ସରକାରଙ୍କ ବଡ଼ ଉପହାର; ଏହି ଲୋକମାନଙ୍କୁ ମିଳିବ ବର୍ଦ୍ଧିତ PENSION ର ଲାଭ, ମେ 3 ସୁଦ୍ଧା କରନ୍ତୁ ଆବେଦନ
Get real time updates directly on you device, subscribe now.
ଆସିଲା ଇପିଏଫଓକୁ ନେଇ ବଡ ଖବର । ହାୟର ପେନସନ୍ ବା ଅଧିକ ପେନସନ୍ ପାଇଁ ଆବେଦନର ବଢ଼ିଲା ସମୟ ସୀମା । କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ୍ (ଇପିଏଫଓ) ସମ୍ପର୍କିତ ବଡ଼ ଖବର ଏବେ ସାମ୍ନାକୁ ଆସିଛି । ଇପିଏଫ୍ଓ ସଦସ୍ୟମାନେ ଅଧିକ ପେନ୍ସନ୍ ଚୟନ କରିବା ପାଇଁ ନିଯୁକ୍ତିଦାତାଙ୍କ ୩ ମଇ ୨୦୨୩ ପର୍ଯ୍ୟନ୍ତ ଆବେଦନ କରିପାରିବେ ।
ଫେବୃଆରୀ ୨୦ ରେ ଇପିଏଫଓ ଏହାର ଜୋନାଲ କାର୍ଯ୍ୟାଳୟକୁ ନିର୍ଦ୍ଦେଶର ଏକ ସେଟ୍ ପ୍ରକାଶ କରିବା ପରେ ଏହି ଖବର ଆସିଛି ଯାହା କର୍ମଚାରୀଙ୍କ ପୁରୁଣା ପେନ୍ସନ୍ ସ୍କିମ୍ (ଇପିଏସ୍) ଅଧୀନରେ ଅଧିକ ପେନ୍ସନ୍ ଚୟନ କରିବାକୁ ଅନୁମତି ଦେଇଥାଏ । ଏହାପୂର୍ବରୁ ମାର୍ଚ୍ଚ ୩, ୨୦୨୩ ପର୍ଯ୍ୟନ୍ତ ଅଧିକ ପେନ୍ସନ୍ ଚୟନ କରିବାର ଶେଷ ତାରିଖ ଥିଲା । କିନ୍ତୁ ଏହି ତାରିଖକୁ ଏବେ ମଇ ୩, ୨୦୨୩କୁ ବୃଦ୍ଧି କରି ଦିଆଯାଇଛି।
ଏହାପୂର୍ବରୁ, ସୁପ୍ରିମକୋର୍ଟ ମଧ୍ୟ ତାଙ୍କ ଆଦେଶରେ ୪ ନଭେମ୍ବର, ୨୦୨୨ରେ କହିଥିଲେ ଯେ ଉଚ୍ଚ ପେନ୍ସନ୍ ଚୟନ କରିବାକୁ ସମସ୍ତ ଯୋଗ୍ୟ ସଦସ୍ୟଙ୍କୁ ଇପିଏଫଓକୁ ଚାରିମାସ ସମୟ ଦେବାକୁ ପଡିବ । ସେ ସମୟରେ ଏହି ଚାରି ମାସର ଅବଧି ୩ ମାର୍ଚ୍ଚ ୨୦୨୩ ରେ ଶେଷ ହେଉଥିଲା । ଏଥିରେ ଦର୍ଶାଯାଇଛି ଯେ ଗ୍ରାହକ ଏବଂ ସେମାନଙ୍କ ନିଯୁକ୍ତିଦାତା ମିଳିତ ଭାବେ କର୍ମଚାରୀଙ୍କ ପେନ୍ସନ୍ ସ୍କିମ୍ (ଇପିଏସ୍) ଅଧୀନରେ ଅଧିକ ପେନ୍ସନ୍ ପାଇଁ ଆବେଦନ କରିପାରିବେ ।
ନଭେମ୍ବର ୨୦୨୨ ରେ, ସୁପ୍ରିମକୋର୍ଟ କର୍ମଚାରୀଙ୍କ ପେନ୍ସନ୍ (ସଂଶୋଧନ) ଯୋଜନା, ୨୦୧୪ କୁ ସମର୍ଥନ କରିଥିଲେ । ଏହାପୂର୍ବରୁ, ଅଗଷ୍ଟ ୨୨, ୨୦୧୪ ର ଇପିଏସ୍ ସଂଶୋଧନ ପେନ୍ସନ୍ ଯୋଗ୍ୟ ବେତନ ସୀମାକୁ ମାସକୁ ୬,୫୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି କରିଥିଲା ।
ଏଥିସହ, ସଦସ୍ୟ ଏବଂ ସେମାନଙ୍କ ନିଯୁକ୍ତିଦାତାଙ୍କୁ ସେମାନଙ୍କର ପ୍ରକୃତ ବେତନର ୮.୩୩ ପ୍ରତିଶତ ଇପିଏସରେ ଯୋଗଦାନ କରିବାକୁ ଅନୁମତି ଦିଆଯାଇଥିଲା । ଇପିଏଫଓ ଏହାର ଆଞ୍ଚଳିକ କାର୍ଯ୍ୟାଳୟକୁ ଏ ବାବଦରେ ଏକ ସର୍କୁଲାର ଜାରି କରିଛି ।
ଇପିଏଫ୍ଓ କହିଛି ଯେ ଏହିପରି ସୁବିଧା ଯୋଗାଇ ଦିଆଯିବ ଯାହା ଦ୍ୱାରା ଶୀଘ୍ର (ୟୁ-ଆର୍-ଏଲ) ୟୁନିକ୍ ରିସୋର୍ସ ଲୋକେସନ ସୂଚନା ଦିଆଯିବ । ଏହା ପରେ ଆଞ୍ଚଳିକ ପିଏଫ୍ କମିଶନର ନୋଟିସ୍ ବୋର୍ଡରେ ଏକ ସଠିକ୍ ନୋଟିସ୍ ଏବଂ ବ୍ୟାନର ଲଗାଇବେ ଯାହା ଦ୍ୱାରା ଏହାକୁ ସର୍ବସାଧାରଣରେ ଅବଗତ କରାଯାଇପାରିବ ।
ଏହା ଅଧୀନରେ ପ୍ରତ୍ୟେକ ଆବେଦନ ପଞ୍ଜୀକୃତ ହେବ ଏବଂ ଡିଜିଟାଲ୍ ରେକର୍ଡ ହେବ ଏବଂ ସେମାନଙ୍କୁ ଏକ ରସିଦ ନମ୍ବର ଦିଆଯିବ । ଏହାକୁ ଆଞ୍ଚଳିକ ପ୍ରୋଭିଡେଣ୍ଟ ଫଣ୍ଡ କାର୍ଯ୍ୟାଳୟ ପ୍ରତ୍ୟେକ ମିଳିତ ବିକଳ୍ପ ମାମଲାର ସମୀକ୍ଷା କରିବେ । ଏହା ପରେ, ଆବେଦନକାରୀଙ୍କୁ ଇ-ମେଲ / ପୋଷ୍ଟ ଏବଂ ପରବର୍ତ୍ତୀ ସମୟରେ ଏସଏମଏସ ଦ୍ୱାରା ନିଷ୍ପତ୍ତି ବିଷୟରେ ସୂଚନା ଦିଆଯିବ ।
