ଯୌତୁକ ଲୋଭି ସ୍ୱାମୀ ୪ ବର୍ଷ ପର୍ଯ୍ୟନ୍ତ ବାନ୍ଧି ରଖିଲା, ୨୭ ବର୍ଷରେ ୫୦ ବର୍ଷୀୟ ଦେଖାଯାଉଥିବା ସୋନିୟାଙ୍କ କାହାଣୀ ଶୁଣିଲେ ଆପଣଙ୍କୁ ମଧ୍ୟ ଚକିତ କରିବ
Get real time updates directly on you device, subscribe now.
ସୋସିଆଲ ମିଡିଆରେ ପ୍ରାୟତଃ ଅନେକ ପ୍ରକାରର ଖବର ଭାଇରାଲ ହୁଏ, ଯେଉଁଥିରୁ କିଛି ଖବର ଆମକୁ ଭାବପ୍ରବଣ କରିଥାଏ | ଆଜି ଆମେ ଆପଣଙ୍କୁ ଏପରି ଗୋଟିଏ ପ୍ରକୃତ ଘଟଣା ବିଷୟରେ ଜଣାଇବାକୁ ଯାଉଛୁ | ବାସ୍ତବରେ, ଗ୍ୱାଲିଅରରେ ଜଣେ ସ୍ୱାମୀ କ୍ରୁରତାର ସବୁ ସୀମା ଅତିକ୍ରମ କରିଦେଇଛି | ବାସ୍ତବରେ, ଏହି ମହିଳାଙ୍କୁ ତାଙ୍କ ସ୍ୱାମୀ ଏବଂ ତାଙ୍କ ଶାଶୁଘର ଲୋକମାନେ 4 ବର୍ଷ ଧରି ଘରେ ବନ୍ଧକ କରି ରଖିଥିଲେ | କେବଳ ଏତିକି ନୁହେଁ, ମହିଳାଙ୍କୁ ଦୁଇଥର ପେଟପୁରା ଖାଇବାକୁ ମଧ୍ୟ ଦିଆଯାଉନଥିଲା | ଯେଉଁ କାରଣରୁ ମହିଳା ଜଣକ ଟିବିର ଶିକାର ହୋଇଥିଲେ ଏବଂ ସେ ଶେଷ ପର୍ଯ୍ୟାୟରେ ପହଞ୍ଚିଗଲେ | ବହୋଡାପୁର ପୋଲିସ ଷ୍ଟେସନରେ ଏହି ମହିଳା ନିଜ ସ୍ୱାମୀଙ୍କ ବିରୋଧରେ ଯୌତୁକ ନିର୍ଯାତନାର ମାମଲା ଦାୟର କରିଛନ୍ତି |
ସୂଚନା ପାଇଁ ଆପଣମାନଙ୍କୁ କହିରଖୁଛି ଯେ ଗ୍ୱାଲିଅରର ରାମଜୀପୁରା ଅଂଚଳରେ ରହୁଥିବା ମହିଳା ସୋନିୟାଙ୍କ ଜୀବନ ତାଙ୍କ ସ୍ୱାମୀ ଏବଂ ଶାଶୂଘର ଲୋକେ ମିଶି ନର୍କ କରି ଦେଇଛନ୍ତି | ଏହି ମହିଳା ମାତ୍ର ୨୭ ବର୍ଷର ଅଟନ୍ତି, କିନ୍ତୁ ଦେଖିବାକୁ ସେ ୫୦ ବର୍ଷୀୟ ମହିଳା ପରି ଲାଗୁଛନ୍ତି | ଏହା ପଛର କାରଣ ହେଉଛି ଯୌତୁକ ଲୋଭି ସ୍ୱାମୀ ଏବଂ ଶାଶୂଘର ଲୋକଙ୍କ ଅତ୍ୟାଚାର | ସୋନିୟାଙ୍କ ମା ତାଙ୍କୁ ପୋଲିସ ବଳଙ୍କ ସାହାଯ୍ୟରେ ଶାଶୂଘର ଲୋକଙ୍କ ଠାରୁ ମୁକ୍ତ କରିଛନ୍ତି | ବର୍ତ୍ତମାନ ସୋନିୟାଙ୍କ ଅବସ୍ଥା ପୂର୍ବ ଅପେକ୍ଷା ଟିକେ ଭଲ ଅଛି ଏବଂ ସରକାର ତାଙ୍କୁ କ୍ଷତିପୂରଣ ଦେବାପାଇଁ ଆଶ୍ୱାସନା ଦେଇଛନ୍ତି |
![]()
ଖାଇବା ଜାଗାରେ ମିଳୁଥିଲା ମାରପିଟ :-
ଖାଇବା ଜାଗାରେ ମିଳୁଥିଲା ମାରପିଟ :-ଉଲ୍ଲେଖଯୋଗ୍ୟ ଯେ ସୋନିୟା ନାମକ ଯୁବତୀଙ୍କର ବିବାହ ୨୦୧୮ ମସିହାରେ ଗ୍ୱାଲିଅରର ବାସିନ୍ଦା ଗୁଲଫାମ ଖାଁଙ୍କ ସହିତ ହୋଇଥିଲା | ବିବାହ ସମୟରେ ସୋନିୟାଙ୍କ ମା ଯୌତୁକରେ ନିଜ ଜ୍ୱାଇଁକୁ ବାଇକ ଦେଇଥିଲେ, କିନ୍ତୁ ବିବାହର କିଛି ସମୟ ପରେ ହିଁ ଗୁଲଫାମ ବାଇକ ବିକିଦେଲା ଏବଂ ସୋନିୟାଙ୍କୁ ତାଙ୍କ ଘରୁ ଆଉ ଗୋଟିଏ ଗାଡି ନେଇ ଆସିବାକୁ ଡିମାଣ୍ଡ କରିବାକୁ ଲାଗିଲା | କିନ୍ତୁ ଯେତେବେଳେ ସୋନିୟା ଏହି କଥାର ବିରୋଧ କଲେ, ସେତେବେଳେ ତାଙ୍କ ଶାଶୂଘର ଲୋକେ ତାଙ୍କ ସହିତ ମାରପିଟ କରିବା ଆରମ୍ଭ କରିଦେଲେ | ଧୀରେ ଧୀରେ ସୋନିୟାଙ୍କ ସ୍ୱାମୀ କ୍ରୁରତାର ସବୁ ସୀମା ପାର କରିଦେଇ ତାଙ୍କୁ ଗୋଟିଏ ରୁମରେ ବନ୍ଦ କରିଦେଲେ ଏବଂ ଏହାସହିତ ଖାଇବା ଦେବା ମଧ୍ୟ ବନ୍ଦ କରିଦେଲା |
ସୋନିୟାଙ୍କୁ କେବଳ ସକାଳେ ଘରକାମ କରିବାପାଇଁ ବାହାର କରାଯାଉଥିଲା ଏବଂ ତାପରେ ରୁମରେ ବନ୍ଦ କରି ଦିଆଯାଉଥିଲା | ଯେତେବେଳେ ତାଙ୍କ ସ୍ୱାମୀ ସନ୍ଧ୍ୟାରେ ଘରକୁ ଫେରୁଥିଲେ, ସେତେବେଳେ ପୁଣି ଘରକାମ କରିବାକୁ ତାଙ୍କୁ ବାହାର କରାଯାଉଥିଲା | ପ୍ରାୟ ୪ ବର୍ଷ ଧରି ସୋନିୟାଙ୍କ ଉପରେ ଏହିପରି ଅତ୍ୟାଚାର କରାଯାଉଥିଲା | ଏହି ୪ ବର୍ଷରେ ଏହି ଅତ୍ୟାଚାର ମଧ୍ୟରେ ମଧ୍ୟ ସୋନିୟା ଗୋଟିଏ ଝିଅ ଏବଂ ଗୋଟିଏ ପୁଅକୁ ଜନ୍ମ ଦେଇଛନ୍ତି |
ଉଲ୍ଲେଖଯୋଗ୍ୟ ଯେ ଦିନେ ସୋନିୟାଙ୍କ ସ୍ୱାମୀ ଗୁଲଫାମ ଯିବାପରେ ନିଜ ମାଙ୍କୁ ନିଜ ଅବସ୍ଥା ବିଷୟରେ କହିଲେ | ମାକୁ ନିଜ ଝିଅର ଅବସ୍ଥା ବିଷୟରେ ଜଣାପଡିବା ମାତ୍ରେ ହିଁ ସେ ସ୍ୱାମୀ ନ ଥିବା ସମୟରେ ପୋଲିସକୁ ନେଇ ନିଜ ଝିଅକୁ ଶାଶୁଘରୁ ବାହାର କରିଆଣିଲେ | ଯାହା ପରେ ସୋନିୟା ନିଜ ସହ ଘଟିଥିବା ସବୁ ଘଟଣା ପୋଲିସ ଆଗରେ ଶୁଣାଇଲେ | ପୋଲିସ ସୋନିୟାଙ୍କ ସ୍ୱାମୀ ଗୁଲଫାମଙ୍କ ବିରୋଧରେ ଯୌତୁକ ଆକ୍ଟ ମାମଲା ଦାୟର କରିଛି | ପୋଲିସ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରିବାପାଇଁ ସୋନିୟାଙ୍କ ଅବସ୍ଥାରେ ପରିବର୍ତ୍ତନ ଆସିବାକୁ ଅପେକ୍ଷା କରିଛି |
