କରେଣ୍ଟ କଟିଯିବାରୁ ବଦଳିଗଲା କନ୍ୟା, ଦୁଇ ଭଉଣୀଙ୍କ ବିବାହରେ ହେଲା ବଡ ଭୁଲ, ତାପରେ ଏହିପରି କରାଗଲା ସମାଧାନ
Get real time updates directly on you device, subscribe now.
ମଧ୍ୟପ୍ରଦେଶର ଗୋଟିଏ ପରିବାରର ତିନି ଝିଅଙ୍କୁ ନେବାପାଇଁ ଆସିଥିବା ବରମାନଙ୍କ କନ୍ୟା ଲାଇନ୍ ଯିବା ମାତ୍ରେ ହିଁ ଅଚାନକ ବଦଳିଗଲେ । ଖୁସିର କଥା ଏହା ଯେ ଠିକ୍ ସମୟରେ ଲାଇନ ଆସିଗଲା, ନଚେତ୍ କନ୍ୟା ଆଉ କେଉଁ ବରର ହୋଇଯାଇଥାନ୍ତା । କିନ୍ତୁ ସବୁ କନ୍ୟାମାନଙ୍କୁ ତାଙ୍କ ବର ପାଖରେ ପହଞ୍ଚାଇବାକୁ ରୀତିନୀତିକୁ ଟିକେ ଠିକ୍ କରିବାକୁ ମଧ୍ୟ ପଡ଼ିଲା ।
ଏକା ଭଳି ଡ୍ରେସ୍ ଏବଂ ଓଢଣା ମଧ୍ୟରେ ଲାଇନ କଟ :-
ବାସ୍ତବରେ ବିବାହରେ ଝିଅମାନେ ଏକାଭଳି ଡ୍ରେସ୍ ପିନ୍ଧିଥିଲେ । ସେହିପରି ଗାଁରେ ଓଢଣା ପ୍ରଥା ମଧ୍ୟ ରହିଛି, ତେଣୁ କେହି ବି ବୁଝିପାରିଲେ ନାହିଁ ଏବଂ ପୂଜା ପାଇଁ ଝିଅମାନଙ୍କୁ ଏପଟ ସେପଟ କରି ବସାଇ ଦେଲେ । ଲାଇନ୍ ଆସିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଗଲେ ଏବଂ କଥା ଗୁଜବ ପରି ବ୍ୟାପିଗଲା ଯେ ବର କନ୍ୟା ବଦଳି ଯାଇଛନ୍ତି । କିନ୍ତୁ ସତ ଏହା ଯେ ବର କନ୍ୟା କେବଳ ପୂଜା ସମୟରେ ବଦଳିଥିଲେ, ସାତ ଫେରା ନେବା ସମୟରେ ଲାଇଟ ଆସିଗଲା ଏବଂ ଝିଅମାନଙ୍କୁ ସେମାନଙ୍କ ବର ପାଖରେ ରଖି ଦିଆଗଲା ।
ବାସ୍ତବରେ ଅସଲାନା ଗ୍ରାମ ପଞ୍ଚାୟତର ରମେଶ ଲାଲଙ୍କ ତିନି ଝିଅ କୋମଳ, ନିକିତା, କରିଶ୍ମା ଏବଂ ପୁଅ ଗୋବିନ୍ଦର ବିବାହ ଥିଲା । ଏହି ତିନିଜଣଙ୍କ ବିବାହ ମେ 5ତାରିଖ 2022 ଗୁରୁବାର ରାତିରେ କରାଯାଇଥିଲା । କିନ୍ତୁ ଯେତେବେଳେ ତିନି ଝିଅଙ୍କ ବରଯାତ୍ରୀ ଅସଲାନା ଗାଁରେ ପହଞ୍ଚିଲେ, ସେତେବେଳେ ସେଠାରେ ତିନି ଝିଅମାନେ ପରମ୍ପରା ଅନୁଯାୟୀ ଓଢଣା ବାହାର କରି ରଖିଥିଲେ । ତିନିଜଣ ଯାକ ଏକା ଭଳି ପ୍ରସ୍ତୁତ ହୋଇଥିଲେ । ଠିକ୍ ସେତିକିବେଳେ ଗୋଟିଏ ପ୍ରଥା ଏବଂ ପୂଜା ସମୟରେ ଲାଇଟ ଚାଲିଗଲା ।
ଲାଇନ୍ କଟିଯିବା ମାତ୍ରେ ଜାଗା ବଦଳିଲା :-
ଯେତେବେଳେ ପୂଜା ଆରମ୍ଭ ହେଲା, ସେତେବେଳେ ଲାଇନ୍ କଟିଗଲା ଏବଂ ତିନିଜଣଙ୍କ ମଧ୍ୟରୁ ଦୁଇଜଣ ଝିଅ ପୂଜା ସମୟରେ ଏପଟ ସେପଟେ ବସିଗଲେ । ପୂଜା ଶେଷ ହେବା ମାତ୍ରେ ହିଁ ଲାଇନ୍ ଆସିଲା ଏବଂ ପରିବାର ଲୋକେ ଜାଣିପାରିଲେ ଯେ ଗଡବଡ ହୋଇଯାଇଛି । ସମସ୍ତେ ଆଶ୍ଚର୍ଯ୍ୟ ହୋଇଗଲେ ଏବଂ କଥା ସବୁ ସ୍ଥାନରେ ବ୍ୟାପି ଗଲା ଯେ କନ୍ୟା ବଦଳିଗଲା ।
ଖୁସିର କଥା ଏହା ଥିଲା ଯେ ସେ ସମୟରେ ବର କନ୍ୟା ସାତ ଫେରା ନେଇନଥିଲେ । ବିବାହ କରାଉଥିବା ପଣ୍ଡିତ ଯେତେବେଳେ ଏ କଥା ଜାଣିଲେ, ସେତେବେଳେ ପୁଣି ବିଧି ବିଧାନ ସହିତ ତିନି ଝିଅଙ୍କୁ ନିଜ ନିଜ ବର ସହିତ ସାତ ଫେରା ନେବାକୁ କହିଲେ ଏବଂ ପରିବାର ଲୋକେ ନିଜର ତିନିଝିଅଙ୍କୁ ଠିକ୍ ବର ସହିତ ବିବାହ କରାଇ ବିଦା କଲେ ।
