କ’ଣ ଆପଣଙ୍କୁ ମଧ୍ୟ ଅଧିକ ମଶା କାମୁଡୁଛନ୍ତି କି ? ତେବେ ଜାଣନ୍ତୁ ଏହାର ପ୍ରକୃତ କାରଣ, ଏହି କାରଣରୁ ଆପଣ ଅଧିକ କାମୁଡୁଛନ୍ତି

ବର୍ତ୍ତମାନ୍ ବର୍ଷାଋତୁ ଚାଲିଛି ଏବଂ ଏହି ଋତୁରେ ସମୟ ସମୟରେ ବର୍ଷା ବ୍ୟତୀତ ଯଦି ଅନ୍ୟ କୌଣସି କଥା ପାଇଁ ସବୁଠାରୁ ଅଧିକ ଚିନ୍ତା ହୋଇଥାଏ, ତେବେ ତାହା ହେଉଛି ମଶା । ଏହି ଋତୁରେ ପ୍ରାୟ ସବୁ ସ୍ଥାନରେ ମଶାମାନେ ଦେଖିବାକୁ ମିଳନ୍ତି । ସେହିପରି ମଶାମାନଙ୍କ ସହ ଆଉ ଗୋଟେ କଥା ଦେଖିବାକୁ ମିଳିଥାଏ ଯେ କିଛି ଲୋକଙ୍କୁ ମଶାମାନେ ନିଜର ଅଧିକ ଶିକାର କରନ୍ତି । କିଛି ଲୋକ ଅଭିଯୋଗ କରନ୍ତି ଯେ ସେମାନଙ୍କୁ ଅନ୍ୟମାନଙ୍କ ଅପେକ୍ଷା ଅଧିକ ମଶା କାମୁଡୁଛନ୍ତି । ଏପରି ପରିସ୍ଥିତିରେ ଆପଣ ଏହାର କାରଣ ମଧ୍ୟ ଜାଣିବାକୁ ଚାହିଁବେ । ତେବେ ଚାଲନ୍ତୁ ଆମେ ଆପଣଙ୍କୁ ଏହାର ପ୍ରକୃତ କାରଣ କହିବୁ ।

ଶରୀରରୁ ବାହାରୁଥିବା କାର୍ବନ ଡ଼ାଇଅକ୍ସାଇଡ୍ :-

ଆପଣଙ୍କୁ କହିରଖୁଛୁ ଯେ ଶରୀରରୁ ବାହାରୁଥିବା କାର୍ବନ ଡ଼ାଇଅକ୍ସାଇଡର ପରିମାଣ ନିର୍ଦ୍ଧାରିତ କରେ ଯେ ଆପଣ ମଶାମାନଙ୍କୁ କେତେ ଆକର୍ଷିତ କରିଥାନ୍ତି । ବାସ୍ତବରେ ମଶା ନିଜ ସେନ୍ସିଙ୍ଗ ଅର୍ଗେନ୍ସ ଦ୍ଵାରା ମଣିଷ ଶରୀରରୁ ବାହାରୁଥିବା କାର୍ବନ ଡ଼ାଇଅକ୍ସାଇଡ୍ ଗନ୍ଧକୁ ଜାଣିପାରନ୍ତି ।

ଏପରି ପରିସ୍ଥିତିରେ ଯଦି ଆପଣଙ୍କ ଶରୀରର ମେଟାବଲିକ୍ ରେଟ୍ ଅଧିକ ରହିଛି ଏବଂ କାର୍ବନ ଡ଼ାଇଅକ୍ସାଇଡର ନିର୍ମାଣ ଅଧିକ ହୋଇଥାଏ, ତେବେ ନିଶ୍ଚିତ ଭାବେ ଆପଣଙ୍କୁ ଅଧିକ ମଶା ନିଜର ଶିକାର କରିବେ ।

ଶରୀରର ଅଧିକ ତାପମାତ୍ରା ଏବଂ ଅଧିକ ଝାଳ ବହିବା :-

ସେହିପରି ଯେଉଁ ଲୋକଙ୍କର ଅଧିକ ଝାଳ ବହେ, ସେମାନଙ୍କୁ ମଧ୍ୟ ସାଧାରଣ ଠାରୁ ଅଧିକ ମଶା କାମୁଡିଥାଆନ୍ତି । ବାସ୍ତବରେ ଅନୁସନ୍ଧାନକାରୀମାନେ କହିବା ଅନୁଯାୟୀ, ଅଧିକ ଝାଳ କାରଣରୁ ଶରୀରରେ ୟୁରିକ ଏସିଡ, ଲାକ୍ଟିକ ଏସିଡ ଏବଂ ଅମୋନୀୟା ଭଳି ତତ୍ଵ ବାହାରିଥାଏ ଏବଂ ଏହି ତତ୍ଵର ଗନ୍ଧ ଦ୍ଵାରା ମଶା ବ୍ୟକ୍ତି ପାଖେ ଘୁରି ବୁଲନ୍ତି ।

O ବ୍ଲଡ଼ ଗ୍ରୁପ୍ ବାଲା ହୋଇଥାନ୍ତି ମଶାମାନଙ୍କର ଅଧିକ ଶିକାର :-

ଆଜ୍ଞା ହଁ, ମଶାମାନଙ୍କୁ ନେଇ ଏହା ମଧ୍ୟ ଗୋଟିଏ କୌତୁହଳ ତଥ୍ୟ ଆସିଛି ଯେ O ବ୍ଲଡ଼ ଗ୍ରୁପ୍ ବାଲା ଲୋକଙ୍କ ଆଡ଼କୁ ଅନ୍ୟମାନଙ୍କ ତୁଳନାରେ ଅଧିକ ମଶା ଆକର୍ଷିତ ହୋଇଥାନ୍ତି । ଏହାପରେ ଦୁଇ ନମ୍ବରରେ ଆସନ୍ତି A ବ୍ଲଡ଼ ଗ୍ରୁପ୍ ବାଲା, ଯେଉଁମାନଙ୍କୁ ମଶା ନିଜର ଶିକାର କରନ୍ତି । କିନ୍ତୁ B ବ୍ଲଡ଼ ଗ୍ରୁପ୍ ବାଲା ଲୋକଙ୍କ ପାଖରେ କମ ମଶା ବୁଲନ୍ତି ।

ବିୟର ପିଉଥିବା ଲୋକ ମଧ୍ୟ ହୋଇଥାନ୍ତି ମଶାମାନଙ୍କର ଟାର୍ଗେଟ :-

ସେହିପରି ରିସର୍ଚ୍ଚରେ ଏହା ମଧ୍ୟ କୁହାଯାଇଛି ଯେ ବିୟର ପିଉଥିବା ଲୋକଙ୍କୁ ବାକି ତୁଳନାରେ ଅଧିକ ମଶା କାମୁଡିଥାନ୍ତି । ତେବେ ଏହା ସବୁ ପ୍ରକାରର ମଦ ସହ ହୋଇଥାଏ କିମ୍ବା କେବଳ ବିୟର ସହିତ ହୋଇଥାଏ, ତାହା ବର୍ତ୍ତମାନ ସ୍ପଷ୍ଟ ହୋଇପାରି ନାହିଁ ।