ମେଟ୍ରୋରେ ବାରମ୍ବାର ଯୁବତୀଙ୍କ ସହିତ ଖରାପ ବ୍ୟବହାର କରୁଥିଲା ବଦମାସ, ମିଳିଲା ଏମିତି ଶିକ୍ଷା ଯେ ଜୀବନସାରା ମନେ ରହିବ,ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ବାସ୍ତବରେ ଏପ୍ରିଲ 21 ତାରିଖରେ ଜଣେ ଯୁବତୀ ମେଟ୍ରୋ ଷ୍ଟେସନରେ ପହଞ୍ଚିଲେ । କଡକଡଦୁମା ଷ୍ଟେସନରୁ ସେ ମେଟ୍ରୋରେ ଉଠିଲେ । ସେହି ସମୟରେ କୋଚରେ ବହୁତ୍ ଭିଡ ଥିଲା । ସେଠାରେ ପାଦ ରଖିବାକୁ ମଧ୍ୟ ଜାଗା ନଥିଲା । ଯୁବତୀ ଯେମିତି ବି ହେଉ ଟିକେ ଜାଗା ପାଇଲେ ଏବଂ ସେଠାରେ ଠିଆ ହେଲେ । ଏତିକି ସମୟରେ ଜଣେ ବଦମାସ ମଧ୍ୟ ଆସିଲା ଏବଂ ତାଙ୍କ ପାଖରେ ଆସି ହିଁ ଠିଆ ହୋଇଗଲେ ।
ଲଗାତାର କରି ଚାଲିଲା ଖରାପ ବ୍ୟବହାର :-
ଯୁବତୀ କୋଚରେ ଭିଡ କାରଣରୁ ପୂର୍ବରୁ ଅସୁବିଧାରେ ଥିଲେ । ଏହାପରେ ସେ ବଦମାସ ଆସିବାପରେ ତାଙ୍କର ମୁଣ୍ଡବ୍ୟଥା ବଢ଼ିଗଲା । ଭିଡ ବାହାନାରେ ସେ ଯୁବତୀଙ୍କ ବହୁତ୍ ପାଖରେ ଠିଆ ହୋଇଗଲା । ଏହାପରେ ଭିଡର ଫାଇଦା ଉଠାଇ ତାଙ୍କୁ ଭୁଲ ଢଙ୍ଗରେ ଛୁଇଁବା ଆରମ୍ଭ କଲା । ତାଙ୍କ ସହିତ ଖରାପ ବ୍ୟବହାର ମଧ୍ୟ କରିବାକୁ ଲାଗିଲା ।
ପ୍ରଥମେ ତ ଯୁବତୀଙ୍କୁ ଲାଗିଲା ଯେ ବୋଧହୁଏ ଭିଡ କାରଣରୁ ତା ହାତ ବାଜି ଯାଇଥିବ । ତାପରେ ସେ ଯେତେବେଳେ ବାରମ୍ବାର ଛୁଇଁବାକୁ ଲାଗିଲା, ସେତେବେଳେ ଯୁବତୀ ତାର ଉଦ୍ଦେଶ୍ୟ ବୁଝିପାରିଲେ । ଏହାପରେ ଯୁବତୀ ତାକୁ ଗାଳି କଲେ ଏବଂ ଆପତ୍ତି ମଧ୍ୟ କଲେ । ଏହାପରେ ମଧ୍ୟ ବଦମାସ ମାନିଲା ନାହିଁ ଏବଂ ବାହାନାରେ ଯୁବତୀଙ୍କ ସହିତ ଭୁଲ କାର୍ଯ୍ୟକଳାପ ଜାରି ରଖିଲା ।
ଜାଣନ୍ତୁ ଯୁବତୀ କିପରି ସେହି ବଦମାସକୁ ଶିକ୍ଷା ଦେଲେ :-
ଯେତେବେଳେ ଯୁବତୀ ଅଧିକ ବିରକ୍ତ ହୋଇଗଲେ, ସେତେବେଳେ ସେ ବଦମାସକୁ ଶିକ୍ଷା ଦେବାକୁ ଚିନ୍ତା କଲେ । ସେ ଯମୁନା ବ୍ୟାଙ୍କ୍ ମେଟ୍ରୋ ଷ୍ଟେସନରେ ଓହ୍ଲାଇ ପଡ଼ିଲେ । ସେ ବଦମାସ ମଧ୍ୟ ତାଙ୍କୁ ପିଛା କରୁଥିଲା । ସେ ମଧ୍ୟ ସେଠାରେ ଓହ୍ଲାଇ ପଡ଼ିଲା ଏବଂ ତାଙ୍କ ପଛରେ ଯିବାକୁ ଲାଗିଲା । ଠିକ୍ ସେତିକିବେଳେ ଯୁବତୀ ପୋଲିସକୁ ଫୋନ୍ କରି ଡାକି ନେଲେ । ସନ୍ଦେହ ହେବାରୁ ବଦମାସ ସେଠାରୁ ଫେରାର ହୋଇଗଲା ।
ଯୁବତୀ ଏହାପରେ ତାକୁ ଶିକ୍ଷା ଦେବାପାଇଁ ଯମୁନା ଡିପୋ ମେଟ୍ରୋ ଷ୍ଟେସନ ଥାନାରେ ଅଭିଯୋଗ କରିଦେଲେ । ପୋଲିସ ମାମଲା ରୁଜ୍ଜୁ କରିଦେଲା ଏବଂ ସିସିଟିଭି ଦ୍ଵାରା ଅଭିଯୁକ୍ତଙ୍କୁ ଚିହ୍ନଟ କରିନେଲେ । ସେ ଦିଲ୍ଲୀର କୃଷ୍ଣା ନଗରରେ ରହୁଛନ୍ତି, ତାଙ୍କ ନାମ ସଞ୍ଜୀବ କୁମାର ଅଟେ । ପୋଲିସ ତାକୁ ଘରୁ ଗିରଫ କରି ଜେଲ ପଠାଇ ଦେଲା । ତା ବିରୋଧରେ 354 ଧାରା ଅନୁଯାୟୀ କେସ ରିପୋର୍ଟ୍ ହୋଇଛି ।
