କୁକୁର ପ୍ରତି ଥିଲା ଆଲର୍ଜି, ଶାଶୂ ଶ୍ଵଶୁର ଘରୁ ବାହାର କରିବା ପାଇଁ ମନା କରିବାରୁ ବୋହୂ ଏବଂ ନାତୁଣୀ କଲେ ଆତ୍ମହତ୍ୟା
Get real time updates directly on you device, subscribe now.
କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ମା ଓ ଝିଅ ଫାଶୀ ଲଗାଇ ଆତ୍ମହତ୍ୟା କଲେ । ସୂଚନା ମିଳିବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଲା ଏବଂ ଦୁହିଁଙ୍କ ଶବକୁ ନିଜ କବଜାକୁ ନେଇ ପୋଷ୍ଟମର୍ଟମ ପାଇଁ ପଠାଇଲେ ଏବଂ ମାମଲାର ଯାଞ୍ଚ୍ ଆରମ୍ଭ କରିଲେ । ଏହି ସମୟରେ ପୋଲିସ ଜାଣିବାକୁ ପାଇଲା ଯେ ପୋଷା କୁକୁରକୁ ନେଇ ଘରେ ଝଗଡା ଚାଲିଥିଲା । ମହିଳାଙ୍କର କୁକୁର ପ୍ରତି ଆଲର୍ଜି ଥିଲା । ଯାହା ପରେ ସେ ସ୍ବାମୀ ଏବଂ ଶାଶୂ ଶ୍ଵଶୁରଙ୍କୁ ଘରୁ କୁକୁରକୁ ବାହାର କରିବାପାଇଁ କହିଥିଲେ, କିନ୍ତୁ କେହି ବି ଶୁଣିଲେ ନାହିଁ । ଏହାଦ୍ବାରା ଦୁଃଖୀ ହୋଇ ସେ ନିଜର 13 ବର୍ଷୀୟ ଝିଅ ସହିତ ଆତ୍ମହତ୍ୟା କରିଦେଲେ ।
ମହିଳା ଗୃହିଣୀ ଥିଲେ ଏବଂ ତାଙ୍କ ଝିଅ ଏକ ପ୍ରାଇଭେଟ୍ ସ୍କୁଲରେ ଷଷ୍ଠ ଶ୍ରେଣୀରେ ପଢ଼ୁଥିଲା । ପୋଲିସ ମହିଳାଙ୍କ ସ୍ଵାମୀ, ଶାଶୂ ଓ ଶ୍ବଶୁର ବିରୋଧରେ ଆତ୍ମହତ୍ୟା ପାଇଁ ଉତ୍ସାହିତ କରିବାର ମାମଲା ରୁଜ୍ଜୁ କରିଛି ।
ଯାଞ୍ଚ ସମୟରେ ପୋଲିସ ଜାଣିବାକୁ ପାଇଲା ଯେ ମହିଳାଙ୍କର ଶ୍ୱାସ ସମ୍ବନ୍ଧୀୟ ରୋଗ ଥିଲା ଏବଂ ଡାକ୍ତର ତାଙ୍କୁ କୁକୁର ଠାରୁ ଦୂରେଇ ରହିବାକୁ ପରାମର୍ଶ ଦେଇଥିଲେ । ମୃତକ ମହିଳା ଅନେକଥର ନିଜ ସ୍ବାମୀ ଓ ଶାଶୂ ଶ୍ଵଶୁରଙ୍କୁ କୁକୁରକୁ ଘରୁ ବାହାର କରିବାପାଇଁ ଅନୁରୋଧ କରିଥିଲେ, କିନ୍ତୁ ଘରୁ କୁକୁରକୁ ବାହାର କରାଗଲା ନାହିଁ । ଯେଉଁ କାରଣରୁ ଘରେ ପ୍ରାୟତଃ ବାରମ୍ବାର ଝଗଡା ହେଉଥିଲା ।
ମୃତକ ମହିଳାଙ୍କ ବାପା ଝିଅର ଶାଶୂଘର ଲୋକଙ୍କ ବିରୋଧରେ କେସ କରିଛନ୍ତି । ଅଭିଯୋଗରେ କୁହାଯାଇଛି ଯେ ତାଙ୍କ ଝିଅର ନିଶ୍ବାସ ନେବାରେ ଅସୁବିଧା ହେଉଥିଲା । କିନ୍ତୁ ତାଙ୍କ ଘରଲୋକେ ତା କଥାକୁ ଜମାରୁ ଶୁଣୁନଥିଲେ ।
ଏହା ମଧ୍ୟରେ ସେ ଝିଅ ସହିତ ନିଜ ରୁମକୁ ଗଲା ଏବଂ ଯେତେବେଳେ ବହୁତ୍ ସମୟ ଧରି ବାହାରକୁ ବାହାରିଲେ ନାହିଁ, ସେତେବେଳେ ଘରଲୋକେ କବାଟ ଭାଙ୍ଗିଦେଲେ । ତାପରେ ଜଣାପଡ଼ିଲା ଯେ ସେ ନିଜ ଝିଅ ସହ ଆତ୍ମହତ୍ୟା କରିଦେଇଛି । ଏହି ଘଟଣା ପରଠାରୁ ପରିବାର ଲୋକଙ୍କ ଉପରେ ଯେମିତି ପାହାଡ଼ ଭାଙ୍ଗି ପଡ଼ିଛି । ପୋଲିସ ମହିଳାଙ୍କ ଶାଶୂଘର ଲୋକଙ୍କୁ ନିଜ ହେପାଜତକୁ ନେଇଛି ଏବଂ ସେମାନଙ୍କୁ ପଚରାଉଚରା କରୁଛି ।
