କାରରେ ରୋମାନ୍ସ କରୁଥିଲେ କପଲ୍, ଗାଡ଼ି ଛଡ଼ାଇ ନେଇ ପଳାଇଲେ ଚୋର, ପୋଷାକ ମଧ୍ୟ ନେଇଗଲେ.ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ଏକ କପଲ୍ ରାତିରେ ନିଜ କାର ଭିତରେ ବସି ରୋମାନ୍ସ କରୁଥିଲେ । ଠିକ୍ ସେତିକିବେଳେ ସେମାନଙ୍କ ସହ ଏପରି ଦୁର୍ଘଟଣା ହୋଇଗଲା, ଯାହା ସେମାନେ ଜୀବନସାରା ମନେ ରଖିବେ । ବାସ୍ତବରେ ସୁନସାନ ରାସ୍ତାରେ କାର ପାର୍କ କରି ଠିଆ ହୋଇଥିବା କପଲଙ୍କ ଉପରେ କିଛି କ୍ରିମିନାଲଙ୍କ ନଜର ପଡ଼ିଗଲା । ଯେଉଁମାନେ କେବଳ କପଲଙ୍କ ମୋବାଇଲ ଏବଂ ପର୍ସ ଚୋରାଇ ନେଲେ ନାହିଁ ବରଂ ଦୁହିଁଙ୍କର ପୋଷାକ ମଧ୍ୟ ନେଇ ପଳାଇଗଲେ ।
ଅଗଷ୍ଟ 17 ତାରିଖରେ ଘଟିଥିବା ଏହି ଘଟଣା ବ୍ରାଜିଲର ଅଟେ । ଯାହାର ସିସିଟିଭି ଫୁଟେଜ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । କପଲ୍ ଧଳା ରଙ୍ଗର କାର ଭିତରେ ରୋମାନ୍ସ କରୁଥିଲେ । ଠିକ୍ ସେତିକିବେଳେ ଚୋର ମାନଙ୍କର ଗୋଟିଏ ଗ୍ରୁପ ସେମାନଙ୍କୁ ଘେରି ପକାନ୍ତି । ଚୋରମାନେ କପଲଙ୍କ ପଇସା ଏବଂ ପୋଷାକ ଲୁଟିନେଇ ସେମାନଙ୍କୁ ଏପରି ରାସ୍ତା ମଝିରେ ନେକେଡ ଅବସ୍ଥାରେ ଛାଡି ଦେଲେ ।
ଡେଲି ମେଲର ରିପୋର୍ଟ୍ ଅନୁଯାୟୀ, ଘଟଣା ରାତିରେ ପ୍ରାୟ 9 ଟା ସମୟରେ ଘଟିଥିଲା । କାର ଗୋଟିଏ ସୁନସାନ ଜାଗାରେ ପାର୍କିଂ ହୋଇଥିଲା । ଭିତରେ କପଲ୍ ଥିଲେ । ଠିକ୍ ସେତିକିବେଳେ ଚୋରମାନେ ସେମାନଙ୍କ ଉପରେ ଆକ୍ରମଣ କରିଦିଅନ୍ତି । ଜଣେ ବ୍ୟକ୍ତି ଜବରଦସ୍ତି କାରର ଡୋର ଖୋଲେ, ଯେତେବେଳେ କି ଆଉ ଜଣେ ବ୍ୟକ୍ତି କପଲଙ୍କ ଜିନିଷ ଚୋରି କରିନିଏ । କପଲ୍ ଯେତେବେଳେ ଏହାକୁ ବିରୋଧ କଲେ, ସେତେବେଳେ ସେମାନେ ତାଙ୍କୁ ଧମକାଇବା ଆରମ୍ଭ କଲେ ।
କେବଳ ଏତିକି ନୁହେଁ, ଚୋରମାନେ କପଲଙ୍କୁ ବାହାରକୁ ଟାଣି ସେମାନଙ୍କ କାର ମଧ୍ୟ ନେଇଗଲେ । କପଲଙ୍କ କାର ନେଇ ପଳାଇ ଯାଉଥିବା ବେଳେ ସେମାନେ ତାଙ୍କ ପୋଷାକ ଝରକାରୁ ବାହାରକୁ ଫିଙ୍ଗି ଦେଲେ । ଯାହା ପରେ କପଲ୍ ତୁରନ୍ତ ନିଜ ପୋଷାକ ଉଠାଇ ପିନ୍ଧି ପକାଇଲେ । ତଥାପି କିଛି ପୋଷାକ କାର ଭିତରେ ରହି ଯାଇଥିଲା ।
ଘଟଣାର ସିସିଟିଭି ଫୁଟେଜ ସାମ୍ନାକୁ ଆସିବାପରେ ପୋଲିସ ଅଜଣା ଅପରାଧୀଙ୍କ ବିରୋଧରେ ମାମଲା ରୁଜ୍ଜୁ କରିଛି । ରିପୋର୍ଟ୍ ଅନୁଯାୟୀ, ବ୍ରାଜିଲରେ ପବ୍ଲିକ ପ୍ଲେସରେ ସମ୍ପର୍କ ରଖିବା ଆଇନ୍ ବିରୁଦ୍ଧ ଅଟେ । ଏପରି ପରିସ୍ଥିତିରେ କପଲଙ୍କୁ ଜୋରିମାନା ସହ ଜେଲ ଦଣ୍ଡ ମଧ୍ୟ ଭୋଗିବାକୁ ପଡିପାରେ ।
