ଗୋଟିଏରୁ ଅଧିକ ବ୍ୟାଙ୍କରେ ଆକାଉଣ୍ଟ୍ ଖୋଲିଲେ ଲାଭ ହୋଇଥାଏ କି କ୍ଷତି ?

Benefits and Disadvantages of Multiple Bank Accounts: ଆଜିକାଲି ସରକାର ବ୍ୟାଙ୍କରେ ଖାତା ଖୋଲିବାର ପ୍ରକ୍ରିୟା ବହୁତ୍ ସରଳ କରି ଦେଇଛନ୍ତି । ଆପଣ ଚାହିଁଲେ ବ୍ୟାଙ୍କକୁ ଯାଇ ଆକାଉଣ୍ଟ୍ ଖୋଲିପାରିବେ କିମ୍ବା ଘରେ ବସି ଅନଲାଇନରେ ମଧ୍ୟ ଏହି କାମକୁ କରିପାରିବେ । ପ୍ରକ୍ରିୟା ସରଳ ହୋଇଥିବା କାରଣରୁ ଆଜିକାଲି ଅନେକ ଲୋକଙ୍କର ଗୋଟିଏରୁ ଅଧିକ ଆକାଉଣ୍ଟ୍ ହୋଇଯାଇଛି । ତେବେ ଏପରି ପରିସ୍ଥିତିରେ ଲୋକମାନେ ଦ୍ବନ୍ଦରେ ରୁହନ୍ତି ଯେ ଗୋଟିଏରୁ ଅଧିକ ଆକାଉଣ୍ଟ ଖୋଲିଲେ ଲାଭ ହୁଏ କି କ୍ଷତି । ଆଜି ଆମେ ଆପଣଙ୍କୁ ଏହି ବିଷୟରେ କହିବାକୁ ଯାଉଛୁ । ସର୍ବପ୍ରଥମେ ଆମେ ଆପଣଙ୍କୁ ଗୋଟିଏରୁ ଅଧିକ ଆକାଉଣ୍ଟ ଖୋଲିବାର ଲାଭ ବିଷୟରେ କହିବୁ ।

ଅଲଗା ଉଦ୍ଦେଶ୍ୟ ପାଇଁ ଅଲଗା ଖାତା :-

ଯଦି ଆପଣ ହୋମ ଲୋନ, ପିଏଫ, ମ୍ୟୁଚୂଆଲ ଫଣ୍ଡ କିମ୍ବା ଫିକ୍ସ୍ ଡିପୋଜିଟ ଭଳି ଅଲଗା ଅଲଗା କାମ ପାଇଁ ଅଲଗା ଅଲଗା ଖାତା ଖୋଲିବାକୁ ଚାହାଁନ୍ତି, ତେବେ ଆପଣ ଏପରି କରିପାରିବେ । ଏପରି କରିବା ଦ୍ବାରା ଆପଣ ସେହି ଖାତାକୁ ସହଜରେ ମେଣ୍ଟେନ କରିପାରିବେ ଏବଂ ସେହି କାର୍ଯ୍ୟକୁ ପୁରା କରିବାରେ କୌଣସି ସମସ୍ୟା ମଧ୍ୟ ଆସିବନାହିଁ ।

ବ୍ୟାଙ୍କଗୁଡ଼ିକର ବିଭିନ୍ନ ଅଫରର ଉଠାଇ ପାରିବେ ଫାଇଦା :-

ବ୍ୟାଙ୍କଗୁଡିକ ନିଜର ଗ୍ରାହକ ବଢ଼ାଇବା ପାଇଁ ସୁଧ ହାର, ଡେବିଟ୍ କାର୍ଡ, ବୀମା, ବ୍ୟାଙ୍କ ଲକର, ଲୋନ ସହିତ ବିଭିନ୍ନ ଜିନିଷ ଉପରେ ଆକର୍ଷଣୀୟ ଅଫର ଜାରି ରଖନ୍ତି । ବିଭିନ୍ନ ବ୍ୟାଙ୍କରେ ଆକାଉଣ୍ଟ ଖୋଲି ଆପଣ ଏହି ସୁବିଧା ପାଇପାରିବେ । ଗୋଟିଏରୁ ଅଧିକ ବ୍ୟାଙ୍କରେ ଏକାଧିକ ବ୍ୟାଙ୍କ ଆକାଉଣ୍ଟ ରହିବା ଦ୍ଵାରା ଟ୍ରେନ୍-ଫ୍ଲାଇଟ୍ ସମେତ ବିଭିନ୍ନ ସ୍ଥାନ ପାଇଁ ଟିକେଟ୍ ବୁକ୍ କରିବା ମଧ୍ୟ ସହଜ ହୋଇଥାଏ ।

ଟଙ୍କା ଉପରେ ମିଳିଥାଏ ଅଧିକ ବୀମା କଭର :-

ରିଜର୍ଭ ବ୍ୟାଙ୍କର ଗାଇଡଲାଇନ ଅନୁଯାୟୀ, ବ୍ୟାଙ୍କରେ ଜମା ହୋଇଥିବା ରାଶି ଉପରେ ବୀମା ମାତ୍ର 5 ଲକ୍ଷ ଟଙ୍କା ପର୍ଯ୍ୟନ୍ତ ଉପଲବ୍ଧ । ଅର୍ଥାତ୍ ଯଦି କୌଣସି କାରଣରୁ ବ୍ୟାଙ୍କ ଗରିବ ହୋଇଯାଏ, ତେବେ ଆପଣ ସର୍ବାଧିକ 5 ଲକ୍ଷ ଟଙ୍କା ପର୍ଯ୍ୟନ୍ତ ଫେରସ୍ତ ପାଇପାରିବେ । ଯଦିଓ ଆପଣଙ୍କ ଆକାଉଣ୍ଟରେ ଏହାଠାରୁ ଅଧିକ ଟଙ୍କା ଅଛି । ଏପରି ପରିସ୍ଥିତିରେ, ଯଦି ଆପଣ ବୀମା ସହିତ ଆପଣଙ୍କର ଟଙ୍କା ସୁରକ୍ଷିତ କରିବାକୁ ଚାହାଁନ୍ତି, ତେବେ ଗୋଟିଏରୁ ଅଧିକ ବ୍ୟାଙ୍କରେ ଏକାଧିକ ବ୍ୟାଙ୍କ ଆକାଉଣ୍ଟ ଖୋଲିବା ଏକ ସୁରକ୍ଷିତ ବିକଳ୍ପ ଅଟେ ।

ମିଳିଥାଏ ଅନେକ ବ୍ୟାଙ୍କର ଡେବିଟ୍ କାର୍ଡ :-

ଏକାଧିକ ବ୍ୟାଙ୍କ ଆକାଉଣ୍ଟ ରଖିବାର ବଡ ସୁବିଧା ହେଉଛି ଯେ ଆପଣ ବିଭିନ୍ନ ବ୍ୟାଙ୍କର ଡେବିଟ୍ କାର୍ଡ ପାଇପାରିବେ, ଯାହା ଦ୍ଵାରା ଆପଣ ଯେତେବେଳେ କୌଣସି କାରବାର ଚାର୍ଜ ନ ଦେଇ ଆପଣ ନିକଟତମ ଏଟିଏମରୁ ଟଙ୍କା ଉଠାଇ ପାରିବେ ।

ଗୋଟିଏରୁ ଅଧିକ ବ୍ୟାଙ୍କରେ ଆକାଉଣ୍ଟ ଖୋଲିବାରେ ଯେତେ ଲାଭ ଅଛି ସେତେ କ୍ଷତି ମଧ୍ୟ ରହିଛି । ତେଣୁ ଆପଣ ସେହି କ୍ଷତି ଗୁଡ଼ିକ ବିଷୟରେ ମଧ୍ୟ ଜାଣିବା ଆବଶ୍ୟକ ।

ଫ୍ରଡ କେସର ହୋଇପାରନ୍ତି ଶିକାର :-

ଗୋଟିଏରୁ ଅଧିକ ବ୍ୟାଙ୍କରେ ଆକାଉଣ୍ଟ ଖୋଲିବାର ସବୁଠାରୁ ବଡ କ୍ଷତି ହେଉଛି ଆମେ ସେଗୁଡିକୁ ଠିକ୍ ଭାବେ ମେଣ୍ଟେନ କରିପାରନ୍ତି ନାହିଁ ଏବଂ ସେଥିପାଇଁ କିଛି ଆକାଉଣ୍ଟ ଚାଲେ ନାହିଁ ଅର୍ଥାତ ନିଷ୍କ୍ରିୟ ହୋଇଯାଏ । ଏପରି ପରିସ୍ଥିତିରେ ଖାତାଧାରୀଙ୍କ ପ୍ୟାନ କାର୍ଡ ଏବଂ ଆଧାର କାର୍ଡ ଚୋରି କରି ଫ୍ରଡ କେସ ହେବାର ଆଶଙ୍କା ଆହୁରି ବଢ଼ିଯାଏ ।

ଆଇଟି ରିଟର୍ନ ଦାଖଲ କରିବାରେ ହୋଇଥାଏ ଅସୁବିଧା :-

ଯଦି କୌଣସି ବ୍ୟକ୍ତି ଏକରୁ ଅଧିକ ବ୍ୟାଙ୍କରେ ଏକାଧିକ ବ୍ୟାଙ୍କ ଆକାଉଣ୍ଟ ରଖନ୍ତି, ତେବେ ତାଙ୍କୁ ସେହି ସମସ୍ତ ଆକାଉଣ୍ଟ ଏବଂ ଆଇଟି ରିଟର୍ଣ୍ଣ ଦାଖଲ କରିବା ସମୟରେ ରେକର୍ଡ ହୋଇଥିବା ପରିମାଣ ବିଷୟରେ ସୂଚନା ଦେବାକୁ ପଡିବ । ଏହି କାମଟି ବହୁତ କଷ୍ଟଦାୟକ ଅଟେ । ପ୍ରତ୍ୟେକ ବ୍ୟାଙ୍କ ଖାତାର ଅପଡେଟ ମନେ ରଖିବା ଗୋଟିଏ କଷ୍ଟକର କାର୍ଯ୍ୟ ହୋଇଥାଏ । ଏଭଳି ପରିସ୍ଥିତିରେ, ଆଇଟି ରିଟର୍ଣ୍ଣରେ ଭୁଲ ଏବଂ ତ୍ରୁଟିର ସମ୍ଭାବନା ରହିଥାଏ, ଯାହା ପରବର୍ତ୍ତୀ ସମୟରେ କ୍ଷତି ସାମ୍ନା କରିବାକୁ ପଡ଼ିଥାଏ ।

ଅଧିକ ଚାର୍ଜ ଦେବାକୁ ପଡିବ :-

ଯେକୌଣସି ବ୍ୟାଙ୍କରେ ଆକାଉଣ୍ଟ ଖୋଲିବାବେଳେ ସର୍ବନିମ୍ନ ବାଲାନ୍ସ ରକ୍ଷଣାବେକ୍ଷଣ କରିବାକୁ ପଡିବ । ଏହା ସହିତ, SMS ଚାର୍ଜ, ଏଟିଏମ୍ ଚାର୍ଜ, ଚେକ୍ ବୁକ୍ ଫି ସହିତ ଅନେକ ବାର୍ଷିକ ଚାର୍ଜ ମଧ୍ୟ ଦେବାକୁ ପଡିବ । ଏପରି ପରିସ୍ଥିତିରେ, ଯଦି ଆପଣ ଏକରୁ ଅଧିକ ବ୍ୟାଙ୍କରେ ଆକାଉଣ୍ଟ ଖୋଲନ୍ତି, ତେବେ ଆପଣଙ୍କର ଖର୍ଚ୍ଚ ପ୍ରତିବର୍ଷ ବଢ଼ିଥାଏ, ଯାହା ଆପଣଙ୍କ ବଜେଟକୁ ପ୍ରଭାବିତ କରିଥାଏ ।