ଇଏ ହେଉଛି ଭାରତର ସବୁଠାରୁ ବଡ ପରିବାର, 39 ଲୋକଙ୍କ ପାଇଁ ପ୍ରତିଦିନ ତିଆରି ହୋଇଥାଏ ଏକାବେଳେ ଖାଇବା, ଆଜି ପର୍ଯ୍ୟନ୍ତ କେବେ ବି ହୋଇନାହିଁ ଝଗଡା !

ଆଜି ଆମେ ଆପଣଙ୍କୁ ଏମିତି ଗୋଟିଏ ପରିବାର ସହିତ ପରିଚିତ କରାଇବାକୁ ଯାଉଛୁ, ଯେଉଁଥିରେ 39 ଜଣ ଲୋକ ନିଜର ଜୀବନ ବିତାଇ ଥାଆନ୍ତି । ଆଜ୍ଞା ହଁ, ଏହି ପରିବାରରେ ପ୍ରାୟ ସବୁ ବୟସର ଲୋକ ଉପସ୍ଥିତ ଅଛନ୍ତି । କୁହାଯାଏ ଯେ ଛୋଟ ପରିବାର ହେଉଛି ସୁଖୀ ପରିବାର, କିନ୍ତୁ ଏହି ପରିବାର ବହୁତ୍ ବଡ ହେବା ସତ୍ତ୍ବେ ମଧ୍ୟ ଖୁସିରେ ନିଜ ଜୀବନ ବିତାଉଛନ୍ତି ଏବଂ ପରସ୍ପରର ସୁଖ ଦୁଃଖରେ ପରସ୍ପରକୁ ସାହାଯ୍ୟ କରନ୍ତି ।

ଏହା ଗୋଟିଏ ସଂଯୁକ୍ତ ପରିବାର ଅଟେ, ଯେଉଁଠାରେ ସବୁ ସଦସ୍ୟ ଏକାଠି ବସି ଭୋଜନ କରନ୍ତି ଏବଂ ଏହି ପରିବାରରେ ଗୋଟିଏ କିମ୍ବା ଦୁଇଟି ନୁହେଁ ବରଂ 39 ଜଣ ସଦସ୍ୟ ଅଛନ୍ତି । ଏହି ପରିବାରରେ ଏହି କାର୍ଯ୍ୟକ୍ରମ 3ଟି ପିଢ଼ି ଧରି ଚାଲିଆସିଛି ଏବଂ ଏହି ପରିବାର ଗୋଟିଏ ଘରେ ନିଜ ଜୀବନ ବିତାଉଛନ୍ତି । ଏହାସହିତ ପୁରା ପରିବାର ପାଇଁ ଏକାବେଳେ ଖାଇବା ରୋଷେଇ ହୋଇଥାଏ ।

କୁହାଯାଉଛି ଯେ ଏହି ପରିବାର ଚିତଉଡର ସିକଲିଗର ପରିବାର ଅଟେ । ଏହି ପରିବାର ଭାଇମାନଙ୍କ ଭଲପାଇବାର ଉଦାହରଣ ଦେଇଥାଏ । କୁହାଯାଉଛି ଯେ ସେମାନଙ୍କ ବାପାମାଆଙ୍କର 4ଟି ସନ୍ତାନ ଥିଲେ । ତେବେ ସେମାନଙ୍କ ମଧ୍ୟରୁ ଦୁଇଜଣ ଭାଇଙ୍କର ମୃତ୍ୟୁ ହୋଇଯାଇଛି ଏବଂ ଆଉ ଦୁଇ ଭାଇ ନିଜ ପରମ୍ପରାକୁ ଆଗକୁ ବଢାଇଛନ୍ତି ଏବଂ କୁହନ୍ତି ଯେ ଏସବୁରେ ଆମ ବାପା, ମା ଏବଂ ଦୁଇ ଭାଇଙ୍କ ଆଶୀର୍ବାଦ ସାମିଲ ରହିଛି ।

କେବଳ ଏତିକି ନୁହେଁ, ଏହି ପରିବାରର ଦ୍ୱିତୀୟ ପିଢ଼ିରେ 8ଜଣ ଭାଇ ଅଛନ୍ତି, ଯେଉଁମାନେ ଏକାଠି ରୁହନ୍ତି । ଏହି ଭାଇଙ୍କ ବ୍ୟତୀତ ପରିବାରରେ 10ଜଣ ଝିଅ ଥିଲେ, ଯେଉଁମାନେ ବିବାହ କରି ନିଜ ଘର ସମ୍ଭାଳିଛନ୍ତି । ବର୍ତ୍ତମାନ ଭାଇମାନଙ୍କ ସ୍ତ୍ରୀ ଏବଂ ପିଲା ମଧ୍ୟ ଏକାଠି ଗୋଟିଏ ଘରେ ଜୀବନ ବିତାଉଛନ୍ତି ।

ମାଙ୍କ ମନ୍ତ୍ରରେ ସବୁବେଳେ ଚାଲିବୁ :-

ଏହି ପରିବାର ଲୋକେ କହିଛନ୍ତି ଯେ ତାଙ୍କ ମା ସବୁବେଳେ କହୁଥିଲେ ଯେ ଯଦି ପରିବାରର ଲୋକମାନେ ଏକାଠି ରୁହନ୍ତି, ତେବେ ଜଣାନାହିଁ କେତେବେଳେ କାହା ଭାଗ୍ୟ କାହା ସହିତ ରହିବ ଏବଂ ପରିବାରରେ ଅଗ୍ରଗତି ହୁଏ । ମାଙ୍କ ଦ୍ଵାରା ଦିଆଯାଇଥିବା ଏହି ବାର୍ତ୍ତା ଆମର ମୂଳମନ୍ତ୍ର ଅଟେ ଏବଂ ଏହି କାରଣରୁ ଏତେ ବଡ ପରିବାର ହେବା ସତ୍ତ୍ବେ ମଧ୍ୟ ସବୁ ଲୋକ ଏକାଠି ନିଜ ଜୀବନ ବିତାଉଛନ୍ତି ।