ଗୋଟିଏ କୋଣରୁ କାହିଁକି କଟା ହୋଇଥାଏ ମୋବାଇଲ SIM Card, 99% ଲୋକ ଜାଣିନାହାନ୍ତି ଏହାର କାରଣ

SIM Card: ଆଜିର ଯୁଗରେ ମୋବାଇଲ୍ ଫୋନ୍ ଲୋକଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ପାଲଟିଯାଇଛି । ଲୋକମାନେ ମୋବାଇଲ୍ ସ୍କ୍ରିନରେ ଅନେକ ଘଣ୍ଟା ବିତାଇ ଦିଅନ୍ତି । ମୋବାଇଲ୍ ଲଗାତାର ସ୍ମାର୍ଟ ହେବାରେ ଲାଗିଛି । ଏହା ଲୋକଙ୍କ ଅନେକ କାମକୁ ବହୁତ୍ ସହଜ କରିଦେଇଛି । କିନ୍ତୁ ଯେକୌଣସି ମୋବାଇଲରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ସିମ୍ କାର୍ଡ । ସିମ୍ କାର୍ଡ ସାହାଯ୍ୟରେ ମୋବାଇଲକୁ ନେଟୱାର୍କ ଆସେ, ଯାହାଫଳରେ ଆମେ କଲ୍, ମେସେଜ୍ କିମ୍ବା ଇଣ୍ଟରନେଟ୍ ଚଲାଇପାରନ୍ତି । ଯଦି ଆପଣ କେବେ ଏକ ସିମ୍ କାର୍ଡକୁ ସାବଧାନତାର ସହ ଦେଖିଥିବେ, ତେବେ ସେଥିରେ ଗୋଟିଏ ସାଇଡ୍ କଟ୍ ରହିଥାଏ, କିନ୍ତୁ କଣ ଆପଣ ଜାଣିଛନ୍ତି ଯେ ସିମକୁ ଗୋଟିଏ ସାଇଡରୁ କାହିଁକି କଟା ଯାଇଥାଏ ?

ପୂର୍ବରୁ ସାଧାରଣ ଥିଲା ସିମ୍ କାର୍ଡ :-

ଆଜି ଭାରତ ସମେତ ସାରା ବିଶ୍ୱରେ ଅନେକ ଟେଲିକମ୍ କମ୍ପାନୀ ଅଛି, ଯେଉଁମାନେ ସିମ୍ କାର୍ଡ ତିଆରି କରନ୍ତି । ସମସ୍ତ ସିମ୍ କାର୍ଡଗୁଡ଼ିକ ସାଇଡରୁ କଟାଯାଇଥାଏ । ଏହା କେବଳ ଭାରତରେ ନୁହେଁ ବରଂ ସମଗ୍ର ବିଶ୍ୱରେ ଘଟିଥାଏ । ଆପଣଙ୍କୁ କହିରଖୁଛୁ ଯେ ଆରମ୍ଭରେ ଯେତେବେଳେ ସିମ୍ କାର୍ଡ ତିଆରି ହେଲା, ସେତେବେଳେ ସେଗୁଡ଼ିକ ସାଇଡରୁ କଟା ହେଉନଥିଲା । ଯେତେବେଳେ ମୋବାଇଲ୍ ଫୋନ୍ ପାଇଁ ସିମ୍ କାର୍ଡ ଡିଜାଇନ୍ କରାଯାଇଥିଲା, ସେତେବେଳେ ତାର ଆକୃତି ଅତି ସରଳ ଏବଂ ଚାରିକଣିଆ ଥିଲା ।

ଏହି କାରଣରୁ କଟା ଗଲା :-

ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଯେ ଯେତେବେଳେ ପ୍ରଥମ ସିମ୍ କାର୍ଡ ସ୍ୱାଭାବିକ ଥିଲା, ସେତେବେଳେ କଣ ହେଲା ଯେ ଏହା ସାଇଡରୁ କଟା ଯିବାକୁ ଲାଗିଲା । ବାସ୍ତବରେ, ଯେତେବେଳେ ସିମ୍ କାର୍ଡଗୁଡିକ ବର୍ଗାକାର ଥିଲା, ସେତେବେଳେ ଲୋକମାନେ ବୁଝି ପାରୁନଥିଲେ ଯେ ସିମର ସିଧା ଏବଂ ଓଲଟା ଅଂଶ କେଉଁଟି ଅଟେ । ଏଭଳି ପରିସ୍ଥିତିରେ ଲୋକମାନେ ସିମକୁ ଅନେକ ଥର ଓଲଟପାଲଟ କରୁଥିଲେ ଏବଂ ଅସୁବିଧାର ସମ୍ମୁଖୀନ ହେଉଥିଲେ । ଏହି କାରଣରୁ ପରେ ଏହାକୁ ବାହାର କରିବାରେ ଅସୁବିଧା ହେଉଥିଲା । ଅନେକଥର ତ ସିମର ଚିପ୍ ମଧ୍ୟ ଖରାପ୍ ହୋଇଯାଉଥିଲା ।

ଲୋକଙ୍କ କାମ ହୋଇଗଲା ସହଜ :-

ଏହି ଅସୁବିଧାକୁ ଦୃଷ୍ଟିରେ ରଖି ଟେଲିକମ୍ କମ୍ପାନୀଗୁଡିକ ସିମର ଡିଜାଇନ୍ ପରିବର୍ତ୍ତନ କରିବାର ଆବଶ୍ୟକତା ଅନୁଭବ କଲେ । ଏହା ପରେ କମ୍ପାନୀଗୁଡିକ ଗୋଟିଏ କୋଣରୁ ସିମ୍ କାର୍ଡ କାଟିଲେ । ଏହି କଟ୍ କୋଣ ଯୋଗୁଁ ମୋବାଇଲ୍ ଫୋନରେ ସିମ୍ କାର୍ଡ ଭର୍ତ୍ତି କରିବା ଏବଂ ବାହାର କରିବା ଲୋକଙ୍କ ପାଇଁ ସହଜ ହୋଇଗଲା, କାରଣ ସିମ୍ କାର୍ଡରେ କଟ୍ ହେତୁ ଏକ ଖାଲ ସୃଷ୍ଟି ହୋଇଗଲା । ଏଭଳି ପରିସ୍ଥିତିରେ, ଲୋକମାନଙ୍କୁ ସିମ୍ କାର୍ଡ ବ୍ୟବହାର କରିବାରେ ସୁବିଧା ହେଲା, ଯେଉଁଥିପାଇଁ ଅନ୍ୟ ଟେଲିକମ୍ କମ୍ପାନୀଗୁଡିକ ମଧ୍ୟ ସିମ କାର୍ଡକୁ ନୂତନ କଟ୍ ବାଲା ଡିଜାଇନ୍ ସହିତ ବିକ୍ରି କରିବା ଆରମ୍ଭ କରିଦେଲେ ।