ପ୍ରେମର ନିଶା ମୁଣ୍ଡକୁ ଏମିତି ଚଢ଼ିଲା ଯେ ମହିଳା ମୁଖିଆ ଜଣକ ଆସନକୁ ଗୋଇଠା ମାରି ପ୍ରେମିକ ସହିତ ହୋଇଗଲେ ଫେରାର,ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ବିହାରର ସୀତାମଢ଼ୀ ଜିଲ୍ଲାରେ ନବ ନିର୍ବାଚିତ ମହିଳା ମୁଖିଆ ଏମିତି ଏକ ପଦକ୍ଷେପ ନେଇଛନ୍ତି, ଯାହାକୁ ନେଇ ବର୍ତ୍ତମାନ ସାରା ଗାଁ ଚିନ୍ତିତ ଅଛି । ଗ୍ରାମବାସୀମାନେ ବର୍ତ୍ତମାନ ବୁଝିପାରୁ ନାହାଁନ୍ତି ଯେ ସେମାନେ କଣ୍ କରିବେ । ବାସ୍ତବରେ ପଞ୍ଚାୟତର ଲୋକମାନେ ବିକାଶ ନାମରେ ଯେଉଁ ମହିଳାଙ୍କୁ ଭୋଟ ଦେଇ ମୁଖିଆ ଆସନରେ ବସାଇଲେ, ସେ ପ୍ରେମ ଚକ୍କରରେ ନିଜ ପ୍ରେମିକ ସହିତ ଫେରାର ହୋଇଗଲା ।
ମୁଖିଆ ଆସନକୁ ଗୋଇଠା ମାରି ମହିଳା ପ୍ରେମିକ ସହିତ ପଳାଇ ଯିବାପରେ ପଞ୍ଚାୟତର ଲୋକମାନେ ନିଜକୁ ନିରାଶ ମନେ କରୁଛନ୍ତି । ସୂଚନା ଅନୁଯାୟୀ କନହୋଲି ଥାନା ଅଂଚଳର ଖୋପରାହା ପଞ୍ଚାୟତର ଲୋକମାନେ ପଞ୍ଚାୟତ ନିର୍ବାଚନରେ ନିଜର ମୂଲ୍ୟବାନ ଭୋଟ ଦେଇ ମହିଳା ରେଖା ଦେବୀଙ୍କୁ ମୁଖିଆ କରିଥିଲେ ।
ଗ୍ରାମବାସୀମାନେ କହିଛନ୍ତି ଯେ ମୁଖିଆଙ୍କ ସ୍ଵାମୀଙ୍କ ଠାରୁ ସେମାନଙ୍କୁ ସୂଚନା ମିଳିଲା ଯେ ରେଖା ଦେବୀ ନିଜ ମୁଖିଆ ପଦ ଏବଂ ପିଲାମାନଙ୍କୁ ଛାଡି ପ୍ରେମିକ ସହିତ ପଳାଇ ଯାଇଛନ୍ତି । ରେଖା ଦେବୀ ଫେରାର ହେବାପରେ ଗାଁରେ ଅସନ୍ତୁଷ୍ଟ ଦେଖାଦେଇଛି । ଘଟଣା ପରେ ମୁଖିଆ ସ୍ବାମୀ ଗାଁର ହିଁ ଦୁଇଜଣ ଭାଇ ଉପରେ ବିବାହ ଉଦ୍ଦେଶ୍ୟକୁ ନେଇ ନିଜ ମୁଖିଆ ସ୍ତ୍ରୀକୁ ଗାଏବ କରିବାର ମାମଲା ରିପୋର୍ଟ କରିଛନ୍ତି ।
କନହୋଲି ଥାନାରେ ମୁଖିଆ ସ୍ଵାମୀଙ୍କ ଅଭିଯୋଗ ଉପରେ ପୋଲିସ ମାମଲା ପଞ୍ଜିକରଣ କରି ଯାଞ୍ଚ୍ ଆରମ୍ଭ କରିଦେଇଛି । ମୁଖିଆ ସ୍ବାମୀ ଦୁଇ ଭାଇଙ୍କ ବାପାଙ୍କୁ ମଧ୍ୟ ଏହି ମାମଲାରେ ଅଭିଯୁକ୍ତ କରିଛନ୍ତି ।
ସୂଚନା ଅନୁଯାୟୀ, ରେଖା ଦେବୀ ଗତ ମାର୍ଚ୍ଚ 9 ତାରିଖରେ ସକାଳେ ନିଜ ଘରୁ ବାହାରିଲେ ଏବଂ ଗାଏବ ହୋଇଗଲେ । ପରିବାର ଲୋକେ ବହୁତ୍ ଖୋଜାଖୋଜି କଲେ, କିନ୍ତୁ କିଛି ବି ଖବର ମିଳିଲା ନାହିଁ । ଏହାପରେ ମୁଖିଆ ସ୍ବାମୀ ନିଜ ସ୍ତ୍ରୀର ପ୍ରେମ ସମ୍ପର୍କ ମାମଲାକୁ ପ୍ରକାଶ କରି ଗାଁର ତିନିଜଣ ଲୋକଙ୍କ ବିରୋଧରେ ମାମଲା ରୁଜ୍ଜୁ କରାଇଛନ୍ତି । ବର୍ତ୍ତମାନ ମହିଳା ମୁଖିଆଙ୍କ ମୋବାଇଲ ସୁଇଚ ଅଫ ରହିଛି । ତେବେ ପୋଲିସ ଯାଞ୍ଚରେ ଲାଗିପଡ଼ିଛି ।
