୩ କୋଟିର ଲଟେରୀ ଜିତି ସ୍ୱାମୀକୁ ଛାଡି ପ୍ରେମିକ ସହ ଫେରାର ହେଲା ସ୍ତ୍ରୀ,ଆଉ ତା ପରେ ମାମଲାରେ ଆସିଲା ଟ୍ୱିଷ୍ଟ

ଆଜିକାଲି ଲଟେରୀ ଜିତିବାର ଅନେକ ମାମଲା ସାମ୍ନାକୁ ଆସୁଛି। ଅନେକ ଥର ଲୋକମାନେ ଏହିପରି ଲଟେରୀ ଟଙ୍କା ପାଆନ୍ତି। ଏହିପରି ଏକ ମାମଲା ଆଜି ଆମେ କହିବାକୁ ଯାଉଛୁ ଯେଉଁଥିରେ ଥାଇଲ୍ୟାଣ୍ଡର ଜଣେ ମହିଳା ତିନି କୋଟି ଟଙ୍କାର ଲଟେରୀ ଜିତିଥିଲେ ଏବଂ ତାଙ୍କ ସ୍ୱାମୀଙ୍କୁ ଛାଡି ପ୍ରେମିକ ସହ ଫେରାର ହୋଇଯାଇଥିଲେ।

ସୂଚନା ଅନୁସାରେ ଏହି ଘଟଣା ଥାଇଲ୍ୟାଣ୍ଡର ଅଟେ। ନରିନ୍ ନାମକ ଜଣେ ବ୍ୟକ୍ତି ନିଜ ପତ୍ନୀଙ୍କ ବିରୋଧରେ ମାମଲା ଦାୟର କରିବାକୁ ପ୍ରସ୍ତୁତ ହେଉଛନ୍ତି। ଏହାର କାରଣ ହେଉଛି, ତାଙ୍କ ପତ୍ନୀ ଲଟେରୀ ଜିତିବା ପରେ ନିଜ ପ୍ରେମିକ ସହିତ ପଳାଇଯାଇଛନ୍ତି।

ଏହି ବ୍ୟକ୍ତି ଅଭିଯୋଗ କରିଛନ୍ତି ଯେ ସେହି ଲଟେରୀରେ ତାଙ୍କର ମଧ୍ୟ ଅଂଶ ଅଛି। ଏହି ବ୍ୟକ୍ତିଙ୍କ ଦାବି ପରେ ଏହି ପ୍ରସଙ୍ଗରେ ଏକ ନୂଆ ମୋଡ଼ ଆସିଛି।

ସେ ନିଜେ ଦକ୍ଷିଣ କୋରିଆରେ ଏବଂ ତାଙ୍କ ପତ୍ନୀ ଥାଇଲ୍ୟାଣ୍ଡରେ ରହୁଥିଲେ। ନରିନ୍ ଦକ୍ଷିଣ କୋରିଆରେ କାମ କରୁଥିଲେ ଏବଂ ପରିବାର ଚଳାଇବା ପାଇଁ ପ୍ରତିମାସରେ ଟଙ୍କା ପଠାଉଥିଲେ।

କିଛି ସମୟ ପରେ ଯେତେବେଳେ ନରିନଙ୍କ ପତ୍ନୀ 2.9 କୋଟି ଟଙ୍କାର ଲଟେରୀ ଜିତିଥିଲେ, କିଛି ସମୟ ପରେ ମହିଳା ଜଣକ ଅନ୍ୟ ପୁରୁଷଙ୍କୁ ବିବାହ କରିବାକୁ ନିଷ୍ପତ୍ତି ନେଇଥିଲେ ଏବଂ ତାଙ୍କ ସହ ଫେରାର ହୋଇଯାଇଥିଲେ।

ଯେତେବେଳେ ତାଙ୍କ ସ୍ୱାମୀ ଏହା ଜାଣିଲେ, ସେ ଆଶ୍ଚର୍ଯ୍ୟ ହୋଇଗଲେ। ତାଙ୍କର ଦୁଇଟି ଛୋଟ ପିଲା ମଧ୍ୟ ଅଛନ୍ତି ଏବଂ ପତ୍ନୀ ସେହି ଦୁଇ ପିଲାଙ୍କୁ ମଧ୍ୟ ଛାଡି ପଳାଇଛନ୍ତି। ସ୍ୱାମୀ କହିଛନ୍ତି ଯେ,” କିଛି ବୁଝାପଡୁ ନାହିଁ କାରଣ ମୁଁ ଆଶା କରି ନ ଥିଲି ଯେ ମୋ ପତ୍ନୀ ମୋତେ ଧୋକ୍କା ଦେବେ। ବର୍ତ୍ତମାନ ମୁଁ ଏକ ମାମଲା ରୁଜୁ କରିଛି ଏବଂ ଏହି ଘଟଣାର ତଦନ୍ତ ଆରମ୍ଭ ହୋଇଛି।”