PM Kisan: ଆପଣଙ୍କର କେବଳ ଗୋଟିଏ ଭୁଲ ହିଁ ଆପଣଙ୍କ ଉପରେ ପଡିପାରେ ଭାରି, ଖାତାକୁ ଆସିବନାହିଁ 12 ତମ କିସ୍ତିର 2000 ଟଙ୍କା
Get real time updates directly on you device, subscribe now.
PM Kisan Nidhi 12th Instalment: ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନାର 11 ତମ କିସ୍ତିର ପଇସା କୃଷକଙ୍କ ଖାତାକୁ ମେ 31 ତାରିଖରେ ଆସି ସାରିଛି । ଏଥର ସରକାରଙ୍କ ତରଫରୁ 10.63 କୋଟି କୃଷକଙ୍କ ଖାତାକୁ ପଇସା ଟ୍ରାନ୍ସଫର କରାଯାଇଛି । ପିଏମ କିସାନ ସମ୍ମାନ ନିଧି ଯୋଜନାର 12 ତମ କିସ୍ତି ଅଗଷ୍ଟରୁ ନଭେମ୍ବର ମଧ୍ୟରେ କୃଷକଙ୍କ ଖାତାକୁ ଆସିବ । କିନ୍ତୁ ଏହି କିସ୍ତି ଆସିବା ପୁର୍ବରୁ ଆପଣଙ୍କର ଇ-କେୱାଇସି କରିବା ଜରୁରୀ ଅଟେ ।
ସମସ୍ତଙ୍କର ଇ-କେୱାଇସି ପୁରା ହେବା ଜରୁରୀ :-
ଆପଣଙ୍କୁ କହିରଖୁଛି ଯେ ସରକାରଙ୍କ ତରଫରୁ ପୂର୍ବରୁ ଇ-କେୱାଇସି(e-kyc) କରାଇବାର ଶେଷ ତାରିଖ ମାର୍ଚ୍ଚ 31 ସ୍ଥିର କରାଯାଇଥିଲା । ବାସ୍ତବରେ ଏହି ତାରିଖ ସ୍ଥିର କରିବା ପଛରେ ସରକାରଙ୍କ ଏହା ପ୍ଲାନ୍ ଥିଲା ଯେ 11ତମ କିସ୍ତି ଖାତାକୁ ଆସିବା ପୂର୍ବରୁ ସମସ୍ତଙ୍କର ଇ-କେୱାଇସି ପୁରା ହୋଇଯାଉ । କିନ୍ତୁ ସ୍ଥିର ତାରିଖ ସୁଦ୍ଧା ଇ-କେୱାଇସି ପୁରା ନ ହେବାରୁ ସରକାର ଏଥିପାଇଁ ଶେଷ ତାରିଖ ମେ 31 ସ୍ଥିର କରିଦେଲେ ।
80 ପ୍ରତିଶତ କୃଷକ କରାଇଲେ ଇ-କେୱାଇସି :-
ଗୋଟିଏ ରିପୋର୍ଟ ଅନୁଯାୟୀ, ମେ 31 ତାରିଖ ସୁଦ୍ଧା ପ୍ରାୟ 80 ପ୍ରତିଶତ କୃଷକ ଇ-କେୱାଇସି କରାଇଛନ୍ତି । ବର୍ତ୍ତମାନ ସରକାର ଏହାକୁ ପୁରା କରାଇବାର ଶେଷ ତାରିଖକୁ ବଢାଇ ଜୁଲାଇ 31 ତାରିଖ କରି ଦେଇଛନ୍ତି । ବର୍ତ୍ତମାନ ମଧ୍ୟ ଯଦି କୃଷକଙ୍କ ଇ-କେୱାଇସି ପୁରା ହୁଏନାହିଁ, ତେବେ 2000 ଟଙ୍କାର 12ତମ କିସ୍ତି ଅଟକି ଯାଇପାରେ । 12 ତମ କିସ୍ତି କେବଳ ଇ-କେୱାଇସି କରିଥିବା ଲୋକଙ୍କ ଆକାଉଣ୍ଟକୁ ଆସିବ ।
ଇ-କେୱାଇସି କରାଇବାର ପଦ୍ଧତି :-
ଇ-କେୱାଇସି ଆପଣ କମନ ସର୍ଭିସ ସେଣ୍ଟରକୁ ଯାଇ କିମ୍ବା ଘରେ ବସି ନିଜ ସ୍ମାର୍ଟଫୋନ୍ ଦ୍ଵାରା ମଧ୍ୟ କରିପାରିବେ । ଆପଣଙ୍କୁ କହିରଖୁଛୁ ଯେ ପିଏମ କିସାନ ଯୋଜନା ଅଧୀନରେ ବର୍ଷକୁ 6 ହଜାର ଟଙ୍କା ଗୋଟିଏ କୃଷକ ପରିବାରକୁ ଦିଆଯାଇଥାଏ । ଏହି ପଇସାକୁ ଦୁଇ ଦୁଇ ହଜାର ହିସାବରେ ତିନୋଟି କିସ୍ତିରେ ଦିଆଯାଏ । ଆର୍ଥିକ ବର୍ଷ 2022-2023 ର ଦ୍ୱିତୀୟ ଏବଂ 12 ତମ କିସ୍ତି ଅଗଷ୍ଟରୁ ନଭେମ୍ବର ମଧ୍ୟରେ ଖାତାକୁ ପଠାଯିବ ।
କିପରି କରିବେ ଅନଲାଇନ୍ e-KYC :-
– ସର୍ବପ୍ରଥମେ ନିଜ ଲାପଟପ/ ମୋବାଇଲରେ ପିଏମ କିସାନ ୱେବସାଇଟ https://pmkisan.gov.in/ କୁ ଯାଇ ଲଗଇନ କରନ୍ତୁ ।
– ସେକେଣ୍ଡ ହାଫ୍ ରେ ଦିଆଯାଇଥିବା ‘ ଫାର୍ମର୍ସ କର୍ଣର’ ରେ e-KYC ଉପରେ କ୍ଲିକ୍ କରନ୍ତୁ ।
– ବର୍ତ୍ତମାନ ଖୋଲିଥିବା ୱେବ୍ ପେଜରେ ଆଧାର ନମ୍ୱର୍ ଲେଖି ସର୍ଚ୍ଚ ଟ୍ୟାବ ଉପରେ କ୍ଲିକ୍ କରନ୍ତୁ ।
– ଏହାପରେ ଆପଣଙ୍କ ମୋବାଇଲ କୁ ଓଟିପି ଆସିବ, ଏହାକୁ ଲେଖନ୍ତୁ ।
– ଓଟିପୀ ଦେବାପରେ ଏହାକୁ ସବମିଟ କରିଦିଅନ୍ତୁ ।
