ଶ୍ରୀଲଙ୍କାର ଅବସ୍ଥା ବହୁତ ଖରାପ, PM ରାଜପକ୍ଷେଙ୍କ ଇସ୍ତଫା ପରେ ହିଂସାରେ ସାଂସଦଙ୍କ ମୃତ୍ୟୁ, ରାକ୍ଷସ ପାଲଟିଲେ ସମର୍ଥକ
Get real time updates directly on you device, subscribe now.
ଭାରତର ପଡୋଶୀ ଦେଶ ଶ୍ରୀଲଙ୍କାରେ ଅବସ୍ଥା ବହୁତ୍ ଖରାପ ହୋଇଯାଇଛି । ଭୀଷଣ ଆର୍ଥିକ ସଙ୍କଟ ପରେ ସୋମବାର ଦିନ ଶ୍ରୀଲଙ୍କାର ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେ ଇସ୍ତଫା ତ ଦେଇଦେଲେ, କିନ୍ତୁ ତାଙ୍କ ଇସ୍ତଫା ପରେ ଅବସ୍ଥା ହିଂସାଜନକ ହୋଇଯାଇଛି । ରାଜପକ୍ଷେଙ୍କ ସମର୍ଥକ ଏବଂ ସରକାର ବିରୋଧୀ ପ୍ରଦର୍ଶନକାରୀଙ୍କ ମଧ୍ୟରେ ହିଂସା ଲାଗି ରହିଛି ।
ରାଜପକ୍ଷେଙ୍କ ସମର୍ଥକମାନେ ପ୍ରଦର୍ଶନକାରୀଙ୍କୁ ବହୁତ୍ ପିଟୁଛନ୍ତି । ଏପରି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଏହି ହିଂସା ସମୟରେ ଉପଦ୍ରବି ତତ୍ତ୍ଵ ଶାସନାଧୀନ ଦଳର ଜଣେ ସାଂସଦଙ୍କ ହତ୍ୟା ମଧ୍ୟ କରିଦେଇଛନ୍ତି । ହିଂସା ବଢିବା କାରଣରୁ ଶ୍ରୀଲଙ୍କାର ରାଜଧାନୀ କୋଲମ୍ବୋରେ କର୍ଫ୍ୟୁ ଲଗାଇ ଦିଆଯାଇଛି ।
ରାଜପକ୍ଷେଙ୍କ ଇସ୍ତଫା ପରେ ହିଂସା ବଢୁଛି :-
Footage of Government supporters assaulting protester at "GotaGoGama" pic.twitter.com/nAxkbQi1nX
— NewsWire 🇱🇰 (@NewsWireLK) May 9, 2022
ଶ୍ରୀଲଙ୍କା ବର୍ତ୍ତମାନ ସମୟରେ କଠିନ ପରିସ୍ଥିତି ଦେଇ ଗତି କରୁଛି । ଗଭୀର ଆର୍ଥିକ ସଙ୍କଟ ଦେଶକୁ ମାଡି ବସିଛି । ସବୁଆଡେ ବିରୋଧ ପ୍ରଦର୍ଶନ ଏବଂ ସଂଘର୍ଷ ଦେଖାଯାଇଛି । ସୋମବାର ଦିନ ଶ୍ରୀଲଙ୍କାର ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେ ଇସ୍ତଫା ଦେଇଦେଲେ । ପ୍ରଦର୍ଶନକାରି ରାଷ୍ଟ୍ରପତି ଗୋଟବାୟା ରାଜପକ୍ଷେଙ୍କର ମଧ୍ୟ ଇସ୍ତଫା ମାଗୁଛନ୍ତି ।
କୋଲମ୍ବୋରେ ସରକାର ସମର୍ଥକ ସମୂହ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ଝଗଡା କାରଣରୁ ସାରା ଦେଶରେ କର୍ଫ୍ୟୁ ଲଗାଇ ଦିଆଯାଇଛି । ପ୍ରଦର୍ଶନକାରୀଙ୍କ ଉପରେ ଆକ୍ରମଣରେ 23 ଜଣ ଲୋକ ଆହତ ହୋଇଗଲେ, ଯାହା ପରେ କୋଲମ୍ବୋରେ ସେନାର ଯବାନମାନଙ୍କୁ ନିୟୋଜିତ କରି ଦିଆଯାଇଛି ।
ଶ୍ରୀଲଙ୍କାର ମିଡ଼ିଆ ନ୍ୟୁଜୱାୟର ଝଗଡାର ଗୋଟିଏ ଭିଡିଓ ସେୟାର କରିଛି, ଯେଉଁଥିରେ ରାଜପକ୍ଷେ ସରକାର ସମର୍ଥକ ପ୍ରଦର୍ଶନସ୍ଥଳ ‘GotaGoGama’ ରେ ପ୍ରଦର୍ଶନକାରୀଙ୍କୁ ବହୁତ୍ ମାଡ ମାରୁଥିବା ଦେଖାଯାଉଛି । ଭିଡିଓକୁ ରିଟୁଇଟ କରି ସାମ୍ବାଦିକ ମୀରା ଶ୍ରୀନିବାସନ ଲେଖିଛନ୍ତି ଯେ ରାଜପକ୍ଷେଙ୍କ ସମର୍ଥକମାନେ GotaGoGama ଉପରେ ପ୍ରଦର୍ଶନକାରୀଙ୍କୁ ଟାର୍ଗେଟ କରିଛନ୍ତି ଏବଂ ସେମାନଙ୍କ ଉପରେ ଆକ୍ରମଣ କଲେ, ଯାହା ଗତ ଏକ ମାସରୁ ଶାନ୍ତିପୂର୍ଣ୍ଣ ଭାବରେ ସରକାର ବିରୋଧୀ ପ୍ରଦର୍ଶନ ଚାଲିଛି ।
ମହିନ୍ଦ୍ରା ରାଜପକ୍ଷେଙ୍କ ସମ୍ବୋଧନ ପରେ କ୍ରୋଧିତ ହେଲେ ଜନତା :-
ସେ ଲେଖିଛନ୍ତି ଯେ ପାଞ୍ଚ ଜଣ ଯୁବକଙ୍କୁ ଜଣେ ଯୁବକଙ୍କୁ ବହୁତ୍ ମାଡ ମାରୁଥିଲେ ଏବଂ ସେମାନଙ୍କ ପଛରେ ଏକ ପୋଲିସ ଗାଡ଼ି ପାର୍କିଂ ହୋଇଥିବା ଦେଖାଯାଇଛି । ଏହା ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେଙ୍କ ନିଜ ସମର୍ଥକଙ୍କୁ ସମ୍ବୋଧିତ କରିବାର ଠିକ୍ ପରେ ହୋଇଛି ।
ଏପ୍ରିଲ 9 ତାରିଖ ଠାରୁ ପୁରା ଶ୍ରୀଲଙ୍କାରେ ହଜାର ହଜାର ପ୍ରଦର୍ଶନକାରି ରାସ୍ତା ଉପରେ ଅଛନ୍ତି, କାରଣ ସରକାରଙ୍କ ପାଖରେ ଆମଦାନୀ ପାଇଁ ଧନରାଶି ଶେଷ ହୋଇଯାଇଛି । ଆବଶ୍ୟକ ଜିନିଷର ମୂଲ୍ୟ ଆକାଶ ଛୁଉଁଛି । ବଢୁଥିବା ଚାପ ସତ୍ତ୍ବେ ରାଷ୍ଟ୍ରପତି ରାଜପକ୍ଷେ ପଦବୀ ଛାଡ଼ିବାକୁ ମନା କରୁଥିଲେ, କିନ୍ତୁ ପୁଣି ପଦବୀ ଛାଡ଼ିବାକୁ ବାଧ୍ୟ ହେଲେ ।
