ଗରିବ ପିଲାକୁ ରାସ୍ତାରେ ମିଳିଲା 38 ଲକ୍ଷ ଟଙ୍କା ଭର୍ତ୍ତି ହୋଇଥିବା ବ୍ୟାଗ, ମାଲିକକୁ ଖୋଜି ଫେରାଇଦେଲେ ପୁରା ପଇସା, ମିଳିଲା ଏହି ପୁରସ୍କାର
Get real time updates directly on you device, subscribe now.
ଆଜିର ଦୁନିଆରେ ସଚ୍ଚୋଟ ଲୋକ ବହୁତ୍ କମ ଦେଖିବାକୁ ମିଳନ୍ତି । 100-200 ଟଙ୍କା ପାଇଁ ମଧ୍ୟ ଲୋକମାନେ ବେଇମାନି କରିବାକୁ ପଛାନ୍ତି ନାହିଁ । କିନ୍ତୁ ଆଜି ଆମେ ଆପଣଙ୍କୁ ଏପରି ଜଣେ ଯୁବକଙ୍କ ସହିତ ପରିଚିତ କରିବାକୁ ଯାଉଛୁ, ଯିଏ ବହୁତ୍ ଗରିବ ହେବା ସତ୍ତ୍ୱେ ମଧ୍ୟ ରାସ୍ତାରେ ମିଳିଥିବା 38 ଲକ୍ଷ ଟଙ୍କାକୁ ତାର ମାଲିକକୁ ଫେରାଇ ଦେଲା । ଏତେ ସବୁ ପଇସା ଦେଖି ଯୁବକଙ୍କର ମନ ଥରେ ବି ଲୋଭ କଲା ନାହିଁ । ଅନେକ ଲୋକ ତାଙ୍କୁ ପଇସା ରଖିବାକୁ ମଧ୍ୟ ପରାମର୍ଶ ଦେଲେ । କିନ୍ତୁ ସେ କେବଳ ସଚ୍ଚୋଟତାର ରାସ୍ତା ବାଛିଲେ । ଶେଷରେ ତାଙ୍କୁ ନିଜ ସଚ୍ଚୋଟତାର ଚମତ୍କାର ପୁରସ୍କାର ମଧ୍ୟ ମିଳିଲା ।
ଗରିବ ଫେରାଇଲା 38 ଲକ୍ଷ ଟଙ୍କା :-
ଇମ୍ୟାନୁଏଲ୍ ଟୁଲୋ 19 ବର୍ଷର ଅଟନ୍ତି । ସେ ପଶ୍ଚିମ ଆଫ୍ରିକୀୟ ଦେଶ ଲାଇବେରିଆରେ ରୁହନ୍ତି । ପେଟ ପୋଷିବା ପାଇଁ ମୋଟରବାଇକ ଟ୍ୟାକ୍ସି ଡ୍ରାଇଭରର କାମ କରନ୍ତି । ଏହି କାମ କରିବା ପରେ ମଧ୍ୟ ତାଙ୍କର ନିତିଦିନିଆ ଖର୍ଚ୍ଚ ଉଠେ ନାହିଁ । ଦିନେ ଟୁଲୋଙ୍କୁ ରାସ୍ତାକଡ଼ରୁ ପଇସା ଭର୍ତ୍ତି ଥିବା ବ୍ୟାଗ ମିଳିଗଲା । ଏହି ବ୍ୟାଗରେ 38 ଲକ୍ଷ ଟଙ୍କା ମୂଲ୍ୟର ଲାଇବେରିଆନ ଏବଂ ଆମେରିକୀୟ ନୋଟ୍ ରହିଥିଲା ।
ନିଜ ଗରିବ ଅବସ୍ଥାକୁ ଦୃଷ୍ଟିରେ ରଖି ଟୁଲୋ ଏହି ପଇସା ରଖିପାରି ଥାଆନ୍ତା । ଏହାଦ୍ବାରା ତାଙ୍କ ଜୀବନ ବଦଳି ଯାଇଥାନ୍ତା । ଜୀବନର ଅନେକ ସମସ୍ୟା ଦୂର ହୋଇଯାଇଥାଆନ୍ତା । କିନ୍ତୁ ସେ ଏପରି କଲେନାହିଁ । ସେ ନିଜ ଖୁଡିଙ୍କୁ କହିଲା ଯେ ଯଦି କୌଣସି ସରକାରୀ ରେଡିଓରେ କେହି ଏହି ପଇସା ପାଇଁ ନିବେଦନ କରେ , ତେବେ ସେ ଏହାକୁ ଫେରାଇ ଦେବ । ତାର ସଚ୍ଚୋଟତା ଦେଖି ଲୋକମାନେ ଖୁବ୍ ଥଟ୍ଟା କଲେ । ତାକୁ ପଇସା ରଖିବାପାଇଁ ଉତ୍ସାହିତ ମଧ୍ୟ କଲେ । କିନ୍ତୁ ଟୁଲୋ ନିଜର ସତ୍ୟତା ଏବଂ ସଚ୍ଚୋଟତାକୁ ନେଇ ବସି ରହିଲା ।
ସଚ୍ଚୋଟତା ବଦଳରେ ମିଳିଲା ଏହି ବଡ ପୁରସ୍କାର :-
ତେବେ ଟୁଲୋ ସେତେବେଳେ ଜାଣିନଥିଲା ଯେ ତାର ସଚ୍ଚୋଟତା ବଦଳରେ ବଡ ପୁରସ୍କାର ରହିଛି । ଯେତେବେଳେ ସେ ପଇସା ଫେରାଇଲା, ସେତେବେଳେ ସେ ସାରା ଦୁନିଆରେ ଫେମସ ହୋଇଗଲା । ଟୁଲୋଙ୍କ ସଚ୍ଚୋଟତା କାରଣରୁ ତାଙ୍କ ଦେଶର ରାଷ୍ଟ୍ରପତି ଜର୍ଜ୍ ବିୟା ମଧ୍ୟ ଇମ୍ପ୍ରେସ ହେଲେ । ସେ ଟୁଲୋଙ୍କୁ 8 ଲକ୍ଷ ଟଙ୍କାର ପୁରସ୍କାର ମଧ୍ୟ ଦେଲେ ।
ଏହାସହିତ ତାଙ୍କର ଆଡ଼ମିଶନ ଦେଶର ସବୁଠାରୁ ବଡ ସ୍କୁଲରେ କରାଇଲେ । ସେହିପରି ଟୁଲୋଙ୍କ ସଚ୍ଚୋଟତା ଦେଖି ଆମେରିକୀୟ କଲେଜ ତାଙ୍କୁ ଗ୍ରାଜୁଏସନ୍ ପାଇଁ ପାଠ ପଢିବାକୁ ଫୁଲ ସ୍କଲାରସିପର ଅଫର୍ ଦେଇଛି ।
ଏହାସହିତ ଅନ୍ୟ ଲୋକମାନେ ମଧ୍ୟ ଟୁଲୋଙ୍କ ସଚ୍ଚୋଟତା ଉପରେ ଖୁସି ହୋଇ ତାଙ୍କୁ ଆର୍ଥିକ ସାହାଯ୍ୟ କରିଛନ୍ତି । ଯାହାକୁ ସେ ପଇସା ଫେରାଇଲେ ସେ ମଧ୍ୟ 1 ଲକ୍ଷ ଟଙ୍କା ଦେଇଛନ୍ତି । ଟୁଲୋଙ୍କ ପରିବାର ବହୁତ୍ ଗରିବ, ଯେଉଁ କାରଣରୁ ସେ ପେଟ ପୋଷିବା ପାଇଁ ସ୍କୁଲ ଛାଡ଼ି ପରିଶ୍ରମ କରୁଥିଲେ । କିନ୍ତୁ ବର୍ତ୍ତମାନ ଟୁଲୋଙ୍କ ସଚ୍ଚୋଟତା କାରଣରୁ ସେ ପୁଣିଥରେ ପାଠ ପଢ଼ି ଭଲ ମଣିଷ ହୋଇପାରିବେ ।
