ପୁଣି ମହେଶ ବାବୁ ଜିତିଲେ ଫ୍ୟାନ୍ସମାନଙ୍କ ହୃଦୟ, ଏକାବେଳେ ବଞ୍ଚାଇଲେ 30 ଜୀବନ,ଜାଣନ୍ତୁ ପୁରା ଖବର

ଦକ୍ଷିଣ ଭାରତୀୟ ସିନେମାର ସୁପରଷ୍ଟାର ମହେଶ ବାବୁ ନିଜର ଅଭିନୟ ଏବଂ ଗୁଡ ଲୁକ ସହିତ ନିଜର ବଡ ହୃଦୟ ପାଇଁ ମଧ୍ୟ ଖୁବ୍ ଲୋକପ୍ରିୟ ଅଟନ୍ତି । ମହେଶ ବାବୁ ପୁରା ଦେଶରେ ନିଜର ପରିଚୟ ରଖନ୍ତି । ତାଙ୍କୁ ଦେଶ ବାହାରେ ମଧ୍ୟ ଅନେକ ଲୋକ ଖୁବ୍ ଭଲ ପାଆନ୍ତି ।

କୁହାଯାଉଛି ଯେ ମହେଶ ବାବୁ ଜଣେ ଭଲ ମଣିଷ ମଧ୍ୟ ଅଟନ୍ତି । ସେ ଲୋକଙ୍କୁ ସାହାଯ୍ୟ କରିବାକୁ ଟିକେ ବି ପଛକୁ ହଟନ୍ତି ନାହିଁ । ଏପରି ଗୋଟିଏ ବଡ ଏବଂ ତାଜା ଉଦାହରଣ ପୁଣି ଥରେ ସାମ୍ନାକୁ ଆସିଛି । ନିକଟରେ ମହେଶ 30ରୁ ଅଧିକ ପିଲାଙ୍କ ଜୀବନ ବଞ୍ଚାଇବାର ବଡ କାମ କରିଛନ୍ତି । କୁହାଯାଉଛି ଯେ 30ରୁ ଅଧିକ ପିଲାଙ୍କ ଚିକିତ୍ସା ପାଇଁ ମହେଶ ବାବୁ ଆର୍ଥିକ ରୂପରେ ସାହାଯ୍ୟ କରିଥିଲେ ।

ନିକଟରେ ଯେତେବେଳେ ” ବିଶ୍ଵ ସ୍ବାସ୍ଥ୍ୟ ଦିବସ ” ଥିଲା, ସେତେବେଳେ ସେହି ଅବସରରେ ମହେଶ ନିଜ ଫାଉଣ୍ଡେସନ ” ମହେଶ ବାବୁ ଫାଉଣ୍ଡେସନ” ଅଧୀନରେ 30ଜଣ ପିଲାଙ୍କ ବାଇପାସ୍ ସର୍ଜରୀ କରାଇଲେ । ଏହାର ଖର୍ଚ୍ଚ ସେ ଏବଂ ତାଙ୍କ ଫାଉଣ୍ଡେସନ ଉଠାଇଛି । ପ୍ରାୟତଃ ମହେଶ ବାବୁ ଅସହାୟ ଏବଂ ଗରିବ ଲୋକଙ୍କୁ ସାହାଯ୍ୟ କରନ୍ତି ଏବଂ ପୁଣିଥରେ ସେ ଏପରି କରି ଦେଖାଇଛନ୍ତି ।

ଏହି ସମ୍ବନ୍ଧରେ ମହେଶ ବାବୁଙ୍କ ସ୍ତ୍ରୀ ଏବଂ ଅଭିନେତ୍ରୀ ନମ୍ରତା ସିରୋଡକର ସୂଚନା ଦେଇଛନ୍ତି । ନମ୍ରତା ନିଜ ଇନଷ୍ଟାଗ୍ରାମ ଆକଉଣ୍ଟରୁ ଗୋଟିଏ ପୋଷ୍ଟ କରି କହିଥିଲେ ଯେ, “ବିଶ୍ଵ ସ୍ଵାସ୍ଥ୍ୟ ଦିବସ ଅବସରରେ, 30 ଜଣ ପିଲାଙ୍କର ହାର୍ଟ ସର୍ଜରୀ ହୋଇଛି । ଏହି କାର୍ଯ୍ୟକୁ ମାନନୀୟ ଗଭର୍ଣ୍ଣର ଶ୍ରୀ ବିଶ୍ଵା ଭୂଷଣ ହରିଚନ୍ଦନ ଗାରୁ ଦ୍ଵାରା ଆୟୋଜିତ କରାଯାଇଥିଲା ।”

ନମ୍ରତା ନିଜ ପୋଷ୍ଟରେ ଆଗକୁ କହିଥିଲେ ଯେ, ” ମେଡିକାଲ୍ ଏକ୍ସିଲେଣ୍ଟ ଏବଂ କ୍ୱାଲିଟି ହେଲ୍ଥ କେୟାର ଫେଶିଲିଟି ପ୍ରୋଭାଇଡ କରାଇବା ପାଇଁ @andhrahospitals ଟିମକୁ ଧନ୍ୟବାଦ ” । ମହେଶ ବାବୁଙ୍କ ସ୍ତ୍ରୀ ନମ୍ରତା ନିଜ ପୋଷ୍ଟରେ ତିନୋଟି ଫଟୋ ମଧ୍ୟ ସେୟାର କରିଛନ୍ତି । ପୋଷ୍ଟରେ ନମ୍ରତାଙ୍କ ଭଉଣୀ ଏବଂ ଅଭିନେତ୍ରୀ ଶିଳ୍ପା ସିରୋଡକର କମେଣ୍ଟ କରି ଲେଖିଲେ ଯେ, ” ବିଲକୁଲ ଚମତ୍କାର । ଆପଣଙ୍କୁ ଏବଂ ମହେଶଙ୍କୁ ବହୁତ୍ ଆଶୀର୍ବାଦ ।”

ବର୍ତ୍ତମାନ ସୁଦ୍ଧା 1000 ରୁ ଅଧିକ ପିଲାଙ୍କର ସର୍ଜରିକୁ ସ୍ପଂସର୍ କରିଛନ୍ତି ମହେଶ ବାବୁ :-

ମହେଶ ବାବୁ ବର୍ତ୍ତମାନ ସୁଦ୍ଧା 1000 ରୁ ଅଧିକ ପିଲାଙ୍କର ସର୍ଜରିକୁ ସ୍ପଂସର୍ କରିଛନ୍ତି । ଏହା ନିଜେ ନିଜେ ଗୋଟିଏ ବଡ ଏବଂ ବିଶେଷ କଥା ଅଟେ । 2017 ମସିହାରେ ତେଲୁଗୁ ଫିଲ୍ମର ଏହି ସୁପରଷ୍ଟାର ଆନ୍ଧ୍ରା ହସ୍ପିଟାଲ୍ ଏବଂ ଏନଜିଓ ହିଲିଙ୍ଗ ଲିଟିଲ୍ ହାର୍ଟ ସହିତ କାମ ଆରମ୍ଭ କରିଥିଲା ।