ପ୍ରଥମେ ଅଣ୍ଡା ନା ପ୍ରଥମେ କୁକୁଡ଼ା ଏହି ପ୍ରଶ୍ନ ହୋଇଗଲାଣି ପୁରୁଣା, ଏବେ କୁହନ୍ତୁ କୁକୁଡ଼ା ଗୋଟେ ପଶୁ ନା ପକ୍ଷୀ?:-

ଦୁନିଆକୁ ପ୍ରଥମେ ଅଣ୍ଡା ଆସିଲା ନା କୁକୁଡ଼ା ଆସିଲା ଏହି ପ୍ରଶ୍ନ ଆପଣଙ୍କୁ କେବେ ନା କେବେ କେହି ନା କେହି ତ ନିଶ୍ଚିତ ପଚାରିଥିବେ। ତେବେ ଏହି ପ୍ରଶ୍ନଟି ବହୁତ ପୁରୁଣା ହୋଇଗଲାଣି କିନ୍ତୁ କୁକୁଡ଼ା କୁ ନେଇ ଏକ ନୂଆ ପ୍ରଶ୍ନ ସମାନକୁ ଆସିଛି। ପ୍ରଶ୍ନ ଟା ହେଉଛି କୁକୁଡ଼ାଟି ଗୋଟିଏ ପଶୁ ନା ପକ୍ଷୀ?

ଗୁଜୁରାଟ ହାଇକୋର୍ଟରେ ଶୁଣାଣି ସମୟରେ ଏହି ପ୍ରଶ୍ନ ଉଠିଛି। ତେବେ ପ୍ରକୃତ ମାମଲାଟି କଣ, ତେବେ ଆସନ୍ତୁ ବିସ୍ତୃତ ଭାବରେ ଜାଣିବା। ସୂଚନାଅନୁସାରେ ବୁଧବାର ଗୁଜୁରାଟ ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଉପରେ ଶୁଣାଣି ହୋଇଥିଲା।

ଏହି ପିଟିସନରେ ମାଂସ ଦୋକାନ ଏବଂ କୁକୁଡ଼ା ଫାର୍ମରେ କୁକୁଡ଼ା ହତ୍ୟାକୁ ନେଇ ଆପତ୍ତି ଉଠାଯାଇଥିଲା। ଏହି ପିଟିସନରେ କୁହାଯାଇଛି ଯେ କଂସେଇଖାନା ବଦଳରେ କୁକୁଡ଼ା ଦୋକାନରେ କୁକୁଡ଼ାମାନଙ୍କୁ ହତ୍ୟା କରାଯାଏ, ଯାହା ଭୁଲ ଅଟେ।

ଏଭଳି ପରିସ୍ଥିତିରେ କୁକୁଡ଼ା ବ୍ୟବସାୟୀ ତଥା ଚିକେନ୍ ଦୋକାନର ମାଲିକମାନେ ଆଶା କରୁଛନ୍ତି ଯେ ହାଇକୋର୍ଟ ସେମାନଙ୍କ ଆବେଦନ ଶୁଣିବେ ଏବଂ ସେମାନଙ୍କ ଦୋକାନ ଖୋଲିବାକୁ ଅନୁମତି ଦେବେ। ହାଇକୋର୍ଟ ମାଂସ ଏବଂ କୁକୁଡ଼ା ଦୋକାନ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ।

ନିୟମ ଉଲ୍ଲଂଘନ କରିବା ଏବଂ ସ୍ୱଚ୍ଛତା ମାନ ବଜାୟ ରଖିବା ପାଇଁ କୁକୁଡ଼ା ଦୋକାନ ଉପରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିଲା। ହାଇକୋର୍ଟର ନିଷ୍ପତ୍ତି ପରେ ଅନେକ ସହରର ମ୍ୟୁନିସିପାଲିଟି କର୍ପୋରେସନ୍ ମାଂସ ଦୋକାନ ବନ୍ଦ କରିଦେଇଥିଲେ।

ସୁରଟ ମ୍ୟୁନିସିପାଲିଟି କର୍ପୋରେସନ୍ ଅନେକ ଦୋକାନ ବନ୍ଦ କରି କହିଛି ଯେ ଦୋକାନରେ ନୁହେଁ ପଶୁମାନଙ୍କୁ କଂସେଇଖାନା ମରାଯିବା ଉଚିତ୍। ପଶୁ କଲ୍ୟାଣ ଫାଉଣ୍ଡେସନ ଏବଂ ଅହିମସା ମହାସଙ୍ଗ ପକ୍ଷରୁ ଗୁଜୁରାଟ ହାଇକୋର୍ଟରେ ଏକ ପିଟିସନ ଦାଖଲ କରାଯାଇଥିଲା।

ଏଥିରେ ପଶୁମାନଙ୍କୁ ହତ୍ୟା କରିବା ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଏବଂ ବିଭିନ୍ନ ନିୟମ ଲାଗୁ କରିବାକୁ କୁହାଯାଇଥିଲା। ଏହା ପରେ ହାଇକୋର୍ଟ ସ୍ୱଚ୍ଛତାର ଯତ୍ନ ନେବାକୁ କହିଥିଲେ। ଏହା ପରେ ହାଇକୋର୍ଟରେ ପ୍ରଶ୍ନ ଉଠିଛି ଯେ କୁକୁଡ଼ା ଏକ ପଶୁ ନା ପକ୍ଷୀ?

ତେବେ କୁକୁଡ଼ା ବ୍ୟବସାୟୀ ଏବଂ ଚିକେନ୍ ଦୋକାନ ମାଲିକଙ୍କ କହିବା କଥା ହେଉଛି ଯେ ହାଇକୋର୍ଟଙ୍କ ନିର୍ଦ୍ଦେଶ ପରେ ତାଙ୍କ ସାମ୍ନାରେ ଜୀବିକା ନିର୍ବାହ ପଶ୍ନ ଉଠିଛି। ସେ କୁକୁଡ଼ା ହତ୍ୟା କରିବାର ଯୁକ୍ତିକୁ ଅଯୌକ୍ତିକ ବୋଲି କହିଥିଲେ। ଦୋକାନ ଖୋଲିବାକୁ ତାଙ୍କୁ ଅନୁମତି ମିଳିବା ଉଚିତ ବୋଲି ସେ କହିଛନ୍ତି।

ଏଭଳି ପରିସ୍ଥିତିରେ ହାଇକୋର୍ଟଙ୍କ ନିଷ୍ପତ୍ତି ଉପରେ ଏବେ ସମସ୍ତଙ୍କ ନଜର ରହିଛି। ଯଦି ମାଂସ ଦୋକାନରେ କୁକୁଡ଼ା ମାରିବାକୁ ଅନୁମତି ନ ଦିଆଯାଏ, ତେବେ ଦୋକାନୀମାନେ କଂସେଇଖାନାକୁ ଯିବାର ବିକଳ୍ପ ପାଇବେ ।

ତେବ ଆସନ୍ତୁ ଜାଣିବା ପଶୁ ଏବଂ ପକ୍ଷୀଙ୍କ ଭିତରେ କଣ ପାର୍ଥକ୍ୟ ରହିଛି।

ପକ୍ଷୀମାନଙ୍କର ସବୁଠାରୁ ବଡ ଶକ୍ତି ହେଉଛି ଆକାଶରେ ଉଡିବା। କିନ୍ତୁ ପଶୁମାନେ ଆକାଶକୁ ଛାଡିଦେଲେ ଆଉ ସବୁ ସ୍ଥାନରେ ରହିପାରିବେ। ଅନେକ ଅନୁଷ୍ଠାନ ଅନୁଯାୟୀ ପୃଥିବୀରେ 30 ନିୟୁତରୁ ଅଧିକ ପ୍ରଜାତିର ପ୍ରାଣୀ ଥିବାବେଳେ, କେବଳ 1000ଟି ପ୍ରଜାତିର ପକ୍ଷୀ ଅଛନ୍ତି। ପକ୍ଷୀମାନଙ୍କର ଶରୀରରେ ଡେଣା ଥିବାବେଳେ ଅନ୍ୟ ପ୍ରାଣୀମାନଙ୍କର ଏହା ନ ଥାଏ।