WhatsApp ରେ ଚାଲିଛି ‘ KBC ଲଟେରୀ’ ସ୍କାମ, 25 ଲକ୍ଷ ଟଙ୍କା ଜିତିବା ନାଁରେ ଆପଣଙ୍କ ଆକାଉଣ୍ଟ୍ ହୋଇପାରେ ଖାଲି
Get real time updates directly on you device, subscribe now.
ଭାରତରେ ଗୋଟିଏ ପୁରୁଣା WhatsApp Scam ମାଧ୍ୟମରେ ପୁଣିଥରେ ୟୁଜରମାନଙ୍କୁ ଟାର୍ଗେଟ କରାଯାଉଛି । ସ୍କାମର୍ସ ‘KBC Jio’ ଲକି ଡ୍ରର ଫେକ ମେସେଜ ପଠାଇ ୟୁଜରମାନଙ୍କୁ ଫସାଇବାକୁ ଚେଷ୍ଟା କରିଥାନ୍ତି । ଏହିପରି ଗୋଟିଏ ମେସେଜ ଆମକୁ ମଧ୍ୟ ମିଳିଛି ।
ହ୍ୱାଟ୍ସଆପରେ ମିଳୁଥିବା ଏହି ମେସେଜରେ ଭିଡିଓ ମଧ୍ୟ ପଠା ଯାଇଥାଏ । ଭିଡ଼ିଓରେ ୟୁଜର ମାନଙ୍କୁ ପୁରସ୍କାର ଜିତିବାର ପୁରା ପ୍ରୋସେସ କୁହା ଯାଇଥାଏ । ଏହାବ୍ୟତୀତ ୟୁଜର ମାନଙ୍କୁ ସେମାନଙ୍କ ବ୍ୟକ୍ତିଗତ ସୂଚନା ମଧ୍ୟ ମଗା ଯାଇଥାଏ । ଏଥିରେ ଆଧାର କାର୍ଡ, ପାସପୋର୍ଟ ସାଇଜ ଫଟୋ ଏବଂ ଅନ୍ୟ ଡିଟେଲ ମଗା ଯାଇଥାଏ ।
ଡିଟେଲ ଦେବାପରେ ୟୁଜରକୁ ଗୋଟିଏ ଡକ୍ୟୁମେଣ୍ଟ ପଠାଯାଏ । ଯେଉଁଥିରେ ସେମାନଙ୍କୁ ଟ୍ୟାକ୍ସ ନାମରେ କିଛି ହଜାର ଟଙ୍କା ପଠାଇବାକୁ କୁହାଯାଏ । ସ୍କାମର୍ସ ଦାବି କରନ୍ତି ଯେ ଏହି ଆମାଉଣ୍ଟ ଦେବାପରେ ସେମାନଙ୍କ ଆକାଉଣ୍ଟକୁ ପଇସା କ୍ରେଡିଟ ହୋଇଯିବ ।
ଆଗକୁ ବଢିବା ପୂର୍ବରୁ ମନେରଖନ୍ତୁ ଯେ ଆପଣ ଏପରି କୌଣସି ପ୍ରକାରର ମେସେଜର ରିପ୍ଲାଏ କରନ୍ତୁ ନାହିଁ । KBC ଗୋଟିଏ ଲୋକପ୍ରିୟ ଶୋ ଅଟେ । ଏହି କାରଣରୁ ଅନେକ ଲୋକ ଏହି ସ୍କାମର୍ସଙ୍କ କଥାକୁ ବିଶ୍ୱାସ କରିଥାନ୍ତି । ସ୍କାମର୍ସ ହ୍ୱାଟ୍ସଆପରେ ମେସେଜ ସହିତ KBC ର ଲୋଗୋ ଏବଂ Sony Liv ର ଫୋଟୋ ମଧ୍ୟ ପଠାଇଥାନ୍ତି, ଯେପରିକି ୟୁଜର ବିଶ୍ୱାସ କରିବେ ।
ଏପରି ଫ୍ରଡ ବାଲା ମେସେଜରେ ଆପଣଙ୍କୁ ଅନେକ ଭୁଲ ମଧ୍ୟ ମିଳିଯିବ । ଇଂଲିଶ ଏବଂ ହିନ୍ଦୀ ଉଭୟ ଭାଷାରେ ସ୍କାମ ମେସେଜ ପଠାଯାଇ ଥାଏ । ଅନେକ କେସରେ ୟୁଜର ମାନଙ୍କୁ ଏହାକୁ ନେଇ ଭଏସ ମେସେଜ ମଧ୍ୟ ମିଳିଥାଏ । ଏଥିରେ ୟୁଜରଙ୍କୁ ଗୋଟିଏ ଲଟେରୀ ନମ୍ବର ମଧ୍ୟ ଦିଆଯାଏ, ଯାହା ଫେକ ହୋଇଥାଏ ।
ଏହାଠାରୁ ବଞ୍ଚିବା ପାଇଁ ଏପରି ମେସେଜକୁ ଦେଖି ରିପ୍ଲାଏ କରନ୍ତୁ ନାହିଁ । ଯଦି ଆପଣଙ୍କ ପାଖକୁ ଏପରି ବାରମ୍ବାର ମେସେଜ ଆସୁଛି, ତେବେ ଏହାକୁ ନିକଟସ୍ଥ ସାଇବର ପୋଲିସ ଷ୍ଟେସନରେ ରିପୋର୍ଟ୍ କରନ୍ତୁ ।
