ପ୍ରଥମେ କାଳୀ ଥିଲି ବୋଲି କେହି ପଚାରୁ ନଥିଲେ,ମୁମ୍ବାଇ ଯାଇ ଗୋରୀ ହେଇ ଆସିବା ପରେ ମୋ ପଛରେ ଲମ୍ବା ଲାଇନ୍

କାଳୀ ଅର୍ଚ୍ଚନାକୁ ପଚାରେ କିଏ ? କିଏ ବା କାହିଁକି ପଚାରିବ ଏହି ସାବନି ରଙ୍ଗର ଝିଅକୁ, ସେଥିପାଇଁ ଅର୍ଚ୍ଚନା ବହୁତ୍ ମନ ଊଣା ମଧ୍ୟ କରନ୍ତି । ଆଜ୍ଞା ଆମେ ଏ କଥା କହୁନୁ ବରଂ ଅର୍ଚ୍ଚନାଙ୍କ ସାଙ୍ଗମାନେ ଏକଥା ହେଉଛନ୍ତି । ଅର୍ଚ୍ଚନା କୁଆଡେ ସୁନ୍ଦର୍ ହେବାକୁ ବହୁତ୍ ଚେଷ୍ଟା କରୁଥିଲେ । ଦଶମରେ ପାଠ ପଢୁଥିବାବେଳେ ଘରୁ ରାଗିକି ପଳାଇ ଆସିଥିଲେ । ନିଜ ଗୋଡ଼ରେ ଛିଡ଼ା ହେବାକୁ ଏକ ବିଉଟିପାର୍ଲରରେ କାମ କରୁଥିଲେ । ଆଉ ବିଉଟିପାର୍ଲରକୁ ଆସୁଥିବା ସବୁ ଧଳା ରଙ୍ଗର ଚେହେରାକୁ ଦେଖି ନିଜେ ଧଳା ହେବାକୁ ବହୁତ୍ ଚେଷ୍ଟା କରୁଥିଲେ ।

କିନ୍ତୁ ଏଥିପାଇଁ ପ୍ରବଳ ପଇସା ଦରକାର୍ ଥିଲା । ଆଉ ସେତେ ପଇସା ସେ କୁଆଡେ ବା ଆଣିବେ । ତେଣୁ ଲାଗି ପଡ଼ି କୁଆଡେ ଜଣେ ପ୍ରଯୋଜକଙ୍କୁ ପଟାଇଲେ । ଆଉ ତା ସହ ମୁମ୍ବାଇ ଗଲେ ଏବଂ ଲେଜର ଚିକିତ୍ସା କଲେ । ଔଷଧ ଖାଇଲେ ଆଉ କାଳୀରୁ ଗୋରୀ ହୋଇ ଓଡ଼ିଶା ଫେରିଲେ । ଆଉ ତାପରେ ଓଡ଼ିଶା ମାର୍କେଟରେ ଫିଟିଗଲା ତାଙ୍କ ଡିମାଣ୍ଡ, ଆଉ ଯେଉଁ ଅଫିସରେ ତାଙ୍କୁ ଦିନେ କାମ ମିଳୁନଥିଲା, ସେ ଅଫିସର ମାଲିକମାନେ ତାଙ୍କ ଘରକୁ ଲାଇନ୍ ଲଗାଇ ଦେଇଥିଲେ । କାରଣ ଅର୍ଚ୍ଚନା ଆଉ କାଳୀ ହୋଇନଥିଲେ ବରଂ ଗୋରୀ ହୋଇଯାଇଥିଲେ ।

ଅର୍ଚ୍ଚନା ଆଉ ଏକୁଟିଆ ନଥିଲେ, ରାଣୀ ମହୁମାଛି ପାଲଟି ଯାଇଥିଲେ । ଅନେକ ଯୁବତୀଙ୍କୁ ନେଇ ଏକ ସେକ୍ସ୍ ରାକେଟ ଚଲାଉଥିଲେ । ଆଉ ତାହା ପୁଣି ଛୋଟ ମୋଟ ସେକ୍ସ୍ ରାକେଟ ନୁହେଁ ବରଂ ଦାମିକା ସେକ୍ସ୍ ରାକେଟ । ଯେଉଁଠି ବଡ ବଡ଼ ବିଲଡର, ବଡ ବଡ଼ ନେତା, ବଡ ବଡ଼ ଅଫିସର୍, ବଡ ବଡ ପଦାଧିକାରୀ ଆସୁଥିଲେ । ସବୁକିଛି ବଡ ଥିଲା, ଆଉ ସବୁ ବଡ ବାବୁମାନେ ଏଠାକୁ ରାତିକୁ ରଙ୍ଗୀନ କରିବାକୁ ଆସୁଥିଲେ । ଏଠି ମଦ ମିଳୁଥିଲା, ଦେହ ସୁଖ ମଧ୍ୟ ମିଳୁଥିଲା । ଆଉ ରାତିକୁ ରଙ୍ଗୀନ୍ କରି ମୋଟା ଅଙ୍କର ଟଙ୍କାକୁ ଅର୍ଚ୍ଚନା ହାତରେ ଧରେଇ ଦେଇ ବାହୁଡ଼ି ଯାଉଥିଲେ ।

ଆଉ ସେଇ ମିଛ ତ ଟଙ୍କାରେ ଗୋଟିଏ ଗୋଟିଏ କରି ଇଟା ଯୋଡା ହୋଇ ମିଛ ସାମ୍ରାଜ୍ୟ ତିଆରି ହେଲା । ସେହି ପାପର ସାମ୍ରାଜ୍ୟ, ଯେଉଁଠି ସବୁଦିନ ରାତି ପାଇଲେ ସକାଳେ ସିନେମା ସୁଟିଙ୍ଗ ହେଉଥିଲା ଆଉ ଘର ଭଡ଼ାରେ ଯାଉଥିଲା । ଆଉ ରାତି ହେଲେ ସେହି ଦେହଜୀବୀ ମାନଙ୍କର ସୁଅ ଛୁଟୁଥିଲା । ବଡ ବଡ ଗାଡ଼ି ଆସି ଲାଗୁଥିଲା । ବଡ ବଡ ନେତା, ବଡ ବଡ ମନ୍ତ୍ରୀ ଆସି ସେଠାରେ ଦେହ ସୁଖ ନେଇ ଯାଉଥିଲେ ।

ଆଉ ସେବେଠୁ ଅର୍ଚ୍ଚନା ବୁଝିଗଲେ ଯେ କାଳୀ ଅର୍ଚ୍ଚନାକୁ କିଏ ବା ପଚାରେ, ଗୋରୀ ହେଲି ବୋଲି ସିନା ଅମାପ ଅମାପ ସମ୍ପତ୍ତିର ମାଲିକାଣି ହୋଇପାରିଲି । ତେବେ କାଳେ ସିଏ ଅତୀତକୁ ଭୁଲିଗଲେ, କାଳୀ ଅର୍ଚ୍ଚନାକୁ କିଏ ପଚାରୁ କି ନ ପଚାରୁ, ଗୋରୀ ଅର୍ଚ୍ଚନାକୁ ସମସ୍ତେ ପଚାରିଲେ । ମନ୍ତ୍ରୀ ହେଉ କି ନେତା, ବଡ ପଦାଧିକାରୀ ହେଉ କି ବିଲଡର୍, ବଡ ଅଭିନେତା ହେଉ କି ପ୍ରଯୋଜକ, ସମସ୍ତଙ୍କର ଗୋଟିଏ ଠିକଣା ହେଉଛି ସୁନ୍ଦରୀ ଅର୍ଚ୍ଚନା ।