୍-ଅର୍ଡିନେଟ୍ କର୍ମଚାରୀ ଚୟନ ଆୟୋଗ (OSSSC) ଯୋଗ୍ୟ ତଥା ଆଗ୍ରହୀ ପ୍ରାର୍ଥୀଙ୍କ ଠାରୁ ମୋଟ ୭୪୮୩ ଟି ପଦବୀ ପାଇଁ ବିଜ୍ଞପ୍ତି ଜାରି କରିଛି।

*ଖାଲି ପଦବୀ:

ଏହି ନିଯୁକ୍ତି ପ୍ରକ୍ରିୟା ମାଧ୍ୟମରେ ରାଜ୍ୟରେ ମୋଟ ୭୪୮୩ ଟି ନର୍ସିଂ ଅଫିସର ପଦବୀ ପୂରଣ ହେବ।ଏହି ନିଯୁକ୍ତି ଓଡିଶାର ୩୦ଟି ଜିଲ୍ଲାର ୧୩ଟି ମେଡିକାଲ କଲେଜ ଏବଂ ଡାକ୍ତରଖାନାରେ କରାଯିବ।

*ଯୋଗ୍ୟତା:

ସ୍ୱୀକୃତିପ୍ରାପ୍ତ ବିଦ୍ୟାଳୟ ଶିକ୍ଷା ବୋର୍ଡରୁ ଦ୍ୱାଦଶ ପାସ୍ GNM କିମ୍ବା B.Sc ନର୍ସିଂରେ ଡିପ୍ଲୋମା।ଏହା ସହିତ ପ୍ରାର୍ଥୀଙ୍କ ନାମ ଓଡ଼ିଶା ନର୍ସିଂ କାଉନ୍‌ସିଲ୍‌ରେ ପଞ୍ଜିକୃତ ହେବା ଉଚିତ୍।ଏହା ବ୍ୟତୀତ ପ୍ରାର୍ଥୀଙ୍କର ଏକ ବୈଧ ପଞ୍ଜୀକରଣ ପ୍ରମାଣପତ୍ର ଥିବା ଆବଶ୍ୟକ

*ବୟସ ସୀମା:

ସର୍ବନିମ୍ନ ବୟସ – ୨୧ ବର୍ଷ

ସର୍ବାଧିକ ବୟସ – ୩୮ ବର୍ଷ

ସଂରକ୍ଷିତ ବର୍ଗ କ୍ଷେତ୍ରରେ ରାଜ୍ୟ ସରକାରଙ୍କ ନିୟମ ଅନୁଯାୟୀ ବୟସ ସୀମାରେ କୋହଳ କରାଯିବ।

*ଦରମା:

ପ୍ରାର୍ଥୀମାନେ ପେ ମ୍ୟାଟ୍ରିକ୍ସ ଲେବଲ୍ -୮ ଅଧୀନରେ ୨୯,୨୦୦ରୁ ୯୨,୩୦୦ ଟଙ୍କା ପର୍ଯ୍ୟନ୍ତ ଦରମା ପାଇବେ।

*ଚୟନ ପ୍ରକ୍ରିୟା:

ଲିଖିତ ପରୀକ୍ଷା ମାଧ୍ୟମରେ ନର୍ସିଂ ଅଫିସର ପ୍ରାର୍ଥୀ ଚୟନ ହେବ।ମାର୍ଚ୍ଚ ୧୯ ରେ ଲିଖିତ ପରୀକ୍ଷା କରାଯାଇପାରିବ।
ଏହି ପରୀକ୍ଷା ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଅନୁଷ୍ଠିତ ହେବ।

*ଜରୁରୀ ତାରିଖ:-

ଆବେଦନ ପ୍ରକ୍ରିୟା ୨୭ ଜାନୁୟାରୀ ୨୦୨୩ରୁ ଆରମ୍ଭ ହେବ। ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ୧୭ ଫେବୃଆରୀ ୨୦୨୩ ସୁଦ୍ଧା ଏହି ନିଯୁକ୍ତି ପାଇଁ ଆବେଦନ କରିପାରିବେ।ଅନ୍‌ଲାଇନ୍ ଆବେଦନ ଫର୍ମ ପୂରଣ କରିବାକୁ ପ୍ରାର୍ଥୀଙ୍କୁ ଓଡ଼ିଶା ଆୟୋଗର ଅଫିସିଆଲ୍ ୱେବସାଇଟ୍ osssc.gov.in କୁ ଯିବାକୁ ପଡିବ।