ଟୁ-ଫିଙ୍ଗର ଟେଷ୍ଟକୁ କାହିଁକି ବ୍ୟାନ କରାଗଲା ? ରେପ୍ ମାମଲାରେ ବର୍ତ୍ତମାନ କିପରି ହେବ ମେଡିକାଲ୍ ? ଜାଣନ୍ତୁ ସବୁକିଛି

Two Finger Test: ରେପ୍ ଏବଂ ଯୌନ ହିଂସା ମାମଲାର ଯାଞ୍ଚ ପାଇଁ ହେଉଥିବା ‘ଟୁ-ଫିଙ୍ଗର ଟେଷ୍ଟ’କୁ ନେଇ ସୁପ୍ରିମ କୋର୍ଟ ବଡ ନିଷ୍ପତ୍ତି ସୁଣାଇଛି । କୋର୍ଟ ଏହାକୁ ‘ ଅବୈଜ୍ଞାନିକ’ ବୋଲି କହିଛି । ଏହାସହିତ ଏହା ମଧ୍ୟ କହିଛି ଯେ ପୀଡିତାଙ୍କ ଟୁ-ଫିଙ୍ଗର ଟେଷ୍ଟ କରାଇବା ସେମାନଙ୍କୁ ପୁଣିଥରେ ପ୍ରତାରିତ କରାଇବା ସହ ସମାନ ଅଟେ । ଅଦାଲତ ମେଡିକାଲ୍ ଅଧ୍ୟୟନରୁ ମଧ୍ୟ ଟୁ-ଫିଙ୍ଗର ଟେଷ୍ଟ ହଟାଇବାକୁ କହିଛି ।

ସୁପ୍ରିମ କୋର୍ଟ ଏହା ମଧ୍ୟ କହିଛି ଯେ ଏହି ଧାରଣା ଭୁଲ ଅଟେ ଯେ ସେକ୍ସୁଆଲି ଆକ୍ଟିଭ ମହିଳାଙ୍କ ସହ ରେପ୍ ହୋଇପାରିବ ନାହିଁ । ଅଦାଲତ ଟୁ-ଫିଙ୍ଗର ଟେଷ୍ଟ ଉପରେ ପୁଣିଥରେ ବ୍ୟାନ୍ କରିଛି ଏବଂ ଚେତାବନୀ ଦେଇଛି ଯେ ଯଦି କେହି ଏପରି କରନ୍ତି, ତେବେ ତାଙ୍କୁ ଦୋଷୀ ସାବ୍ୟସ୍ତ କରାଯିବ ।

ଟୁ-ଫିଙ୍ଗର ଟେଷ୍ଟ କଣ ?

ଟୁ-ଫିଙ୍ଗର ଟେଷ୍ଟରେ ପୀଡ଼ିତାଙ୍କ ପ୍ରାଇଭେଟ୍ ପାର୍ଟରେ ଦୁଇଟି ଆଙ୍ଗୁଠି ଭର୍ତ୍ତି କରାଯାଏ । ଏଥିରେ ଡାକ୍ତର ଏହା ଜାଣିବାକୁ ଚେଷ୍ଟା କରନ୍ତି ଯେ ପୀଡିତା ସେକ୍ସୁଆଲି ଆକ୍ଟିଭ ଅଟନ୍ତି କିମ୍ବା ନାହିଁ ।

କିପରି ଜଣାପଡ଼ିବ ଯେ ଯୌନ ହିଂସା କିମ୍ବା ରେପ୍ ହୋଇଛି କିମ୍ବା ନାହିଁ ?

ଏଥିପାଇଁ ପୀଡ଼ିତ ମହିଳାଙ୍କ ଫରେନ୍ସିକ ଯାଞ୍ଚ୍ କରାଯାଇଥାଏ । କିନ୍ତୁ ଏଥିପାଇଁ ମଧ୍ୟ ତାଙ୍କର ସହମତି ଜରୁରୀ ଅଟେ । ଯୌନ ହିଂସା ମାମଲାରେ ଯଦି ମହିଳା ନିଜେ ଡ଼ାକ୍ତରଙ୍କ ପାଖକୁ ଯାଆନ୍ତି, ତେବେ ତାଙ୍କର ଯାଞ୍ଚ୍ କରିବାକୁ ମନା କରାଯାଇପାରିବ ନାହିଁ । କେବଳ ଏତିକି ନୁହେଁ, ଯଦି ପୀଡ଼ିତା ଥାନାରେ ଅଭିଯୋଗ କରିବାକୁ ଚାହୁଁନାହାଁନ୍ତି ଏବଂ ନିଜର ଯାଞ୍ଚ୍ କରାଇବାକୁ ଚାହୁଁଛନ୍ତି, ତେବେ ମଧ୍ୟ ଏପରି କରାଯିବାକୁ ମନା କରାଯାଇପାରିବ ନାହିଁ ।

ଯଦି ପୀଡ଼ିତା ସହମତି ଦେବା ପରିସ୍ଥିତିରେ ନାହାନ୍ତି, ତେବେ ସମ୍ପର୍କୀୟ ମାନଙ୍କ ସହମତି ନିଆଯାଏ । ଏପରି ମାମଲାରେ ଡାକ୍ତର ପୀଡ଼ିତାଙ୍କ ପୋଷାକ, ମୁଣ୍ଡର କେଶ, ପ୍ୟୁବିକ ହେୟାର, ଶରୀରରେ ଲାଗିଥିବା ଅନ୍ୟ ଜିନିଷ, ଲାଳ, ପ୍ରାଇଭେଟ୍ ପାର୍ଟରୁ ସାମ୍ପଲ୍, ପାଟିରୁ ନିଆଯାଇଥିବା ସାମ୍ପଲ୍ ଏବଂ ରକ୍ତର ସାମ୍ପଲ୍ ନିଆଯାଏ । ଏହାବ୍ୟତୀତ ପୀଡ଼ିତାଙ୍କ ଶରୀରରେ ଲାଗିଥିବା ଆଘାତର ଚିହ୍ନ, ତାଙ୍କୁ ମଦ କିମ୍ବା ନିଶାଦ୍ରବ୍ୟ ଦିଆଯାଇଛି କି ନାହିଁ, କୌଣସି ହତିଆର ବ୍ୟବହାର କରାଯାଇଛି କି ନାହିଁ ଏସବୁ କଥା ନୋଟ କରାଯାଏ ।

ଯଦି ମହିଳା କିଛି ସପ୍ତାହ ପରେ ଆସନ୍ତି, ତେବେ ତାଙ୍କୁ ପଚରାଯାଏ ଯେ କଣ ଯୌନ ହିଂସା ପରେ ସେ ସେକ୍ସ କରିଥିଲେ କି ନାହିଁ ? ଏହିପରି ସ୍ପର୍ମ ବିଷୟରେ ଜାଣିବାପାଇଁ ଭେଜାଇନାର ସ୍ୱାବ ନେବା ସମୟରେ ମଧ୍ୟ ପିଡିତାଙ୍କୁ ପଚରାଯିବା ଉଚିତ୍ ଯେ ସେ ହିଂସାର ଏକ ସପ୍ତାହ ପୂର୍ବରୁ ସେକ୍ସ୍ କରିଥିଲେ କି ନାହିଁ ? କାରଣ ଏପରି ମାମଲାରେ ସ୍ପର୍ମ୍ ବଡ ଏବଂ ଗୁରୁତ୍ୱପୂର୍ଣ୍ଣ ପ୍ରମାଣ ହୋଇଥାଏ । ଏହାବ୍ୟତୀତ ଏହା ମଧ୍ୟ ଯାଞ୍ଚ୍ କରାଯାଏ ଯେ ମହିଳାଙ୍କ ସହ କେଉଁ ପ୍ରକାର ଯୌନ ହିଂସା ହୋଇଛି । ଯୌନ ହିଂସା ସମୟରେ କଣ୍ଡୋମ୍ ବ୍ୟବହାର ହୋଇଥିଲା କି ନାହିଁ ? ଏସବୁ କଥା ଧ୍ୟାନର ସହ ଲେଖାଯାଇଥାଏ ଏବଂ ପରେ ପୀଡ଼ିତାଙ୍କ ଶରୀରରୁ ମିଳିଥିବା ସାମ୍ପଲକୁ ଅଭିଯୁକ୍ତଙ୍କ ସାମ୍ପଲ୍ ସହ ମିଶାଯାଇଥାଏ ।