ଅଫିସରେ କାମ କରୁଥିବା ଲୋକଙ୍କ ପାଇଁ ଖୁସି ଖବର,ଭାରତର ଏହି କମ୍ପାନୀ ଅଫିସରେ ଶୋଇବା ପାଇଁ ଦେଲା ଅଧା ଘଣ୍ଟା ସମୟର ଅନୁମତି
Get real time updates directly on you device, subscribe now.
ଅଫିସରେ କାମ କରୁଥିବା କର୍ମଚାରୀଙ୍କ ପାଇଁ ଖୁସି ଖବର ରହିଛି । ଭାରତର ଗୋଟିଏ କମ୍ପାନୀ ନିଜ କର୍ମଚାରୀମାନଙ୍କୁ ଡ୍ୟୁଟି ସମୟରେ ଅଧା ଘଣ୍ଟା ଶୋଇବାକୁ ଛୁଟି ଦେଇଛି । ଭାରତର ଏହି କମ୍ପାନୀ ଏମିତି ଏକ ଆରମ୍ଭ କରିଛି, ଯାହା ଆଗକୁ ବହୁତ୍ କମ୍ପାନୀରେ ଲାଗୁ ହୋଇପାରେ ।
ଭାରତୀୟ ଷ୍ଟାର୍ଟ ଅପ କମ୍ପାନୀ ୱେକଫିଟ ସଲ୍ୟୁସନ୍ ଏହି ଆରମ୍ଭ କରିଛି । ଶୋଇବାର ଅଫିସିଆଲ୍ ଟାଇମ ମଧ୍ୟ ଘୋଷଣା କରି ଦିଆଯାଇଛି । ଅଫିସ ଭିତରେ ଶୋଇବା ପାଇଁ ପ୍ରତ୍ୟେକ କର୍ମଚାରୀଙ୍କୁ ସୁଯୋଗ ମିଳିବ ।
ୱେକଫିଟ ସଲ୍ୟୁସନ୍ ନିକଟରେ ଏହି ଅନନ୍ୟ ଅଭିଯାନ ଆରମ୍ଭ କରିଛି । କମ୍ପାନୀ କହିଛି ଯେ ଏହାଦ୍ବାରା ତାର କର୍ମଚାରୀ ମାନେ ସୁସ୍ଥ ରହିବେ । ଏପରି ପରିସ୍ଥିତିରେ କର୍ମଚାରୀମାନଙ୍କୁ ଦ୍ବିପ୍ରହର ସମୟରେ 30 ମିନିଟ୍ ପାଇଁ ଶୋଇବାକୁ ଟାଇମ ମିଳିବ ।
ବାସ୍ତବରେ ୱେକଫିଟ ସଲ୍ୟୁସନ୍ ଗୋଟିଏ ସ୍ଲିପ ସଲ୍ୟୁସନ ଦେଉଥିବା କମ୍ପାନୀ ଅଟେ । ଏପରି ପରିସ୍ଥିତିରେ କମ୍ପାନୀ ନିଜ କର୍ମଚାରୀଙ୍କ ପାଇଁ ଯେପରି ଆରମ୍ଭ କରିଛି, ତାହା ଏହାର ବ୍ରାଣ୍ଡ ସହିତ ମଧ୍ୟ ମ୍ୟାଚ୍ କରେ ।
କମ୍ପାନୀ କର୍ମଚାରୀଙ୍କୁ ପଠାଇଲା ଇମେଲ :-
Official Announcement 📢 #sleep #powernap #afternoonnap pic.twitter.com/9rOiyL3B3S
— Wakefit Solutions (@WakefitCo) May 5, 2022
ୱେକଫିଟ ସଲ୍ୟୁସନ୍ ଏହି ଘୋଷଣା ସହିତ ଜଡ଼ିତ ଇମେଲ ନିଜ କର୍ମଚାରୀଙ୍କ ପାଖକୁ ପଠାଇଛି । କମ୍ପାନୀର ସହ-ପ୍ରତିଷ୍ଠାତା ଚୈତନ୍ୟ ରାମାଲିଙ୍ଗେଗୋଡା ଘୋଷଣା କରିଛନ୍ତି ଯେ ବର୍ତ୍ତମାନ କର୍ମଚାରୀମାନେ ଦ୍ବିପ୍ରହର 2 ଟାରୁ 2:30 ମଧ୍ୟରେ ଟିକେ ଶୋଇ ପାରିବେ ।
ଚୈତନ୍ୟ ଦ୍ୱିପ୍ରହରର ନିଦ ସହ ସମ୍ବନ୍ଧିତ ଷ୍ଟଡିକୁ ମଧ୍ୟ ଦର୍ଶାଇଛନ୍ତି । ସେ କହିଛନ୍ତି ଯେ ଅପରାହ୍ନରେ ଶୋଇବା ଦ୍ୱାରା କାର୍ଯ୍ୟଦକ୍ଷତା ଉନ୍ନତ କରିଥାଏ ଏବଂ ଉତ୍ପାଦକତା ମଧ୍ୟ ଭଲ ରହେ । ଏହି ସମୟରେ ସେ NASA ର ଷ୍ଟଡି ଏବଂ ହାୱାର୍ଡଙ୍କ ଷ୍ଟଡିକୁ ଦର୍ଶାଇଛନ୍ତି । ଯାହା ଅନୁଯାୟୀ, ’26 ମିନିଟ୍ ଶୋଇବା ଦ୍ବାରା କାର୍ଯ୍ୟ ସମୟରେ କାର୍ଯ୍ୟଦକ୍ଷତା 33 ପ୍ରତିଶତ ଉନ୍ନତ କରିଥାଏ |’ କମ୍ପାନୀ ଟୁଇଟର ଏବଂ ଫେସବୁକରେ ଏହି କଥାକୁ ଘୋଷଣା କରିଛି ଏବଂ ଶୋଇବା ସମୟର ନିୟମାବଳୀକୁ ମଧ୍ୟ ଜାରି କରିଦେଇଛି ।
