ଗରିବ ଠାରୁ ଆରମ୍ଭ କରି ଧନୀ ଲୋକଙ୍କୁ ଏହି ମା ବିକ୍ରି କରନ୍ତି ମାତ୍ର 1 ଟଙ୍କାରେ ଇଡଲୀ,ଆନନ୍ଦ ମହିନ୍ଦ୍ରା ଖୁସି ହେଇ ଦେଲେ ଚମତ୍କାର ଉପହାର
Get real time updates directly on you device, subscribe now.
ଆମେ ଜାଣିଛନ୍ତି ଯେ ନିକଟରେ ମଦର୍ସ ଡେ ବିତିଛି । ଏହି ବିଶେଷ ଅବସରରେ ଅନେକ ସେଲିବ୍ରିଟିଙ୍କ ଠାରୁ ସାଧାରଣ ଲୋକଙ୍କ ପର୍ଯ୍ୟନ୍ତ ସମସ୍ତେ ସେମାନେ ନିଜ ମାଙ୍କୁ ନିଜର ଭଲପାଇବା କିଛି ନା କିଛି ରୂପରେ ପ୍ରକାଶ କରିଛନ୍ତି । ସେହିଭଳି ଆନନ୍ଦ ମହିନ୍ଦ୍ରା ମଧ୍ୟ ମାତୃ ଦିବସରେ ଜଣେ ମାଙ୍କୁ ସବୁଠାରୁ ବଡ ଏବଂ ଚମତ୍କାର ଉପହାର ଦେଇଛନ୍ତି । ବାସ୍ତବରେ ଆନନ୍ଦ ମହିନ୍ଦ୍ରା ଜଣେ 85 ବର୍ଷ ବୟସ୍କା ମହିଳାଙ୍କୁ ଏପରି ଉପହାର ଦେଇଛନ୍ତି ଯେ ବର୍ତ୍ତମାନ ସମସ୍ତେ ତାଙ୍କୁ ପ୍ରଶଂସା କରୁଛନ୍ତି ।
ଆମେ ଆପଣଙ୍କୁ କହିରଖୁଛୁ ଯେ ଏହି ମହିଳା ତାମିଲନାଡୁର କୋଏମ୍ବାଟୁର ଜିଲ୍ଲାର ଅଟନ୍ତି, ଯାହାକୁ ‘ଇଡଲି ଆମ୍ମା’ ନାମରେ ଅଧିକାଂଶ ଲୋକ ଜାଣନ୍ତି । ମହିଳା ଜଣକ ଧନୀଠାରୁ ଗରିବ ପର୍ଯ୍ୟନ୍ତ ସମସ୍ତଙ୍କୁ ମାତ୍ର 1 ଟଙ୍କାରେ ଇଡଲୀ ଖାଇବାକୁ ଦେଉଥିବାରୁ ସେ ଏହି ନାମ ପାଇଛନ୍ତି । ଯଦିଓ ତାଙ୍କର ପ୍ରକୃତ ନାମ ହେଉଛି ଏମ କମଲାଥଲ । ଆପଣଙ୍କୁ କହିରଖୁଛୁ ଯେ ଗତ 3 ବର୍ଷ ଧରି ଏହି ମା କ୍ରମାଗତ ଭାବରେ ଇଡଲି ବିକ୍ରୟ କରିବାର ବ୍ୟବସାୟ କରିଆସୁଛନ୍ତି ଏବଂ ସମସ୍ତଙ୍କୁ କେବଳ ଏକ ଟଙ୍କାରେ ଇଡଲି ବିକ୍ରି କରୁଛନ୍ତି ।
ଟ୍ୱିଟରରେ ସୂଚନା ଦେଲେ ଆନନ୍ଦ ମହିନ୍ଦ୍ରା :-
ଆନନ୍ଦ ମହିନ୍ଦ୍ରା ତାଙ୍କ ଟ୍ୱିଟର ଆକାଉଣ୍ଟ ଜରିଆରେ ଲେଖିଛନ୍ତି, ‘ମଦର୍ସ ଡେରେ ଇଡଲି ଆମ୍ମାଙ୍କୁ ଉପହାର ଦେବା ପାଇଁ ଘର ନିର୍ମାଣ କାର୍ଯ୍ୟ ସମାପ୍ତ କରିଥିବାରୁ ଆମ ସମଗ୍ର ଦଳକୁ ଧନ୍ୟବାଦ । ଇଡଲି ଆମ୍ମା ଗୁଣ, ପୋଷଣ, ଯତ୍ନ ଏବଂ ନିସ୍ୱାର୍ଥପରତା ଭାବରଏକମାତ୍ର ଉଦାହରଣ ଅଟନ୍ତି । ଏଭଳି ପରିସ୍ଥିତିରେ ତାଙ୍କ କାମରେ ଆସିବା ଏବଂ ସକ୍ଷମ ହେବା ଆମ ପାଇଁ ଭାଗ୍ୟର ବିଷୟ ଅଟେ । ଆପଣ ସମସ୍ତଙ୍କୁ ଆମ ତରଫରୁ ମଦର୍ସ ଡେର ଶୁଭେଚ୍ଛା ।’
ଉପହାରରେ ଦେଲେ ଚମତ୍କାର ଘର :-
କୁହାଯାଉଛି ଯେ ଇଡଲି ଆମ୍ମାଙ୍କ କାର୍ଯ୍ୟରେ ଆନନ୍ଦ ମହିନ୍ଦ୍ରା ଖୁସି ହୋଇ ତାଙ୍କୁ ଏକ ଚମତ୍କାର ଘର ଉପହାର ଦେଇଛନ୍ତି । ସୂଚନାଯୋଗ୍ୟ ଯେ କିଛି ସମୟ ପୂର୍ବରୁ ଆନନ୍ଦ ମହିନ୍ଦ୍ରାଙ୍କର ଏକ ଭିଡିଓ ମଧ୍ୟ ଭାଇରାଲ ହୋଇଥିଲା, ଯେଉଁଥିରେ ସେ କହିଥିଲେ ଯେ ସେ ଇଡଲି ଆମ୍ମାଙ୍କୁ ଗ୍ୟାସ ଏବଂ ଷ୍ଟୋଭ ଦେବାକୁ ଯାଉଛନ୍ତି । ଭିଡିଓରେ ଆନନ୍ଦ ମହିନ୍ଦ୍ରା କହିଛନ୍ତି ଯେ ଯେତେବେଳେ ତାଙ୍କ ଦଳ ପ୍ରଥମ ଥର ପାଇଁ ଇଡଲି ଆମ୍ମାଙ୍କୁ ଭେଟିଥିଲେ, ସେତେବେଳେ ଇଡଲି ଆମ୍ମା ନିଜର ଘରର ଇଚ୍ଛାକୁ ସାମ୍ନାକୁ ଆଣିଥିଲେ । ଏଭଳି ପରିସ୍ଥିତିରେ ମହିନ୍ଦ୍ରା ଟିମ୍ ପ୍ରଥମେ ଘର ନିର୍ମାଣ କରିବା ପାଇଁ ଜମି ରେଜିଷ୍ଟର କରିଥିଲେ ଏବଂ ତାପରେ ଲାଇଫ୍ ସ୍ପେସ୍ ଘର କାମ ପୁରା କଲା ।
ଆନନ୍ଦ ମହିନ୍ଦ୍ରା ଇଡଲି ଆମ୍ମାଙ୍କ ଘରର ଇଚ୍ଛା ପୂରଣ କରିଛନ୍ତି ଏବଂ ମଦରସ ଡେରେ ମହିନ୍ଦ୍ରା ଟିମ ମଧ୍ୟ ଇଡଲି ଆମ୍ମାଙ୍କ ଘରେ ପ୍ରବେଶ କରିଛନ୍ତି । କେବଳ ଏତିକି ନୁହେଁ, ମହିନ୍ଦ୍ରା ଦେଇଥିବା ଏହି ଘରେ ଏକ ବିଳାସପୂର୍ଣ୍ଣ ରୋଷେଇ ଘର ମଧ୍ୟ ନିର୍ମାଣ କରାଯାଇଛି, ଯାହା ଭବିଷ୍ୟତରେ ଆମ୍ମାଙ୍କ ପାଇଁ ବହୁତ ସହାୟକ ହେବ । ଉଲ୍ଲେଖନୀୟ କଥା ହେଉଛି ଯେ ଏହା ପ୍ରଥମ ଥର ନୁହେଁ ଯେ ଆନନ୍ଦ ମହିନ୍ଦ୍ରା ଜଣେ ବ୍ୟକ୍ତିଙ୍କ ମୁହଁରେ ହସ ଆଣିଛନ୍ତି, କାରଣ ଏହା ପୂର୍ବରୁ ମଧ୍ୟ ସେ ତାଙ୍କ ଉଦାରତା ପାଇଁ ଅନେକ ଥର ହେଡଲାଇନକୁ ଆସିଛନ୍ତି ।
