ସାମାନ୍ୟ ଝଗଡ଼ାରୁ ଉପୁଜିଲା କରୁଣ ପରିସ୍ଥିତି । ରାଗରେ ବାଇକ୍ କୁ ପଛପଟୁ ଧକ୍କା ଦେଲା ସ୍କୋର୍ପିଓ,ଦେଖନ୍ତୁ ଭିଡିଓ

ତେବେ ସାମାନ୍ୟ ବଚସାରୁ କାର୍‌ ଚକା ତଳେ ଚାପି ଯୁବକଙ୍କୁ ହତ୍ୟା ଉଦ୍ୟମ । ଏପରି ଏକ ଲୋମଟାଙ୍କୁରା ହିଟ୍‌ ଆଣ୍ଡ ରନ୍‌ କେସ୍‌ ଦେଶର ରାଜଧାନୀର ନୂଆଦିଲ୍ଲୀର ମଝି ରାସ୍ତା ଉପରେ ଗତକାଲି ଦିନ ଦିପ୍ରହରରେ ଘଟିଛି । ଆଉ ଯୁବକ ଜଣକ ସୌଭାଗ୍ୟବଶତଃ ଅଳ୍ପକେ ମୃତ୍ୟୁ ମୁହଁରୁ ବର୍ତ୍ତି ଯାଇଥିବା ବେଳେ କାର୍‌ ସହ ଚାଳକ ଫେରାର ହୋଇ ଯାଇଛନ୍ତି । ଗତକାଲି ଏପରି ଏକ ଅଭାବନୀୟ ଘଟଣା ସାଉଥ ଦିଲ୍ଲୀର ଅର୍ଜୁନଗଡ଼ ମେଟ୍ରୋ ଷ୍ଟେଶନ ତଳେ ଘଟିଛି ।

ଏପରି ଦୁର୍ଘଟଣାର ଶିକାର ହୋଇଥିବା ବାଇକ୍‌ ଚାଳକ ୨୦ ବର୍ଷୀୟ ଶ୍ରେୟାଂଶଙ୍କ କହିବା ମୁତାବକ, ସେ ନିଜ ୮ରୁ ୧୦ ସାଙ୍ଗଙ୍କ ସହ ରବିବାର ସକାଳୁ ବାଇକ୍‌ ଯୋଗେ ଗୁରଗ୍ରାମ ଯାଇଥିଲେ । ଏହାପରେ ବୁଲାବୁଲି ସାରି ସେମାନେ ବାଇକ୍‌ ଯୋଗେ ଫେରୁଥିଲେ । ଅର୍ଜୁନଗଡ଼ ମେଟ୍ରୋ ଷ୍ଟେଶନ ନିକଟରେ ଏକ ସ୍କର୍ପିଓ ସେମାନଙ୍କ ମଧ୍ୟରେ ପଶି ରେସ୍‌ କରିବା ଆରମ୍ଭ କରି ଦେଇଥିଲା । ଏହାକୁ ଶ୍ରେୟାଂଶ ଏବଂ ତାଙ୍କ ସାଙ୍ଗ ମାନେ ବିରୋଧ କରିଥିଲେ ।

@PMOIndia @ArvindKejriwal @DCPNewDelhi

Please help us , the Scorpio Car driver almost killed a few of our riders and threatened to kill us by crushing us under the car.

This is not what we vote for or pay taxes for

no one was severely injured
Gears respect riders pic.twitter.com/rcZIZvP7q4

— ANURAG R IYER (@anuragiyer) June 5, 2022

ଫଳରେ ସେହି କଥାକୁ ନେଇ ଉଭୟ ପକ୍ଷ ମଧ୍ୟରେ ବଚସା ହୋଇଥିଲା । ଏହାପରେ ସେମାନେ ସେଠାରୁ ପଳେଇଲେ କିନ୍ତୁ ସ୍କର୍ପିଓ ଡ୍ରାଇଭର ରକ୍ତ ଚାଉଳ ଚୋବାଉଥିଲା । ଆଉ ତାର ମୁଣ୍ଡରେ ଚାଲିଥିଲା ଶ୍ରେୟାଂଶକୁ କିଭଳି ଗାଡ଼ିରେ ଦୁର୍ଘଟଣା ଘଟାଇ ହତ୍ୟା କରିବାର ଯୋଜନା । ତେବେ ଶ୍ରେୟାଂଶଙ୍କ ସାଥୀମାନେ ଟିକେ ସ୍ଲୋ ହୋଇ ଯାଇଥିବା ବେଳେ ଶ୍ରେୟାଂଶ ବାଇକ୍‌ ନେଇ ଆଗକୁ ପଳାଇଥିଲେ ।

ଏହି ସମୟରେ ସ୍କର୍ପିଓଟି ପଛରୁ ଦ୍ରୁତ ଗତିରେ ଆସି ତାଙ୍କୁ ପଛପଟୁ ଜୋରରେ ଧକ୍କା ଦେଇଥିଲା । ଫଳରେ ସେ ରାସ୍ତାରେ ଛିଟିକି ପଡ଼ି ଦୂରରେ ଥିବା ଡିଭାଇଡରରେ ପିଟି ହୋଇଥିଲେ ବୋଲି କହିଛନ୍ତି  ଶ୍ରେୟାଂଶ । ଏହି ସମ୍ପୂର୍ଣ୍ଣ ଘଟଣା ସିସିଟିଭିରେ କଏଦ ହୋଇଥିବା ବେଳେ ଏହାକୁ ନେଇ ଖୋଳତାଡ଼ ଆରମ୍ଭ କରିଛି ପୁଲିସ୍‌ । ତେବେ ସ୍କର୍ପିଓ ଚାଳକଙ୍କ ପତ୍ତା ଏପର୍ଯ୍ୟନ୍ତ ମିଳିପାରିନି । ଶ୍ରେୟାଶଂ ନିଜ ମାତାପିତା ଓ ଭଉଣୀଙ୍କ ସହ ପୂର୍ବ ଦିଲ୍ଲୀର ପାଣ୍ଡବ ନଗରର ବୋଲି ଜଣାପଡ଼ିଛି । ଏହି ଦୁର୍ଘଟଣାରେ ସେ ବିଶେଷ କ୍ଷୟକ୍ଷତି ହୋଇ ନ ଥିବା ବେଳେ ଭୟଭୀତ ହୋଇ ପଡ଼ିଥିବା କହିଛନ୍ତି ତାଙ୍କ ପରିବାର ।