ଆଇନ୍ ବ୍ୟବସ୍ଥା ଅନୁସାରେ ଜାମିନ କିମ୍ବା ବେଲ୍ କ’ଣ, ଏହା କେତେ ପ୍ରକାରର ଓ କିପରି କରାଯାଏ ଆବେଦନ।

ଆଜିର ସମୟରେ ଅପରାଧୀ ମାନେ ବହୁତ ଚାଲାକ୍ ହୋଇ ଗଲେଣି । ଅପରାଧ କରିବା ପାଇଁ ବିଭିନ୍ନ ପ୍ରକାର ର ପନ୍ଥା ମଧ୍ୟ ଆପଣାଉଛନ୍ତି । ତେଣୁ ଧୀରେ ଧୀରେ ଦେଖିବାକୁ ଗଲେ ଦେଶରେ ଅପରାଧ ସଂଖ୍ୟା ବଢ଼ି ବଢ଼ି ଚାଲିଛି । ଆଉ ଏହାକୁ ଦୃଷ୍ଟିରେ ରଖି ମଧ୍ୟ ଆମ ଦେଶର ଦୋଷୀ ମାନଙ୍କ ପ୍ରତି ପ୍ରଣୟନ କରା ଯାଇଥିବା ନିୟମ କାନୁନ୍ ସେପରି କଡ଼ା କଡ଼ି କରି ଦିଆଯାଉଛି । ଯେତେବଳେ ଜଣେ ଅପରାଧ କରିଥାଏ ସେ ଜାଣତରେ ହେଉ କିମ୍ବା ଅଜାଣତରେ ତାର ଦୋଷ ପ୍ରମାଣିତ ହେବା ମାତ୍ରେ ତାକୁ ଦଣ୍ଡ ହୋଇଥାଏ କିମ୍ବା ଜେଲ୍ ହୋଇଥାଏ ।

କିନ୍ତୁ କେତେକ ସ୍ଥଳେ ଏହା ମଧ୍ୟ ଦେଖିବାକୁ ମିଳିଛି ଯେ ଜଣେ ଦୋଷ କିଛି କରି ନଥାଏ କିନ୍ତୁ ଯିଏ ପ୍ରକୃତ ଦୋଷୀ ସେ ମିଛାରେ ଫାସାଇ ଦେଇଥିବା କାରଣରୁ ପୋଲିସ୍ ନିର୍ଦ୍ଦୋଷ ଲୋକକୁ ଧରି ଦଣ୍ଡ ଦେଇଥାଏ । ତେବେ ଏପରି ବ୍ୟକ୍ତିଙ୍କୁ ଉଚିତ୍ ନ୍ୟାୟ ଦେବା ଉଦ୍ଦେଶ୍ୟରେ ଆମ ଭାରତୀୟ ସମ୍ବିଧାନ ଆଇନ୍ ଜାମିନ୍ ଦେବାର ବ୍ୟବସ୍ଥା କରିଛି । ଯାହାକୁ ବେଲ୍ ମଧ୍ୟ କୁହାଯାଇଥାଏ । ତେବେ ଉକ୍ତ ନିର୍ଦ୍ଦୋଷ ବ୍ୟକ୍ତି ଏଇ ଆଇନ୍ ବ୍ୟବସ୍ଥା ଦ୍ବାରା କୋର୍ଟ ରୁ ଜାମିନ୍ ଆବେଦନ କରି ପାରିବ । ତେବେ ଏହି ବେଲ୍ କିମ୍ବା ଜାମିନ୍ କଣ ଆଉ ଏହାକୁ କିପରି ଆବେଦନ କରାଯାଏ ଆସନ୍ତୁ ଜାଣିବା ।

ତେବେ ଦେଖିବାକୁ ଗଲେ ବହୁତ ଏପରି ସବୁ ଅପରାଧ ଅଛି ଯାହାର ଗମ୍ଭୀରତା କୁ ଦୃଷ୍ଟିରେ ରଖି ତାପାଇଁ ଜାମିନ୍ ବ୍ୟବସ୍ଥା କରାଯାଇ ନାହିଁ । ତେବେ ଅନ୍ୟ ଅପରାଧ ଗୁଡିକରେ ଅପରାଧୀ ବିନା ଦୋଷରେ ଜେଲ୍ ରେ ଥିଲେ ସେଥିରୁ ମୁକୁଳିବା ପାଇଁ ତାହାର ଓକିଲ କିଛି କାରଣ ଦର୍ଷାଇ ଜେଲ୍ ରୁ ବାହାର କରିବା ପାଇଁ ଜାମିନ୍ ଆବେଦନ କରିଥାଏ । କୋର୍ଟରେ ସମ୍ପତ୍ତିର କାଗଜ ପତ୍ର ବନ୍ଧକ ରଖାଯାଏ ବା ତାଙ୍କର ସତ୍ୟପାଠ କରାଯାଏ, ଯାହାକୁ ଜାମିନ କୁହାଯାଏ ।

ତେବେ ଜାମିନ୍ ପରେ କିନ୍ତୁ ନିର୍ଦ୍ଦୋଷ ସାବ୍ୟସ୍ତ ନହେବା ପର୍ଯ୍ୟନ୍ତ ଦୋଷୀକୁ ନିର୍ଦ୍ଦିଷ୍ଟ ଏକ ଧାର୍ଯ୍ୟ ହୋଇଥିବା ଡେଟ୍ ରେ କୋର୍ଟରେ ହାଜର ହେବାକୁ ପଡ଼ିଥାଏ । ଆଉ ଯଦି ହାଜର ନ ହୁଅନ୍ତି, ତେବେ ଜମା ହୋଇଥିବା ସମ୍ପତ୍ତିକୁ ଜବତ କରାଯାଇଥାଏ । ତେବେ ଜାମିନ୍ ୨ ପ୍ରକାରର । ଅଗ୍ରିମ ଜାମିନ ଯେଉଁଟାକି କୋର୍ଟ ଯିବା ପୂର୍ବରୁ ହିଁ ଆଗୁଆ ନିଆ ଯାଇଥାଏ ଆଉ ତାହା ମିଳିଗଲେ ପୋଲିସ୍ ଗିରଫ କରିପାରିବ ନାହିଁ ଓ ଆଉ ଗୋଟେ ହେଉଛି ଅନ୍ତରୀଣ ଜାମିନ ଯେଉଁଟା କି ଧାରା ୪୩୯ ରେ ପ୍ରଦାନ କରା ଯାଇଥାଏ ଯେତେବେଳେ ଜଣେ ଅଭିଯୁକ୍ତଙ୍କ ବିରୋଧରେ ମାମଲା ଟ୍ରାଏଲ କୋର୍ଟରେ ବିଚାରାଧୀନ ଥାଏ । ତେବେ ଶେଷରେ କହିରଖୁଛୁ ଯେ ସମସ୍ତ ପ୍ରକାର ଅପରାଧ ପାଇଁ ଜାମିନ ପ୍ରଦାନ କରିବାର କୌଣସି ବ୍ୟବସ୍ଥା ନାହିଁ ।