କନ୍ୟା ପାଖକୁ ବରଯାତ୍ରୀ ବଦଳରେ ଆସିଲା ମୃତ୍ୟୁ ଖବର, ବର ସହିତ ୯ ଜଣ ବରଯାତ୍ରୀଙ୍କର ଯନ୍ତ୍ରଣାଦାୟକ ମୃତ୍ୟୁ,ଜାଣନ୍ତୁ ପୁରା ଘଟଣା

ଏଠାରେ କନ୍ୟାପକ୍ଷର ବରଯାତ୍ରୀକୁ ସ୍ୱାଗତ କରିବାପାଇଁ ପ୍ରସ୍ତୁତି ଚାଲିଥିଲା | କିଛି ଘଣ୍ଟା ମଧ୍ୟରେ ହିଁ ବରଯାତ୍ରୀ ପହଞ୍ଚିବାର ଥିଲା | କିନ୍ତୁ ବରଯାତ୍ରୀ ପହଞ୍ଚିବା ପୂର୍ବରୁ ହିଁ ସେଠାକୁ ମୃତ୍ୟୁ ଖବର ଆସିଲା | ଜଣାପଡିଲା ଯେ ନଦୀରେ ବରର କାର ପଡିଗଲା, ଯେଉଁଥିରେ ବର ସହିତ ୯ଜଣ ବରଯାତ୍ରୀଙ୍କର ମୃତ୍ୟୁ ହୋଇଯାଇଛି |ଏମପିର ଉଜେଇନରେ ରାଜସ୍ଥାନରୁ ଆସୁଥିବା ବରଯାତ୍ରୀକୁ ଅପେକ୍ଷା କରିଥିବା ଲୋକମାନେ ଏହି ଖବର ଶୁଣି ଆଶ୍ଚର୍ଯ୍ୟ ଏବଂ ଚକିତ ହୋଇଗଲେ | କନ୍ୟାର ଘରେ ଦେଖୁ ଦେଖୁ ଖୁସି ସବୁ ଶୋକରେ ବଦଳିଗଲା |

ଏହି ଦୁର୍ଘଟଣାରେ ବର ଅଭିନାଶର ମଧ୍ୟ ଘଟଣାସ୍ଥଳରେ ମୃତ୍ୟୁ ହୋଇଗଲା | କାର ପାଣିରେ ପଡିବାପରେ ବରର ମୁକୁତା ପାଣିରେ ଭାସୁଥିବାର ମିଳିଲା | ସୂଚନା ଅନୁଯାୟୀ ରାଜସ୍ଥାନର ଚୋୖଥର ବରବାଡାରୁ ବରଯାତ୍ରୀ କାର ଏବଂ ଅନ୍ୟ ଗାଡ଼ିରେ ଉଜେଇନ ଯାଉଥିଲେ | ବର ଯେଉଁ କାରରେ ବସିଥିଲା, ସେହି କାର କୋଟାର ନୟାପୁରା ସ୍ଥିତ ଚମ୍ବଲର ଛୋଟ ପୋଲରେ ଅସନ୍ତୁଳିତ ହୋଇ ଚମ୍ବଲ ନଦୀରେ ପଡିଗଲା | ବର୍ତ୍ତମାନ ସୁଦ୍ଧା ବର ସହିତ ୯ଜଣ ଲୋକଙ୍କ ଶବକୁ ଉଦ୍ଧାର କରାଯାଇଛି |

ଉଜେଇନଠାରୁ ପ୍ରାୟ ୨୬୨ କିଲୋମିଟର ଦୂରରେ ଏହି ଦୁର୍ଘଟଣା ଘଟିଛି | ବରଯାତ୍ରୀକୁ ପ୍ରାୟ ୯ଟା ସମୟରେ ଉଜେଇନରେ ପହଞ୍ଚିବାର ଥିଲା | କନ୍ୟାର ପରିବାର ଏବଂ ସମ୍ପର୍କୀୟ ବରଯାତ୍ରୀଙ୍କୁ ସ୍ୱାଗତ କରିବାପାଇଁ ପ୍ରସ୍ତୁତି କରୁଥିଲେ, ଠିକ ସେତିକିବେଳେ ଏହି ଦୁଃଖ ଖବର ଆସିଲା | ପୋଲିସ ଅନୁଯାୟୀ ଏମିତି ଲାଗୁଛି ଯେ ସ୍ପିଡ଼ରେ ଚାଲୁଥିବା କାରଣରୁ କାର ଅସନ୍ତୁଳିତ ହୋଇ ନଦୀରେ ପଡିଗଲା |

ଏହି ଦୁର୍ଘଟଣାରେ ବର ସହିତ ୯ଜଣ ବରଯାତ୍ରୀଙ୍କର ମୃତ୍ୟୁ ଘଟିଛି | ସୂଚନା ମିଳିବା ମାତ୍ରେ ହିଁ ପୋଲିସ ଏବଂ ନିଗମର ଟିମ ଘଟଣାସ୍ଥଳରେ ପହଞ୍ଚି ରେସକ୍ୟୁ ଅଭିଯାନ ଚଳାଇଲେ | ଦୁର୍ଘଟଣା ପରେ କାରକୁ କ୍ରେନ ଦ୍ୱାରା ବାହାର କରାଗଲା | ଦୁର୍ଘଟଣା ପରେ ବରର ମୁକୁଟ ପାଣିରେ ଭାସୁଥିବାର ଦେଖାଗଲା | ପରିବାର ଲୋକଙ୍କ ଅନୁଯାୟୀ ମୃତକଙ୍କ ମଧ୍ୟରେ ବର ଅଭିନାଶ ମଧ୍ୟ ସାମିଲ ଅଛନ୍ତି |

ପରିବାର ଲୋକଙ୍କ ଅନୁଯାୟୀ, କାରରେ ବର ଅଭିନାଶ ସହିତ ସାଙ୍ଗ ଏବଂ କିଛି ସମ୍ପର୍କୀୟ ଥିଲେ | ଏମାନଙ୍କ ସହିତ ବରଯାତ୍ରୀମାନଙ୍କର ଗୋଟିଏ ବସ ମଧ୍ୟ ଆସୁଥିଲା | ଏହି ବସରେ ୭୦ ଜଣ ଲୋକ ବସିଥିଲେ | ବରଯାତ୍ରୀରେ ଭର୍ତ୍ତି ହୋଇଥିବା ବସ ଆଗରେ ପଳେଇ ଯାଇଥିଲା | ଏହି ଯନ୍ତ୍ରଣାଦାୟକ ଦୁର୍ଘଟଣା ପରେ ବର ଏବଂ କନ୍ୟା ଉଭୟଙ୍କ ଘରେ ଏବଂ ଅଞ୍ଚଳରେ ଶୋକର ବାତାବରଣ ରହିଛି |