ଆସିଗଲା ଦୁନିଆର ପ୍ରଥମ ଉଡନ୍ତା ବାଇକ, ଗତି ରହିଛି ଘଣ୍ଟା ପିଛା 100 କିଲୋମିଟର୍, ଜାଣନ୍ତୁ କେତେ ରହିଛି ମୂଲ୍ୟ
Get real time updates directly on you device, subscribe now.
ଦୁନିଆର ପ୍ରଥମ ଉଡନ୍ତା ବାଇକ ଲଞ୍ଚ ହୋଇଯାଇଛି । ଯଦି ଆପଣ ଟ୍ରାଫିକ ଜାମ କାରଣରୁ ଚିନ୍ତିତ ଏବଂ ପବନରେ ଉଡ଼ି ଗୋଟେ ସହରରୁ ଅନ୍ୟ ସହରକୁ ଯିବାକୁ ଚାହୁଁଛନ୍ତି, ତେବେ ଆପଣଙ୍କ ପାଇଁ ୟାଠୁ ଭଲ ବିକଳ୍ପ ମିଳିବ ନାହିଁ ।
ଜାପାନର ଏକ ଷ୍ଟାର୍ଟଅପ୍ କମ୍ପାନୀ AERWINS Technologies ଏହି ବାଇକକୁ ତିଆରି କରିଛି । ସେପ୍ଟେମ୍ବର 15 ତାରିଖରେ ଡେଟ୍ରୋୟଟ ଅଟୋ ଶୋରେ ଏହାକୁ ଲଞ୍ଚ କରାଯାଇଛି । ଶୋ ସମୟରେ ଏହି ବାଇକର ଏକ୍ସପର୍ଟ ଖୁବ୍ ପ୍ରଶଂସା କରିଛନ୍ତି ।
ଏହି ବାଇକର ନାମ ହେଉଛି Xturismo । ଡେଟ୍ରୋୟଟ ଅଟୋ ଶୋର ସହ ଅଧ୍ୟାପକ ଥାଡ ସଜୋଟ ଏହି ବାଇକକୁ ଖୁବ୍ ପ୍ରଶଂସା କରିଛନ୍ତି । କୁହାଯାଉଛି ଯେ ସେ ନିଜେ ଏହାକୁ ଟେଷ୍ଟ କଲେ । ନିଜ ଅନୁଭବକୁ ସେୟାର କରି ସେ କହିଛନ୍ତି ଯେ ଏହା ବହୁତ୍ ଉତ୍ସାହଜନକ ଏବଂ ଚମତ୍କାର ଅଟେ ।
ନିସନ୍ଦେହରେ ଏହି ବାଇକ୍ ଲୋକଙ୍କ ସ୍ବପ୍ନକୁ ବାସ୍ତବରେ ବଦଳାଇ ଦେଇଥାଏ । ତେବେ ବର୍ତ୍ତମାନ ଏଥିପାଇଁ ଆପଣଙ୍କୁ ମୋଟା ରକମ ଖର୍ଚ୍ଚ କରିବାକୁ ପଡିବ । କମ୍ପାନୀ ଅନୁଯାୟୀ ଏହି ବାଇକର ମୂଲ୍ୟ 7 ଲକ୍ଷ 77 ହଜାର ଡ଼ଲାର ଅଟେ । ଅର୍ଥାତ୍ ଏହି ରାଶି ଯଦି ଭାରତୀୟ ଟଙ୍କାରେ ବଦଳାଇ ଦେବା, ତେବେ ଆପଣଙ୍କୁ ଏଥିପାଇଁ 6 କୋଟି 18 ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡ଼ିବ ।
ଏହି ବାଇକର ଓଜନ 300 କିଲୋ ଗ୍ରାମ ଅଟେ । ଏହି ଉଡନ୍ତା ବାଇକ୍ ଘଣ୍ଟା ପ୍ରତି 100 କିଲୋମିଟର୍ ଗତିରେ ଉଡ଼ିପାରେ । ଏହାକୁ ଉଡ଼ିବା ପାଇଁ ବ୍ୟାଟେରୀରୁ ମଧ୍ୟ ଶକ୍ତି ମିଳିଥାଏ । କମ୍ପାନୀ କହିଛି ଯେ ଛୋଟ ଇଲେକ୍ଟ୍ରିକ ମଡେଲର ମୂଲ୍ୟ $50,000 ପ୍ରାୟ 39,82,525 ଟଙ୍କା ପର୍ଯ୍ୟନ୍ତ ହେବାର ଆଶା ରହିଛି ।
ଏହା ଜାପାନରେ ପୂର୍ବରୁ ହିଁ ବ୍ଲାକ, ବ୍ଲୁ ଏବଂ ରେଡ କଲରରେ ବିକ୍ରି ପାଇଁ ଉପଲବ୍ଧ ଅଛି । ଏହାର ନିର୍ମାଣକାରୀମାନେ ଏହାକୁ 2023 ରେ ଆମେରିକାରେ ବିକ୍ରି କରିବାକୁ ଆରମ୍ଭ କରିବାର ଯୋଜନା କରୁଛନ୍ତି ।
