Get real time updates directly on you device, subscribe now.
ଆଜି ଥିଲା ବିଜୟ ଦଶମୀ, ଆଉ ମାଙ୍କ ପାଖରେ ପୂଜା ଅର୍ଚ୍ଚନା କରିବାପାଇଁ ମା ବି ଗାଧେଇ ସାରିଥିଲା । ଶାଢ଼ୀ ଶୁଖାଇବା ପାଇଁ ପଦାକୁ ଆସିଥିଲେ, ଆଉ ବିଦ୍ୟୁତ ସଂସ୍ପର୍ଶରେ ଆସିଗଲା । ତାପରେ ମାକୁ ବଞ୍ଚାଇବା ପାଇଁ ପୁଅ ଏବଂ ପୁତୁରାକୁ ବଞ୍ଚାଇବା ପାଇଁ ଦାଦା, ଅର୍ଥାତ୍ ଦିଅର, ପୁଅ ଓ ମା ସବୁ ଆରପାରିକୁ ଚାଲିଗଲେ ।
ବିଜୟ ଦଶମୀରେ ଗୋଟିଏ ପରିବାରର ତିନି ତିନିଟି ଜୀବନ ଚାଲିଗଲା । ଆଜ୍ଞା ହଁ, ମୃତକ ହେଲେ ସୁକାନ୍ତି ବେହେରା, ପୁଅ ଶୋହନ ବେହେରା ଏବଂ ଦିଅର ସୁଶିଲ ବେହେରା । ତାପରେ ସଙ୍ଗେ ସଙ୍ଗେ ସେମାନଙ୍କୁ ଉଦ୍ଧାର କରି ହସ୍ପିଟାଲ୍ ନିଆଗଲା, ଆଉ ଡାକ୍ତର ସେଠାରେ ସେମାନଙ୍କୁ ମୃତ ଘୋଷଣା କରିଦେଲେ । ଆଉ ତାପରେ ଗାଁରେ ଶୋକାକୁଳା ପରିବେଶ, କାହାରି ଆଖିରୁ ଲୁହ ସୁଖୁନି । ଆଜି ଭଳି ଗୋଟିଏ ପବିତ୍ର ଦିନରେ ଏପରି ଗୋଟିଏ ଅଘଟଣ ଘଟିଯିବ ବୋଲି ଏବେ ବି ବିଶ୍ୱାସ କରିପାରୁ ନାହାନ୍ତି ।
ଆଜ୍ଞା ହଁ, ଆମେ କହୁଛୁ ବୌଦ୍ଧ ଜିଲ୍ଲାର ହରଭଙ୍ଗା ଥାନା ଅନ୍ତର୍ଗତ ଜବଲପୁର ଗ୍ରାମର ସୁକାନ୍ତି ବେହେରାଙ୍କ କଥା । ସୁକାନ୍ତି ଗାଧୋଇ ସାରି ଓଦା ଲୁଗା ଶୁଖାଇବା ବେଳେ ପାଖରେ ଥିବା ମିଟରରେ ଲୁଗାଟି ପଡ଼ି ଯାଇଥିଲା, ଫଳରେ ସୁକାନ୍ତି ବିଦ୍ୟୁତ୍ ସଂସ୍ପର୍ଶରେ ଆସି ଚିତ୍କାର କରିଥିଲେ । ଏହି ଚିତ୍କାର ଶୁଣିବା ପରେ ମାକୁ ବଞ୍ଚାଇବା ପାଇଁ 11 ବର୍ଷର ପୁଅ ଧାଇଁ ଆସିଥିଲା, ହେଲେ ସେ ବି ବିଦ୍ୟୁତ୍ ସଂସ୍ପର୍ଶରେ ଆସି ଯାଇଥିଲା । ତେବେ ସୁକାନ୍ତିଙ୍କ ଦିଅର ସୁଶିଲ ବେହେରା ତାଙ୍କୁ ବଞ୍ଚାଇବା ପାଇଁ ଚେଷ୍ଟା କରୁଥିବା ବେଳେ ସେ ମଧ୍ୟ ବିଦ୍ୟୁତ ସଂସ୍ପର୍ଶରେ ଆସି ଯାଇଥିଲେ ।
ଏହାପରେ ଗାଁ ଲୋକେ ପାଟି ଶୁଣି ଗାଁର ବିଦ୍ୟୁତ୍ କାଟି ତିନିଜଣଙ୍କୁ ପୁରୁଣା କଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ହେଲେ ତିନିଜଣଙ୍କୁ ସେଠାରେ ଡାକ୍ତର ମୃତ ଘୋଷଣା କରିଛନ୍ତି । ଖବର ପାଇ ପୋଲିସ ପହଞ୍ଚିଛି ଏବଂ ତଦନ୍ତ ଆରମ୍ଭ ଆରମ୍ଭ କରୁଛି । ଆଉ ସେପଟେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
