କେବେ ପର୍ଯ୍ୟନ୍ତ ବଞ୍ଚିବ ! ନିଜ DM ବନ୍ଧୁକୁ କୁହ ସେ ଯଦି ତୁମକୁ ରକ୍ଷା କରିପାରିବ ରକ୍ଷା କରୁ, ମହିଳା IAS ଙ୍କୁ ଧମକ ଦେଲା ପୂର୍ବ ସ୍ବାମୀ
Get real time updates directly on you device, subscribe now.
ଉତ୍ତରପ୍ରଦେଶରୁ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି । ଏଠାକୁ ମହିଳା ନିର୍ଯ୍ୟାତନର ମାମଲା ସାମ୍ନାକୁ ଆସିଛି, ତାହା ପୁଣି କୌଣସି ସାଧାରଣ ମହିଳାଙ୍କ ସହିତ ନୁହେଁ, ବରଂ ସୁବେର ଆଇଏଏସ ଅଧିକାରୀଙ୍କ ସହିତ ଏହି ଘଟଣା ଘଟିଛି । ସୁବେର ଆଇଏଏସ ଅଫିସରଙ୍କୁ ତାଙ୍କ ପୂର୍ବ ସ୍ବାମୀ ହିଁ ଧମକ ଦେଇଛନ୍ତି ।ତାଙ୍କର ଧମକ ବିରୋଧରେ ମହିଳା ଅଫିସର ମାମଲା ରୁଜ୍ଜୁ କରାଇଛନ୍ତି ।
ଇଏ ହେଉଛନ୍ତି ସେହି ଆଇଏଏସ ଅଫିସର୍ :-
ଯେଉଁ ମହିଳା ଆଇଏଏସ ଅଫିସରଙ୍କୁ ଧମକ ଦେବାର ମାମଲା ସାମ୍ନାକୁ ଆସିଛି, ତାଙ୍କ ନାମ ହେଉଛି ଶୁଭ୍ରା ସକ୍ସେନା । ସେ 2009 ବ୍ୟାଚର ଆଇଏଏସ ଅଫିସର ଅଟନ୍ତି । ସେ ତାଙ୍କ ବ୍ୟାଚ ରେ ଟପ୍ କରିଥିଲେ ।
ପୂର୍ବ ସ୍ବାମୀ ବିରୋଧରେ କେସ କଲେ :-
ଶୁଭ୍ରା କାନପୁର ପୋଲିସ ଠାରେ ଅଭିଯୋଗ ଦେଇଛନ୍ତି । ଏଥିରେ ସେ ନିଜ ସ୍ବାମୀ ବିରୋଧରେ କେସ କରିଛନ୍ତି । ଅଭିଯୋଗ ଅନୁଯାୟୀ ସେ ମାର୍ଚ୍ଚ 5 ତାରିଖରେ ନିଜ ସାଙ୍ଗ ନେହା ଶର୍ମାଙ୍କ ସହିତ ଦେଖା କରିବାପାଇଁ କାନପୁର ଯାଇଥିଲେ । ବର୍ତ୍ତମାନ ନେହା କାନପୁରରେ ଡିଏମ୍ ଅଛନ୍ତି ଏବଂ ତାଙ୍କ ମଧ୍ୟରେ ଭଲ ବନ୍ଧୁତା ରହିଛି । ଏହା ମଧ୍ୟରେ ତାଙ୍କ ପୂର୍ବ ସ୍ବାମୀ ଗୋମତୀ ନଗର ବାସିନ୍ଦା ଶଶାଙ୍କ ଗୁପ୍ତା ତାଙ୍କ ଲଖନଉରେ ଥିବା ଘରକୁ ଆସିଗଲେ ।
ସେଠାରେ ସେ ନିଜ ସାଥିଙ୍କ ସହିତ ପରିବାରକୁ ଡରାଇଲା ଧମକ ଦେଲେ ଏବଂ ତାଙ୍କ ଭଉଣୀକୁ ମଧ୍ୟ ଧମକ ଦେଲେ । ଏହାପରେ ଶୁଭ୍ରାଙ୍କୁ ଫୋନ୍ କରି କହିଲେ ଯେ କେବେ ପର୍ଯ୍ୟନ୍ତ ଆଉ ବଞ୍ଚିବ । ତୁମ ଡିଏମ ସାଙ୍ଗକୁ କୁହ ଯେ ସେ ତୁମକୁ ରକ୍ଷା କରିବେ । ଏହି ଧମକକୁ ଗମ୍ଭୀରତା ର ସହିତ ନେଇ ଶୁଭ୍ରା ଏବଂ ତାଙ୍କ ସାଙ୍ଗ ନେହା ପୋଲିସ କୁ ଏହାର ସୂଚନା ଦେଲେ । ଏହାପରେ ମାମଲା ରୁଜ୍ଜୁ କରାଗଲା । ଏହି ମାମଲାକୁ ମହିଳା ପୋଲିସ ଭୁନେଶ୍ୱରି ଯାଞ୍ଚ କରୁଛନ୍ତି ।
ଝିଅ ସହିତ ଦେଖା କରିବାକୁ ନେଇ ଚାଲିଛି ବିବାଦ :-
ଶୁଭ୍ରାଙ୍କ ବିବାହ 2003 ମସିହାରେ ଗୋମତିନଗର ବାସିନ୍ଦା ଶଶାଙ୍କ ଗୁପ୍ତା ଙ୍କ ସହିତ ହୋଇଥିଲା । ବିବାହର 10 ବର୍ଷ ପରେ ଦୁହିଁଙ୍କର ଗୋଟିଏ ଝିଅ ହୋଇଥିଲା । ଯାହାର ନାମ ସାୟନା ଅଟେ । କିନ୍ତୁ ଏହାପରେ ଶୁଭ୍ରାଙ୍କର ଅଭିଯୋଗ ରହିଛି ଯେ ସ୍ବାମୀ ତାଙ୍କୁ ମାନସିକ ଏବଂ ଶାରୀରିକ ଭାବରେ ନିର୍ଯାତନା ଦେଇଥିଲେ । ଏହି କାରଣରୁ ସେମାନଙ୍କର 2020 ରେ ଛାଡ଼ପତ୍ର ହୋଇଯାଇଥିଲା । ଦୁହିଁଙ୍କ ମଧ୍ୟରେ 9 ବର୍ଷର ଝିଅ ସହିତ ଦେଖା କରିବାକୁ ନେଇ ବିବାଦ ଚାଲିଛି ।
