କ୍ଷମା କରିଦିଅନ୍ତୁ… ମୁଁ ଜଣେ ଭଲ ଝିଅ ହୋଇପାରିଲି ନାହିଁ, ସୁସାଇଡ ନୋଟ ଲେଖି ଯୁବତୀ କଲେ ଆତ୍ମହତ୍ୟା
Get real time updates directly on you device, subscribe now.
ବିହାରର ମୂଜଫରପୁରରେ ଜଣେ ଛାତ୍ରୀଙ୍କ ଶବ ଫ୍ୟାନରେ ଝୁଲୁଥିବା ଅବସ୍ଥାରେ ମିଳିଲା । ଘଟଣାଟି କାଜି ମୋହମଦପୂର ଥାନା ଅଂଚଳର ଅଟେ, ଯେଉଁଠାରେ ଛାତ୍ରୀ ଗୋଟେ ଭଡ଼ା ଘରେ ରହୁଥିଲେ । ଯୁବତୀଙ୍କ ଶବ ପାଖରୁ ସୁସାଇଡ ନୋଟ ମଧ୍ୟ ଉଦ୍ଧାର କରାଯାଇଛି । ଘଟଣାର ସୂଚନା ମିଳିବା ମାତ୍ରେ ପୋଲିସ ଯାଞ୍ଚ୍ କରିବା ପରେ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଛି । ଘଟଣାସ୍ଥଳରୁ ମିଳିଥିବା ସୁସାଇଡ ନୋଟ ଏବଂ ଅନ୍ୟ ପ୍ରମାଣକୁ ପୋଲିସ ନିଜ କବଜାକୁ ନେଇଛି । ଛାତ୍ରୀ 25 ବର୍ଷୀୟ ଥିଲେ । ସେ ପଶ୍ଚିମି ରମ୍ପରଣର ଭୈରଗଞ୍ଜ ଥାନାର ପରସୌନିର ବାସିନ୍ଦା ଅଟନ୍ତି ।
କୁହାଯାଉଛି ଯେ ଛାତ୍ରୀ ଜଣକ ଘରୁ ବିଇଡିର ଫର୍ମ ପୂରଣ କରିବାକୁ କହି ମୂଜଫରପୁରକୁ ଯାଇଥିଲେ । ଛାତ୍ରୀଙ୍କ ମା ପୋଲିସକୁ କହିଛନ୍ତି ଯେ ତାଙ୍କ ଝିଅ ମୂଜଫରପୁରରେ ରାମଦୟାଳୁ ନଗରରେ ନିଜ ଭାଇଙ୍କ ଭଡ଼ା ଘରେ ରହୁଥିଲେ । ଏହାବ୍ୟତୀତ ତାଙ୍କ ଭାଇଙ୍କ ପିଲା ମଧ୍ୟ ଏକାଠି ଏହି ପାଠ ପଢୁଥିଲେ । 2020 ମସିହାରେ ଲକଡାଉନ୍ ସମୟରେ ଭଡ଼ା ଘର ଖାଲି କରି ସମସ୍ତେ ଘରକୁ ଆସିଥିଲେ । କିନ୍ତୁ ଝିଅ ବେଳେବେଳେ ସେହି ଭଡ଼ା ଘରେ ଯାଇ ରହୁଥିଲା ।
ବିଇଡି ଫର୍ମ ପୂରଣ କରିବା କଥା କହି ଘରୁ ବାହାରିଥିଲେ :-
ସେ କହିଛନ୍ତି ଯେ ଝିଅ ବିଇଡି ଫର୍ମ ପୂରଣ କରିବା କଥା କହି ଘରୁ ବାହାରିଥିଲା । ଶୁକ୍ରବାର ଦିନ ପ୍ରାୟ ସାଢେ଼ ଗୋଟେ ସମୟରେ ଝିଅ ସହିତ ଫୋନରେ କଥା ହୋଇଥିଲା । ସେ କହିଲା ଯେ ଘର ମାଲିକଙ୍କ ଘରେ ପୂଜା ଅଛି । ଏହାପରେ ରାତିରେ ଘର ମାଲିକାଣୀ ଫୋନରେ କହିଲେ ଯେ ତାଙ୍କ ଝିଅ କଲ୍ ରିଶିଭ କରୁନି । ତାର ରୁମର କବାଟ ଭିତରୁ ବନ୍ଦ ଅଛି । ତାପରେ ସେ ମଧ୍ୟ କଲ୍ କଲେ, କିନ୍ତୁ ଝିଅ ଫୋନ୍ ଉଠାଇ ନଥିଲା । ଏହାପରେ ଘର ମାଲିକ ଘରଲୋକଙ୍କୁ ଭିଡିଓ କଲ କରି କବାଟ ଭାଙ୍ଗିଲେ, ଯେଉଁଠାରେ ଯୁବତୀ ଚୁନରୀରେ ଫାସ ପକାଇ ଫ୍ୟାନରେ ଝୁଲୁଥିଲା । ଘରଲୋକେ ଏହାର ସୂଚନା ପୋଲିସକୁ ଦେଲେ । ଘଟଣାସ୍ଥଳରେ ପହଂଚି ପୋଲିସ ଶବକୁ ତଳକୁ ଓହ୍ଲାଇଲା ।
ଏହି ମାମଲାରେ ପୋଲିସ ଦିଗମ୍ବର କୁମାର କହିଛନ୍ତି ଯେ ଛାତ୍ରୀଙ୍କ ଆତ୍ମହତ୍ୟାର ସୂଚନା ମିଳିଯାଇଥିଲା । ଘଟଣାସ୍ଥଳରେ ପହଞ୍ଚିଥିବା ପୋଲିସ ଯାଞ୍ଚ୍ କରିବାପରେ ଶବକୁ ପୋଷ୍ଟମର୍ଟମ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି । ପୀଡ଼ିତାଙ୍କ ମାଆଙ୍କ ବୟାନ ଉପରେ କେସ କରାଯାଇଛି । ଘଟଣାସ୍ଥଳରୁ ମିଳିଥିବା ପ୍ରମାଣ ଓ ଅନ୍ୟ ବିନ୍ଦୁ ଉପରେ ମାମଲାର ଯାଞ୍ଚ୍ ଜାରି ରହିଛି ।
କ୍ଷମା କରିଦିଅ ମତେ…
ଉଦ୍ଧାର କରାଯାଇଥିବା ସୁସାଇଡ ନୋଟରେ ଛାତ୍ରୀ ଲେଖିଛନ୍ତି, ” ସମସ୍ତେ ମତେ କ୍ଷମା କରିଦିଅ, ମୁଁ ମୋ ଜୀବନରେ ଖୁସିରେ ନାହିଁ । ମୁଁ ମରିବାକୁ ଚାହୁଁଛି । ଏଥିରେ କାହାର କିଛି ବି ଦୋଷ ନାହିଁ ଏବଂ ମୁଁ ଚାହୁଁଛି ପୋଲିସ ଏଥିରେ ମୁଣ୍ଡ ଭର୍ତ୍ତି ନ କରୁ । ଏଇଟା ମୋ ଜୀବନ ଥିଲା ଆଉ ମୁଁ ଏହାକୁ ଶେଷ କରୁଛି । ମୋ ପାଇଁ କାହାକୁ କାନ୍ଦିବାର କୌଣସି ଆବଶ୍ୟକ ନାହିଁ । ମୁଁ ଗୋଟେ ଭଲ ଝିଅ ହୋଇପାରିଲି ନାହିଁ । ମତେ କ୍ଷମା କରିଦିଅ… ।”
