ଇଏ କେମିତିକା ପ୍ରେମ ! ବିବାହ ବନ୍ଧନରେ ବାନ୍ଧି ହୋଇ ଏକାଠି ରହିବାକୁ ଚାହୁଁଥିଲେ ଦିଅର- ଭାଉଜ, ପରିବାର ଲୋକ ରାଜି ନ ହେବାରୁ ଦୁହେଁ ନେଲେ ଏମିତି ପଦକ୍ଷେପ
Get real time updates directly on you device, subscribe now.
ଅନ୍ତରାଷ୍ଟ୍ରୀୟ ପର୍ଯ୍ୟଟକ ସ୍ଥଳ ରାଜଗିର ସ୍ଥିତ ମା ଜରା ଦେବୀ ମନ୍ଦିର ପଛ ଜଙ୍ଗଲରେ ସୋମବାର ଦିନ ବିଳମ୍ବିତ ସନ୍ଧ୍ୟାରେ ଦୁଇଜଣ ପ୍ରେମୀ ଯୁଗଳ ବିଷ ଖାଇ ଆତ୍ମହତ୍ୟା କରିବାକୁ ଚେଷ୍ଟା କରିଛନ୍ତି । ଘଟଣାର ସୂଚନା ପାଇ ଘଟଣାସ୍ଥଳରେ ପହଞ୍ଚିଥିବା ପୋଲିସ ଦୁହିଁଙ୍କର ଚିକିତ୍ସା କରିବାପାଇଁ ବିହାର ସରିଫ ସଦର ହସପିଟାଲକୁ ପଠାଇଛି, ଯେଉଁଠାରେ ପ୍ରାଥମିକ ଚିକିତ୍ସା ପରେ ଦୁହିଁଙ୍କ ଅବସ୍ଥାକୁ ଗୁରୁତର ଦେଖି ଡାକ୍ତରମାନେ ଭଲ ଚିକିତ୍ସା ପାଇଁ ପାଟଣା ରେଫର୍ କରିଦେଲେ ।
ଏହି ସମ୍ପର୍କରେ ରାଜଗିର ଥାନା ଅଧିକାରୀ ଦୀପକ କୁମାର କହିଛନ୍ତି ଯେ ଦୁଇ ପ୍ରେମୀ ଯୁଗଳଙ୍କ ସମ୍ପର୍କ ଦିଅର ଏବଂ ଭାଉଜଙ୍କର ଅଟେ । ପୀଡିତ ମହିଳା ଜଣକ ହେଉଛନ୍ତି ଔରଙ୍ଗାବାଦ ଜିଲ୍ଲାର ଖୁଦବାମ ଥାନା ଅଂଚଳର ରାମନଗର ଗାଁର ବାସିନ୍ଦା ମନିକାନ୍ତ ବର୍ମାଙ୍କ 24 ବର୍ଷୀୟ ସ୍ତ୍ରୀ ଅନିଭା କୁମାରୀ । ସେହିପରି ଯୁବକ ଜଣକ ହେଉଛନ୍ତି ଔରଙ୍ଗାବାଦ ଜିଲ୍ଲାର ମୁଫସିଲ ଥାନା ଅଞ୍ଚଳର ପୁହିମା ବାସିନ୍ଦା ଚନ୍ଦ୍ରଦେବ ସିଂହଙ୍କର 21 ବର୍ଷୀୟ ପୁଅ ବିକାଶ କୁମାର ।
କୁହାଯାଉଛି ଯେ ଆତ୍ମହତ୍ୟା କରିବାପାଇଁ ଚେଷ୍ଟା କରିଥିବା ପ୍ରେମୀ ଯୁଗଳଙ୍କ ପାଖରେ ମୋବାଇଲ ଥିଲା । ସେହି ମୋବାଇଲ ମାଧ୍ୟମରେ ହିଁ ପୋଲିସ ଦୁହିଁଙ୍କ ପରିବାର ଲୋକଙ୍କୁ ଏହି ଘଟଣାର ସୂଚନା ଦେଲେ । ଘଟଣା ବିଷୟରେ କୁହାଯାଉଛି ଯେ ଦୁହିଙ୍କ ମଧ୍ୟରେ ବହୁତ୍ ଦିନ ଧରି ପ୍ରେମ ସମ୍ପର୍କ ରହିଥିଲା ।
କିନ୍ତୁ ପରିବାରର ଚାପ କାରଣରୁ ଦୁହେଁ ଏତେ ବଡ ଘଟଣା ଘଟାଇବାକୁ ଚେଷ୍ଟା କଲେ । ସେହିପରି ପୋଲିସ ବର୍ତ୍ତମାନ ପୁରା ମାମଲାକୁ ଟିକିନିଖି କରି ଯାଞ୍ଚ କରୁଛି । ପୋଲିସ କହିବା ଅନୁଯାୟୀ, ଦୁହେଁ ବୁଲିଯିବା ବାହାନାରେ ରାଜଗିର ପହଞ୍ଚିଥିଲେ ଏବଂ ଏଠାରେ ଦୁହେଁ ଏକାଠି ବଞ୍ଚି ନ ପାରିବା କାରଣରୁ ସାଙ୍ଗ ହୋଇ ମରିବାକୁ ଚେଷ୍ଟା କଲେ ।
