‘ ପ୍ରଥମେ ନୂଆଁ କାର କିଣ, ତାପରେ ଯାଇ ଘରେ ପାଦ ରଖିବି’… ସ୍ତ୍ରୀର ଏହି ଜିଦ୍ ପାଇଁ ଚିନ୍ତାରେ ସ୍ୱାମୀ
Get real time updates directly on you device, subscribe now.
କୁହାଯାଏ ବାହାଘର ପରେ ସ୍ତ୍ରୀର ଜିଦକୁ ସହିବାକୁ ପଡେ । କେତେବେଳେ ନୂଆଁ ଶାଢ଼ୀ ପାଇଁ ଜିଦ୍ କରନ୍ତି ତ ଆଉ କେତେବେଳେ ନୂଆଁ ଗହଣା ପାଇଁ ଜିଦ୍ କରିଥାନ୍ତି । ଅନେକ ଥର ତ ମାମଲା ବହୁତ୍ ଆଗକୁ ବଢିଯାଏ । ଏପରି କିଛି ହୋଇଛି ଉତ୍ତରପ୍ରଦେଶରେ ଜଣେ ଯୁବକଙ୍କ ସହିତ, ଯାହାଙ୍କ ସ୍ତ୍ରୀ ଅଜବ ପ୍ରକାରର ଜିଦ୍ କରୁଛି ।
ସ୍ତ୍ରୀର ଜିଦ୍ କାରଣରୁ ସ୍ବାମୀ ଚିନ୍ତିତ ହୋଇପଡ଼ିଲା । ତାଙ୍କ ସ୍ତ୍ରୀ ଚାହୁଁଛନ୍ତି ଯେ ସ୍ବାମୀ ଘରକୁ ନୂଆଁ କାର କିଣି ଆଣନ୍ତୁ । ସେ ରାଗରେ ନିଜ ବାପଘରକୁ ଚାଲି ଯାଇଛି ଏବଂ ସେଠାରୁ ଫେରି ଆସିବାର ନାଁ ଧରୁନି । ସେ କେବଳ ନୂଆଁ କାର ପାଇଁ ଜିଦ୍ କରୁଛି । ଚିନ୍ତିତ ଯୁବକ ସାହାଯ୍ୟ ପାଇଁ ଏସଏସପିଙ୍କ ପାଖକୁ ଯାଇ ନିବେଦନ କରିଛନ୍ତି ।
ସନ୍ଦୀପ ବର୍ମା ୟୁପିର ବରେଲି ସହରରେ ରୁହନ୍ତି । ସେ ଏଠାରେ ଇଜ୍ଜତନଗରରେ ବାସ କରନ୍ତି । ତାଙ୍କ ବାହାଘର 2007 ମସିହାରେ ହୋଇଥିଲା । ତାଙ୍କ ସ୍ତ୍ରୀର ନାମ ବୀଣା ଅଟେ । ଦୁହିଁଙ୍କ ବାହାଘରକୁ ବହୁତ୍ ବର୍ଷ ହୋଇଗଲାଣି । ସେମାନଙ୍କର ଦୁଇଟି ପିଲା ମଧ୍ୟ ଅଛନ୍ତି । କିନ୍ତୁ ଆଜିକାଲି ସ୍ତ୍ରୀଙ୍କ ଜିଦ୍ କାରଣରୁ ସନ୍ଦୀପ ବହୁତ୍ ଚିନ୍ତାରେ ଅଛନ୍ତି ଏବଂ ପୋଲିସର ଦୁଆର ମୁଁହ ମାଡୁଛନ୍ତି ।
ନୂଆଁ କାର ପାଇଁ ଜିଦ୍ କରି ଛାଡ଼ିଲେ ଶାଶୂଘର :-
ସନ୍ଦୀପ ବର୍ମା ନିକଟରେ ଏସଏସପି ଅଫିସରେ ପହଞ୍ଚିଥିଲେ । ସେ ଅଫିସରେ ପ୍ରାର୍ଥନା ପତ୍ର ଦେଇଛନ୍ତି । ଏଥିରେ ସେ ନିଜ ସ୍ତ୍ରୀ କାରଣରୁ ବିଚଳିତ ଏବଂ ଚିନ୍ତାରେ ଥିବା କଥାକୁ ପ୍ରକାଶ କରିଛନ୍ତି । ତାଙ୍କର କହିବା କଥା ହେଉଛି ତାଙ୍କ ସ୍ତ୍ରୀ ବୀଣା କିଛି ସମୟ ପୁର୍ବରୁ ତାଙ୍କୁ ନୂଆଁ କାର କିଣିବାକୁ କହି ଜିଦ୍ କରି ବସିଲେ । କିନ୍ତୁ ତାଙ୍କର ଆର୍ଥିକ ପରିସ୍ଥିତି ଏତେ ବି ଭଲ ନୁହେଁ ଯେ ସେ କାର କିଣିପାରିବେ ।
ଏହାପରେ ସନ୍ଦୀପ ବୀଣାଙ୍କୁ ବୁଝାଇ କହିଲେ ଯେ ସେ ବର୍ତ୍ତମାନ ସେକେଣ୍ଡ ହ୍ୟାଣ୍ଡ କାର କିଣିବେ । ପରେ ପଇସା ସଂଗ୍ରହ ହେଲେ ନୂଆଁ କାର ମଧ୍ୟ ଘରକୁ ଆଣିବେ । ସନ୍ଦୀପଙ୍କ କଥା ବୀଣାଙ୍କ ଉପରେ କୌଣସି ପ୍ରଭାବ ପକାଇଲା ନାହିଁ । ସେ ନୂଆଁ କାର ଜିଦ୍ କଲେ ଏବଂ ଏହାପରେ ରାଗରେ ଶାଶୂଘର ଛାଡି ନିଜ ବାପଘରକୁ ଚାଲିଗଲେ ।
ସନ୍ଦୀପ ସ୍ତ୍ରୀର ବାପଘର ଲୋକଙ୍କ ଉପରେ ମଧ୍ୟ ଆରୋପ ଲଗାଇଛନ୍ତି । ସେ କହିଛନ୍ତି ଯେ ଛୋଟ ଛୋଟ କଥାରେ ରାଗି ସ୍ତ୍ରୀ ବାପଘରକୁ ଗଲେ ସେଠାରେ ତାଙ୍କ ଘର ଲୋକେ ତାଙ୍କୁ ବୁଝାନ୍ତି ନାହିଁ ବରଂ ଓଲଟା ତାଙ୍କ ବିରୋଧରେ ମିଛ ଅଭିଯୋଗ ଥାନାରେ କରନ୍ତି । ସନ୍ଦୀପ କହିଛନ୍ତି ଯେ ତାଙ୍କ ସ୍ତ୍ରୀ ସବୁ କଥାରେ ତାଙ୍କୁ ସନ୍ଦେହ କରନ୍ତି ।
ସନ୍ଦୀପ ଏସଏସପିଙ୍କୁ ଚିଠି ଲେଖି ସାହାଯ୍ୟ ପାଇଁ ନିବେଦନ କରିଛନ୍ତି । ସେ ଏସଏସପିଙ୍କ ଠାରେ ସ୍ତ୍ରୀକୁ ତାଙ୍କ ସହିତ ଆଣିବାକୁ ନିବେଦନ କରିଛନ୍ତି । ଅନ୍ୟପଟରେ ଏସଏସପି ରୋହିତ ସିଂହ ସଜବାଣ କହିଛନ୍ତି ଯେ ତାଙ୍କ ଅଫିସକୁ ଗୋଟିଏ ଚିଠି ଆସିଛି । ଏଥିରେ ସ୍ବାମୀ ସ୍ତ୍ରୀଙ୍କ ଝଗଡା ହୋଇଯାଇଛି । ସେ କହିଛନ୍ତି ଯେ ଉଭୟ ପକ୍ଷଙ୍କୁ ଡକାଇ ବୁଝାଯିବ ।
