ପ୍ରଥମେ ଏ ଭିଡ଼ିଓ ଦେଖନ୍ତୁ : କୁକୁରକୁ ମାଡି ବସିଥିଲା ବିଶାଳକାୟ ଅଜଗର,ଆଉ ଛୋଟ ପିଲାମାନେ ସାପକୁ ଟାଣିଟାଣି ଏହିପରି ଭାବରେ ବଞ୍ଚାଇଲେ କୁକୁରର ଜୀବନ, ଭିଡିଓ ଦେଖିଲେ ଆଶ୍ଚର୍ଯ୍ୟ ହୋଇଯିବେ

କୌଣସି ନିରୀହର ଜୀବନ ବଞ୍ଚାଇବା ପାଇଁ ନିଜ ଜୀବନ ସହ ଖେଳିବା ସହଜ ନୁହେଁ । କିନ୍ତୁ ତିନି ଜଣ ପିଲା ମିଶି କୁକୁର ପାଇଁ ନିଜ ଜୀବନକୁ ବିପଦରେ ପକାଇ ଦେଲେ । ଏହି ଘଟଣାର ଗୋଟିଏ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ୍ ହେଉଛି । ଭିଡ଼ିଓରେ ପିଲାମାନେ ବିଶାଳ ଅଜଗର କବଳରୁ କୁକୁରକୁ ବଞ୍ଚାଉଥିବାର ଦେଖାଯାଏ ।

ବାସ୍ତବରେ କୁକୁର ଅଜଗର କବଳରେ ଫସି ଯାଇଥିଲା । ସେମାନେ ଧୀରେ ଧୀରେ କୁକୁରକୁ ଗୁଡ଼ାଇ ଚାଲିଥିଲା । କୁକୁର ଅଣ ନିଶ୍ବାସୀ ହେବାକୁ ଲାଗିଥିଲା । ଠିକ୍ ସେତିକିବେଳେ ତିନିଜଣ ଛୋଟ ପିଲା ମାନବିକତାର ଉଦାହରଣ ଦେଲେ । ସେମାନେ ନିଜ ହାତ ଏବଂ ବାଡି ସାହାଯ୍ୟରେ କୁକୁରକୁ ଅଜଗର ଶରୀରରୁ ଅଲଗା କରିଦେଲେ ।

These kids 👏👏 pic.twitter.com/fa2yQH71Eo

— figen sezgin (@_figensezgin) August 5, 2022

ଏହି ଭିଡିଓକୁ ଟୁଇଟର ଆକାଉଣ୍ଟ @_figensezgin ରୁ ସେୟାର କରାଯାଇଛି । ଏହାକୁ 20 ମିଲିୟନରୁ ଅଧିକ ଭ୍ୟୂ ମିଳିଛି । ଲକ୍ଷ ଲକ୍ଷ ଲୋକ ଭିଡ଼ିଓରେ ପ୍ରତିକ୍ରିୟା ଦେଇଛନ୍ତି । ଭିଡ଼ିଓରେ ପିଲାମାନେ ନିଜ ଜୀବନକୁ ବାଜି ଲଗାଇ କୁକୁରକୁ ଅଜଗରଠାରୁ ବଞ୍ଚାଉଥିବାର ଦେଖାଯାଉଛନ୍ତି ।

ଏହି ବିଶାଳ ଅଜଗର କୁକୁରକୁ ନିଜ ଶରୀରରେ ଚାରିପଟୁ ଜୋରରେ ଗୁଡ଼ାଇ ରଖିଥିଲା । ପିଲାମାନେ ହାତରେ ଅଜଗରକୁ ଟାଣି କୁକୁରକୁ ମୁକ୍ତି ଦେଲେ । ଗୋଟିଏ ପିଲା ବାଡି ସାହାଯ୍ୟରେ ଅଜଗରକୁ ଅଲଗା କରିବାକୁ ଚେଷ୍ଟା କରୁଥିଲା । ତେବେ ଅଜଗରଠାରୁ କୁକୁରକୁ ଛଡାଇବା ବହୁତ୍ କଷ୍ଟକର ଥିଲା, କିନ୍ତୁ ପିଲାମାନେ ଏହି କାମ କରି ଦେଖାଇଲେ । ନିଜର ଛୋଟ ହାତରେ ଟାଣି ଟାଣି ଅଜଗର କବଳରୁ କୁକୁରକୁ ମୁକ୍ତ କଲେ, ଯାହା ପରେ କୁକୁର ଶାନ୍ତିରେ ନିଶ୍ବାସ ନେଇପାରିଲା ।

ଏହି ଭିଡ଼ିଓରେ ୟୁଜର ମାନେ ପିଲାମାନଙ୍କୁ ଖୁବ୍ ପ୍ରଶଂସା କରିଛନ୍ତି । କିଛି ଲୋକ ସେମାନଙ୍କୁ ବାହାଦୁର କହିଥିବା ବେଳେ ଆଉ କିଛି ଲୋକ ସେମାନଙ୍କ କାମକୁ ଅବିଶ୍ଵସନୀୟ ମଧ୍ୟ କହିଛନ୍ତି । ଜଣେ ୟୁଜର କହିଛନ୍ତି, କୁକୁରକୁ ମୃତ୍ୟୁ ମୁହଁରୁ ବାହାର କରି ଆଣିଲେ । ଆଉ ଜଣେ କହିଛନ୍ତି ଏହି ଦୃଶ୍ୟକୁ ରେକର୍ଡ କିଏ କରୁଥିଲା । ତେବେ ଏହି ଭିଡିଓ କେଉଁ ସ୍ଥାନର ଏବଂ କେବେର ବର୍ତ୍ତମାନ ସୁଦ୍ଧା ଜଣାପଡି ନାହିଁ ।