ଆପଣଙ୍କର ଅଚାନକ ପଇସା ଦରକାର୍ ପଡୁଛି ଆଉ କାହାଠାରୁ ବି ଉଧାର ମଧ୍ୟ ମିଳୁନାହିଁ, ତେବେ ଚିନ୍ତା କରନ୍ତୁ ନାହିଁ, ଏହି 5ଟି ଉପାୟରେ ତୁରନ୍ତ ନେଇପାରିବେ ଲୋନ
Get real time updates directly on you device, subscribe now.
5 Ways To Get Loan: ପ୍ରାୟତଃ ଏପରି ମଧ୍ୟ ହୋଇଥାଏ ଯେ ଆପଣଙ୍କୁ ଅଚାନକ ପଇସା ଦରକାର୍ ପଡେ ଏବଂ ବାହାରୁ ଆପଣଙ୍କୁ କେହି ବି ଉଧାର ଦିଅନ୍ତି ନାହିଁ । ଏପରି ପରିସ୍ଥିତିରେ ଆପଣଙ୍କ ପାଖରେ ଗୋଟିଏ ଲୋନ ନେବାର ଅପ୍ସନ୍ ରହିଥାଏ । ତେବେ ଏଠାରେ ପ୍ରଶ୍ନ ଆସୁଛି ଯେ ଯଦି ଆପଣ ବ୍ୟାଙ୍କରୁ ଲୋନ ନେବେ ତେବେ ଆପଣଙ୍କୁ କିଛି ନା କିଛି ବନ୍ଧା ରଖିବାକୁ ପଡିବ ।ଏପରି ପରିସ୍ଥିତିରେ ଅନେକ ଅପ୍ସନ୍ ରହିଛି, ଯେଉଁଥିରେ ଆପଣ ଲୋନ ନେଇପାରିବେ । ଆସନ୍ତୁ ଏପରି 5ଟି ଅପ୍ସନ୍ ବିଷୟରେ ଜାଣିବା, ଯେଉଁଠାରେ ଆପଣଙ୍କୁ ସହଜରେ ଲୋନ ମିଳିପାରିବ ।
ସେୟାରରେ ଲୋନ :-
ଯଦି ଆପଣ ସେୟାରରେ ପଇସା ଲଗାଇଛନ୍ତି, ତେବେ ଆବଶ୍ୟକ ପଡିଲେ ଏହାକୁ ବିକ୍ରି ନୁହେଁ ବରଂ ଆପଣ ନିଜ ସେୟାରରେ ଲୋନ ନେଇପାରିବେ । ପକୋ ସେୟାର ଉପରେ ତାର ମୂଲ୍ୟର 50 ପ୍ରତିଶତ ସହିତ ସମାନ ପର୍ଯ୍ୟନ୍ତ ଲୋନ ମିଳିପାରିବ । ଏଥିରେ ଆପଣଙ୍କୁ 11-22 ପ୍ରତିଶତ ପର୍ଯ୍ୟନ୍ତ ସୁଧ ଦେବାକୁ ପଡିପାରେ ।ଏଠାରେ ଲୋନର ଅବଧି ବ୍ୟାଙ୍କ୍ ସ୍ଥିର କରିବ ।
ରେଶିଡେନ୍ସିଆଲ ପ୍ରପର୍ଟି ଉପରେ ଲୋନ :-
ଆପଣଙ୍କୁ ଦରକାର୍ ସମୟରେ ଲୋନ ଦେବାରେ ଆପଣଙ୍କ ଘର କାମରେ ଆସିପାରେ । ଆପଣ ନିଜ ଘରର ମୂଲ୍ୟର 60-70 ପ୍ରତିଶତ ପର୍ଯ୍ୟନ୍ତ ଲୋନ ପାଇପାରିବେ । ଏହି ଲୋନ ଆପଣ ଦୁଇ ବର୍ଷରୁ ନେଇ 20 ବର୍ଷ ପର୍ଯ୍ୟନ୍ତ ଅବଧି ପର୍ଯ୍ୟନ୍ତ ପାଇଁ ନେଇପାରିବେ । ଏଥିରେ ଆପଣଙ୍କୁ 11-15 ପ୍ରତିଶତ ପର୍ଯ୍ୟନ୍ତ ସୁଧ ଦେବାକୁ ପଡିପାରେ ।
ଏଫଡି ଉପରେ ମଧ୍ୟ ପାଇପାରିବେ ଲୋନ :-
ଆପଣ ଦରକାର୍ ସମୟରେ ଏଫଡି ଭାଙ୍ଗିବା ବଦଳରେ ଏହା ଉପରେ ଲୋନ ନେଇପାରିବେ । ଆପଣଙ୍କୁ ଏଫଡି ଉପରେ 90 ପ୍ରତିଶତ ମୂଲ୍ୟ ପର୍ଯ୍ୟନ୍ତ ଲୋନ ମିଳିପାରେ । ଏଥିରେ ସୁଧ ଟିକେ ଅଧିକ ହୋଇପାରେ । ଏପରି କରିବା ଦ୍ବାରା ଆପଣଙ୍କ ଏଫଡି ସୁରକ୍ଷିତ ରହିବ ଏବଂ ଆପଣ ନିଜ ଆବଶ୍ୟକତା ମଧ୍ୟ ପୂରଣ କରିପାରିବେ ।
ସୁନା ଉପରେ ମଧ୍ୟ ମିଳିଥାଏ ଲୋନ :-
ଆପଣ ନିଜ ଘରେ ରଖିଥିବା ସୁନା ଉପରେ ମଧ୍ୟ ବ୍ୟାଙ୍କରୁ ଲୋନ ନେଇପାରିବେ । ରିଜର୍ଭ ବ୍ୟାଙ୍କର ଗାଇଡଲାଇନ ଅନୁଯାୟୀ ଅଧିକାଂଶ 75 ପ୍ରତିଶତ ମୂଲ୍ୟ ପର୍ଯ୍ୟନ୍ତ ଆପଣ ଲୋନ ପାଇପାରିବେ । ଏପରି ଲୋନର ଅବଧି ପ୍ରାୟତଃ 12 ମାସ ହୋଇଥାଏ, କିନ୍ତୁ ୟାଠାରୁ ଅଧିକ ସମୟ ପାଇଁ ମଧ୍ୟ ନିଆଯାଇପାରେ । ଏହା ଉପରେ ଆପଣଙ୍କୁ 12-17 ପ୍ରତିଶତ ସୁଧ ଦେବାକୁ ପଡିପାରେ ।
ଇନସ୍ୟୁରାନ୍ସ ପଲିସି ଉପରେ ଲୋନ :-
ଆପଣ ନିଜ ଇନସ୍ୟୁରାନ୍ସ ପଲିସି ଉପରେ ମଧ୍ୟ ଲୋନ ନେଇପାରିବେ । ଏହା ଉପରେ ଆପଣଙ୍କୁ ସରେଣ୍ଡର ଭ୍ୟାଲ୍ୟୁର 85-90 ପ୍ରତିଶତ ପର୍ଯ୍ୟନ୍ତ ଲୋନ ସହଜରେ ମିଳିପାରେ । ଏହା ଉପରେ ଆପଣଙ୍କୁ 9-10 ପ୍ରତିଶତର ସୁଧ ଦେବାକୁ ପଡିପାରେ ।
