ଫ୍ରୁଟି ଦେବା ବାହାନାରେ 5 ବର୍ଷର ଝିଅ ସହିତ ଦୁଷ୍କର୍ମ, ନିରୀହ ଝିଅଟି କାନ୍ଦି କାନ୍ଦି ଶୁଣାଇଲା ନିଜର ଯନ୍ତ୍ରଣା

12 ବର୍ଷର ପିଲା କଲା 5 ବର୍ଷର ନିରୀହ ଝିଅ ସହିତ ଦୁଷ୍କର୍ମ :-

ଝାଡ଼ଖଣ୍ଡର ଖୁଣ୍ଟିରେ ଗୋଟିଏ 12 ବର୍ଷୀୟ ପିଲା ଉପରେ 5 ବର୍ଷୀୟ ଝିଅର କଥିତ ଭାବରେ ରେପ କରିବାର ଆରୋପ ଲାଗିଛି । ଝିଅଟି ନିଜର ବାପାମାଆଙ୍କୁ କହିଲା ଯେ ସେ ଫ୍ରୁଟି ଆଣିବା ପାଇଁ ପାଖ ଦୋକାନକୁ ଯାଇଥିଲା । ସେଠାରେ ଗୋଟିଏ 12 ବର୍ଷୀୟ ପିଲା ବସିଥିଲା । ସେ ଝିଅ ସହିତ ଖରାପ କାର୍ଯ୍ୟକଳାପ କଲା । ସେତେବେଳେ ଦୋକାନରେ ସେହି ପିଲା ବ୍ୟତୀତ ଆଉ କେହି ବି ନଥିଲେ । ଏହି ଘଟଣା ପରେ ଯେତେବେଳେ ଝିଅଟି ଘରେ ପହଞ୍ଚିଲା, ସେତେବେଳେ ସେ ପୁରା କାହାଣୀ ନିଜ ପରିବାର ଲୋକଙ୍କୁ ଶୁଣାଇଲା ।

ଝିଅଟିର ପରିବାର ଲୋକେ ଝିଅ ସହିତ ଘଟିଥିବା ଘଟଣା ଶୁଣି ଆଶ୍ଚର୍ଯ୍ୟ ହୋଇଗଲେ । ସେମାନେ ବିଶ୍ୱାସ କରିପାରିଲେ ନାହିଁ ଯେ ଗୋଟିଏ 12 ବର୍ଷୀୟ ପିଲା ତାଙ୍କର ଫୁଲ ପରି କୋମଳ ଝିଅ ସହିତ ଏପରି କିଛି କରିପାରେ । ସେମାନେ ସିଧା ପୋଲିସ ପାଖକୁ ଗଲେ । ତାପରେ ପୋଲିସ ସାମ୍ନାରେ ହିଁ ସେ 12 ବର୍ଷୀୟ ପିଲା ଉପରେ ରେପର ଆରୋପ ଲଗାଇଲା । ତା ବିରୋଧରେ କେସ ମଧ୍ୟ କଲେ । ଏପରି ପରିସ୍ଥିତିରେ ପୋଲିସ ମଧ୍ୟ ତୁରନ୍ତ ଆକ୍ସନ ନେଲା ଏବଂ ପିଲାଟିକୁ ଗିରଫ କରି ତାକୁ ପଚରାଉଚରା କରିବାକୁ ଲାଗିଲା ।

ପୋଲିସ ଅଭିଯୁକ୍ତକୁ ପଠାଇଲା ବାଲ୍ୟ ସୁଧାର ଗୃହ :-

ଏହି ମାମଲାରେ ପୋଲିସ ଗତ ଏପ୍ରିଲ 24 ତାରିଖ ରବିବାର ଦିନ ରେପର ଅଭିଯୁକ୍ତ ନାବାଳକ ପିଲାଟିକୁ ଗିରଫ କରିଥିଲା । ତାକୁ ପ୍ରଥମେ କିଛି ପଚରାଉଚରା କରାଗଲା । ତାପରେ ମାମଲା ରୁଜ୍ଜୁ ହେବାପରେ ତାକୁ ରାଞ୍ଚିର ବାଲ୍ୟ ସୁଧାର ଗୃହକୁ ପଠାଇ ଦିଆଗଲା । ସେହିପରି ପୋଲିସ ଏହି ପୁରା ମାମଲାକୁ ବିସ୍ତାର ଭାବରେ ଯାଞ୍ଚ କରୁଛି । ପୋଲିସ କହିଛି ଯେ ପ୍ରମାଣ ମିଳିଲେ ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ତେବେ ଏହା କୌଣସି ପ୍ରଥମ ଘଟଣା ନୁହେଁ, ଯେତେବେଳେ କୌଣସି ନାବାଳକ ପିଲା କୌଣସି ଛୋଟ ଝିଅର ଇଜ୍ଜତ ଲୁଟିଛି । ଏହା ପୂର୍ବରୁ ଏପ୍ରିଲ 20 ତାରିଖରେ ଖୁଣ୍ଟିରେ ଗୋଟିଏ 11 ବର୍ଷୀୟ ଝିଅ ସହିତ ଗ୍ୟାଙ୍ଗ ରେପର ମାମଲା ସାମ୍ନାକୁ ଆସିଥିଲା । ଝିଅଟି ଗୋଟିଏ ବିବାହ ସମାରୋହକୁ ଯାଇଥିଲା । ଯେତେବେଳେ ସେ ଫେରୁଥିଲା, ସେତେବେଳେ 6ଜଣ ନାବାଳକ ପିଲା ତାର ବଳାତ୍କାର କରିଦେଲେ ।

ସମସ୍ତ ଅଭିଯୁକ୍ତଙ୍କ ବୟସ 10 ରୁ 15 ବର୍ଷ ମଧ୍ୟରେ ବୋଲି କୁହାଯାଉଛି । ଏମାନେ ସମସ୍ତେ ସ୍କୁଲରେ ପାଠ ପଢନ୍ତି । ଏହି ଘଟଣା ତୋରପା ବ୍ଲକରେ ହୋଇଥିଲା । ପୀଡ଼ିତ ଝିଅର ମା ଅଭିଯୋଗ କରିବାପରେ ପୋଲିସ ସମସ୍ତ ଅଭିଯୁକ୍ତଙ୍କୁ ଅଲଗା ଅଲଗା ସ୍ଥାନରୁ ଗିରଫ କରିଥିଲା ।