୧୮ ଲକ୍ଷ ଏବଂ ପ୍ଲଟ ନେବାପରେ ବିବାହର ଠିକ୍ ପୂର୍ବରୁ 11 ଲକ୍ଷ ଟଙ୍କା ଡିମାଣ୍ଡ, ଆସିଲା ନାହିଁ ବରଯାତ୍ରୀ, ଧାରଣାରେ ବସିଲା କନ୍ୟା
Get real time updates directly on you device, subscribe now.
ରାଜସ୍ଥାନର ଭରତପୁରର ମଥୁରା ଗେଟ ଥାନା ଅଞ୍ଚଳରେ ରହୁଥିବା ଯୁବତୀ ଯୌତୁକ ପାଇଁ ବିବାହ ଭାଙ୍ଗି ଥିବା ପୁଅ ଘର ବାହାରେ ଧାରଣା ଦେଇ ବସିଛନ୍ତି । ଯୁବତୀ ଆସିବାପରେ ପୁଅ ଘରଲୋକେ ଭିତରୁ ଗେଟ ବନ୍ଦ କରିଦେଲେ । ସେ ଅନେକଥର ଡାକିବା ପରେ ମଧ୍ୟ କେହି ବି ବାଟ ଖୋଲିଲେ ନାହିଁ । ସେପଟେ ଝିଅକୁ ଧାରଣା ଦେଉଥିବାର ଦେଖି ଆଖପାଖ ଲୋକେ ତା ସହିତ ବିବାଦ କରିବାକୁ ଲାଗିଲେ । ଯୁବତୀ କହିଛନ୍ତି ଯେ ପର୍ଯ୍ୟନ୍ତ ବଞ୍ଚିଥିବି ଏଇଠି ଧାରଣାରେ ବସି ରହିବି ।
ବରଯାତ୍ରୀ ଆଣିବାପାଇଁ ମାଗିଲେ 11 ଲକ୍ଷ ଟଙ୍କା :-
ବାସ୍ତବରେ ହାଉସିଂ ବୋର୍ଡ ଅଞ୍ଚଳରେ ରହୁଥିବା ଖୁସବୁ ଙ୍କ ବିବାହ ପ୍ରିନ୍ସ ନଗରର କୌଶଳଙ୍କ ସହିତ ସ୍ଥିର ହେଲା । ଝିଅର ବାପା ବାହାଘର ପୂର୍ବରୁ କୌଶଳଙ୍କ ଘର ଲୋକଙ୍କୁ 18 ଲକ୍ଷ ଟଙ୍କା, ସୁନା ଏବଂ ରୂପା ର ଗହଣା, ଆବଶ୍ୟକୀୟ ଜିନିଷ ଏବଂ ଗୋଟିଏ ପ୍ଲଟ ଦେଇଥିଲେ । କିନ୍ତୁ ମାର୍ଚ୍ଚ ଚାରି ତାରିଖରେ ପୁଅର ବାପା ବରଯାତ୍ରୀ ଆଣିବାପାଇଁ କନ୍ୟାପକ୍ଷ ଲୋକଙ୍କୁ 11 ଲକ୍ଷ ଟଙ୍କା ଦେବାପାଇଁ ଦାବି କଲେ । କନ୍ୟା ବେଶରେ ବସିଥିବା ଝିଅର ବାପା ମହେଶ ଏତେ ବଡ ରକମ ଦେବାକୁ ମନା କରିଦେଲେ ।
ଏହାଦ୍ବାରା ଅସନ୍ତୁଷ୍ଟ ବରପକ୍ଷର ଲୋକେ ବରଯାତ୍ରୀ ଧରି ଆଉ ଆସିଲେ ନାହିଁ । ବିଳମ୍ବିତ ରାତି ପର୍ଯ୍ୟନ୍ତ ବରଯାତ୍ରୀ କୁ ଅପେକ୍ଷା କରିବା ପରେ ଝିଅର ବାପା ମଥୁରା ଗେଟ ଥାନାରେ ପହଞ୍ଚିଲେ ଏବଂ ବରପକ୍ଷ ବିରୋଧରେ କେସ କଲେ । ପୋଲିସ ମାମଲାର ଯାଞ୍ଚ କରୁଛି ।
ପୁଅ ଘର ଲୋକେ ରୋଗର ବାହାନା କଲେ :-
ସୂଚନା ଅନୁଯାୟୀ ଝିଅର ବାପା ଯେତେବେଳେ ପୁଅର ବାପାଙ୍କୁ ବରଯାତ୍ରୀ ନ ଆସିବାର କାରଣ ପଚାରିଲେ, ସେତେବେଳେ ସେ କହିଲେ ଯେ ପୁଅ ହସପିଟାଲରେ ଭର୍ତ୍ତି ଅଛି । ଏହାପରେ ସୋମବାର ଦିନ ଝିଅ ପୁଅ ଘରେ ପହଞ୍ଚି ଗଲା । ଘର ବାହାରେ ଧାରଣା ଦେଉଥିବା ଯୁବତୀ କହିଛନ୍ତି ଯେ ଯଦି ବର ରୋଗରେ ପଡିଛନ୍ତି ତେବେ ସେ ତା ସହିତ ଦେଖା କରିବାକୁ ଚାହୁଁଛନ୍ତି, ଦେଖା ନ କରି ସେ ଏଠାରୁ ଜିବେନାହିଁ ।
ଏହିପରି ଯୁବତୀ ଯୁବକଙ୍କ ଘର ବାହାରେ ଧାରଣା ରେ ବସିବା ଦ୍ଵାରା ଆଖପାଖର ମହିଳାମାନେ ଏବଂ ଲୋକ ତାଙ୍କ ସହିତ ବିବାଦ କରିବାକୁ ଲାଗିଲେ । ଘଟଣାସ୍ଥଳରେ ପୋଲିସ ମଧ୍ୟ ପହଞ୍ଚିଲା ଏବଂ ବୁଝାଇବାକୁ ଚେଷ୍ଟା କଲା । କିନ୍ତୁ ସେ ମାନିଲା ନାହିଁ । ଯୁବତୀ ଏବଂ ଯୁବକଙ୍କ ପଡୋଶୀ ମାନଙ୍କ ମଧ୍ୟରେ ହେଉଥିବା ବିବାଦ ବହୁତ୍ ସମୟ ପରେ ଶେଷ ହୋଇଗଲା । କିନ୍ତୁ ଯୁବତୀ ଯୁବକଙ୍କ ସହିତ ଦେଖା କରିବା ଜିଦ୍ ରେ ଅଟଳ ରହିଲେ ।
ଯୁବତୀଙ୍କୁ ସୁରକ୍ଷା ଦେବାପାଇଁ ପୋଲିସ ନିୟୋଜିତ :-
ପୋଲିସ କହିଛି ଯେ ଝିଅ ସହିତ ଖରାପ ହୋଇଛି, ସେ ଯେପର୍ଯ୍ୟନ୍ତ ଚାହିଁବ ଧାରଣା ଦେଇପାରିବ ଏବଂ ପୋଲିସ ତାକୁ ସୁରକ୍ଷା ଦେବ । ପୋଲିସ କହିଛି ଯେ ଯୌତୁକ ଦେବା ଏବଂ ନେବା ଉଭୟ ଅପରାଧ ଅଟେ ।
ପୋଲିସ ଅଧିକାରୀ କହିଛନ୍ତି ଯେ ବରପକ୍ଷ ଲୋକଙ୍କୁ ଶୀଘ୍ର ଗିରଫ କରାଯିବ । ପୋଲିସ ପୀଡ଼ିତ ଯୁବତୀଙ୍କ ସୁରକ୍ଷା ପାଇଁ ମହିଳା ପୋଲିସକୁ ନିୟୋଜିତ କରାଯାଇଛି ।
