ଅଧିକ ଅଫର ପାଇବା ଚକ୍କରରେ ମଗାଇଦେଲେ 50 ହଜାର ଟଙ୍କାର ଲାପଟପ, ଡବା ଖୋଲିବା ମାତ୍ରେ ବାହାରିଲା ଘଡି ସାବୁନ, କମ୍ପାନୀ ରିଟର୍ନ ନେବାକୁ କରିଦେଲା ମନା
Get real time updates directly on you device, subscribe now.
Flipkart ନିଜ ଫେଷ୍ଟିଭ ସିଜିନକୁ ନେଇ ବହୁତ୍ ହେଡଲାଇନରେ ଅଛି । ଯେଉଁଠାରେ ପୂର୍ବରୁ iPhone 13 ଅର୍ଡର କ୍ୟାନ୍ସେଲ ହେବାକୁ ନେଇ କମ୍ପାନୀ ଉପରେ ଆରୋପ ଲଗାଯାଇଥିଲା । ସେହିପରି ବର୍ତ୍ତମାନ ଗୋଟିଏ ନୂତନ ମାମଲା ସାମ୍ନାକୁ ଆସିଛି । ବାସ୍ତବରେ IIM- ଅହମଦାବାଦର ଜଣେ ଛାତ୍ର ଯଶଶ୍ଵି ଶର୍ମା ନିଜ ବାପାଙ୍କ ପାଇଁ ଲାପଟପ ଅର୍ଡର କରିଥିଲେ । କିନ୍ତୁ ଯେତେବେଳେ Flipkart ଡେଲିଭରି ଦେଲା, ସେତେବେଳେ ସେଥିରୁ ଘଡି ଡିଟରଜେଣ୍ଟର ପ୍ୟାକ୍ ଥିଲା । ଏହି ଅର୍ଡର ବିଗ୍ ବିଲିଅନ ଡେଜ୍ ସେଲ ସମୟରେ କରାଯାଇଥିଲା । ଯଶଶ୍ଵି ଟୁଇଟରରେ କହିଛନ୍ତି ଯେ ଇ-କମର୍ସ ପ୍ରସିଦ୍ଧ Flipkart ନିଜ ଭୁଲକୁ ଠିକ୍ କରିବାକୁ ମନା କରିଦେଇଛି ।
ସେହିପରି ଗୋଟିଏ ଲିଙ୍କଡଇନ୍ ପୋଷ୍ଟରେ ଯଶସ୍ଵି ଶର୍ମା କହିଛନ୍ତି ଯେ ଲାପଟପ ଜାଗାରେ ଘଡି ଡିଟରଜେଣ୍ଟର ପ୍ୟାକ୍ ପଠାଇବା ସତ୍ତ୍ବେ Flipkart ର କଷ୍ଟମର ସପୋର୍ଟ ତାଙ୍କ ଉପରେ ଆରୋପ ଲଗାଉଛନ୍ତି । ସେ କହିଛନ୍ତି ଯେ ତାଙ୍କ ପାଖରେ ଏହା ପ୍ରମାଣିତ କରିବାପାଇଁ ସିସିଟିଭି ଫୁଟେଜ ପ୍ରମାଣ ମଧ୍ୟ ଅଛି ଯେ ସେ ସତ କହୁଛନ୍ତି, କିନ୍ତୁ କୌଣସି ଲାଭ ହେଲା ନାହିଁ । ଏହାସହିତ ଏହା ମଧ୍ୟ କହିଛନ୍ତି ଯେ ତାଙ୍କୁ ଓପନ ବକ୍ସ ଡେଲିଭରି ବିଷୟରେ ଜଣାନଥିଲା, ତେଣୁ ତାଙ୍କ ଦ୍ଵାରା ଏହି ଭୁଲ ହେଲା । ଏଥିପାଇଁ କ୍ରେତାଙ୍କୁ ଡେଲିଭରି ଏଯେଣ୍ଟ ଙ୍କ ସାମ୍ନାରେ ପ୍ୟାକେଜ ଖୋଲିବାକୁ ପଡ଼ିବ ଏବଂ ଆଇଟମକୁ ଟେଷ୍ଟ କରିବା ପରେ ହିଁ ଓଟିପି ଦେବାର ଥିଲା । ଶର୍ମା କହିଛନ୍ତି ଯେ ତାଙ୍କ ବାପା ଏହା ମାନି ନେଇଥିଲେ ଯେ ପ୍ୟାକେଜ ମିଳିବା ପରେ ଓଟିପି ଦେବା ଉଚିତ୍, ଯାହାକି ଅଧିକାଂଶ ପ୍ରିପେଡ୍ ଡେଲିଭରି ମାମଲାରେ ହୋଇଥାଏ ।
ଲାପଟପ ଜାଗାରେ ଡେଲିଭରି କରାଗଲା ଡିଟରଜେଣ୍ଟର ପ୍ୟାକ୍ :-
ତେବେ Flipkart ର ସବୁଠାରୁ ବରିଷ୍ଠ ଗ୍ରାହକ ସହାୟତା କାର୍ଯ୍ୟକାରୀ କହିଛନ୍ତି ଯେ ଏହି ପ୍ରଡକ୍ଟର ରିଟର୍ନ ସମ୍ଭବ ନୁହେଁ । ଏହାସହିତ କହିଲେ ଯେ ଏହି ମାମଲାକୁ ଆଗକୁ ବଢାଇ ହେବ ନାହିଁ । ସେ ଏହା ମଧ୍ୟ କହିଛନ୍ତି ଯେ, ” ମୋ ବାପାଙ୍କର ଭୁଲ କେବଳ ଏହା ଯେ ସେ ଏହା ମାନି ନେଇଥିଲେ ଯେ – Flipkart ରୁ ଆସିଥିବା ପ୍ୟାକେଜରେ ଏକ ଲାପଟପ ଥିବ, ଡିଟରଜେଣ୍ଟର ନୁହେଁ । ଓଟିପି ମାଗିବା ପୂର୍ବରୁ ଡେଲିଭରି ବୟ ମୋ ବାପାଙ୍କୁ ଓପନ ବକ୍ସ କନସେପ୍ଟ ବିଷୟରେ କହିପାରିଲେ ନାହିଁ ।
