ଏମିତି କଣ ଅଛି ଏହି ପ୍ଲାଷ୍ଟିକ ବାଲଟିରେ,ଯାହାକି 26,000 ଟଙ୍କାରେ ବିକ୍ରି ହେଉଛି,ଲୋକମାନେ ମଧ୍ୟ EMI ରେ କିଣୁଛନ୍ତି
Get real time updates directly on you device, subscribe now.
Amazon Online Shopping Sell For bucket: ଅନଲାଇନ୍ ସପିଙ୍ଗ କାରଣରୁ ବର୍ତ୍ତମାନ ଲୋକମାନେ କୌଣସି ସ୍ଥାନରୁ କିମ୍ବା ଯେକୌଣସି ସମୟରେ ଗିଫ୍ଟ କିମ୍ବା ଜିନିଷ କିଣି ପାରିବେ ଏବଂ ପଠାଇ ପାରିବେ । ଏହି ସୁବିଧା ଦ୍ଵାରା ଲୋକଙ୍କ ଜୀବନ ଟିକେ ସହଜ ହୋଇଯାଇଛି ।
ତେବେ ଅନଲାଇନ୍ ୱେବସାଇଟରୁ କିଣାକିଣି କରିବା ବର୍ତ୍ତମାନ ଲୋକଙ୍କ ପାଇଁ ଅଭ୍ୟାସ ପାଲଟି ଯାଉଛି । ଶସ୍ତା ଜିନିଷକୁ ଲୋକମାନେ ଅଧିକ ଦାମରେ ମଧ୍ୟ କିଣିବାକୁ ପ୍ରସ୍ତୁତ ଅଛନ୍ତି । ଏହି କାରଣରୁ ଅନଲାଇନ୍ ସପିଙ୍ଗ କଂପାନୀମାନେ ଲୋକଙ୍କ ଠାରୁ ପଇସା ଆଦାୟ କରିବାପାଇଁ ଅନେକ ଅଜବ ଜିନିଷ କରନ୍ତି ।
Amazon ରେ ବାଲ୍ଟିର ମୂଲ୍ୟ ହଜାର ହଜାର :-
ଇ କମର୍ସ ସହିତ ସବୁଠାରୁ ସାଧାରଣ ସମସ୍ୟା ଏହା ଯେ ମନପସନ୍ଦର ଜିନିଷର ଡିମାଣ୍ଡ ଅଧିକ ହେଲେ ଷ୍ଟକ୍ ଶେଷ ହୋଇଯାଏ ଏବଂ ତାପରେ ଲୋକଙ୍କୁ ଅପେକ୍ଷା କରିବାକୁ ପଡେ । ଅନେକଥର ଡିମାଣ୍ଡ ଅଧିକ ହେବାରୁ ମୂଲ୍ୟ ମଧ୍ୟ ବଢାଇ ଦିଆଯାଏ । ଅନଲାଇନ୍ ସପିଙ୍ଗରେ ଦାମ୍ ବଢିବା – କମିବା ତ ସାଧାରଣ କଥା, କିନ୍ତୁ ବେଳେବେଳେ ମୂଲ୍ୟ ଏତେ ଅଧିକ ବଢିଯାଏ ଯେ ଲୋକମାନେ ଅନୁମାନ ମଧ୍ୟ କରିପାରିବେ ନାହିଁ ।
Just found this on Amazon and I don't know what to do pic.twitter.com/hvxTqGYzC4
— Vivek Raju (@vivekraju93) May 23, 2022
ଏମିତି କିଛି ନିକଟରେ Amazon India ରେ ହୋଇଛି । ଯେଉଁଠାରେ ନେଟିଜନ୍ସ ବର୍ତ୍ତମାନ୍ ମହଙ୍ଗା ପ୍ରଡକ୍ଟ କୁ ଅନଲାଇନ୍ ଦେଖିବାରେ ଅଭ୍ୟସ୍ତ ହୋଇଥିବା ବେଳେ ଅନ୍ୟ ଲୋକଙ୍କ ପାଇଁ ଗୋଟିଏ ଝଟକା ଏହା ଥିଲା ଯେ ଆମାଜନରେ 25,900 ଟଙ୍କାରେ ଗୋଟିଏ ବାଲ୍ଟି ବିକ୍ରି କରାଯାଉଛି ।
EMI ରେ ମଧ୍ୟ ମିଳୁଥିଲା ବାଲ୍ଟି :-
ଲିଷ୍ଟିଙ୍ଗର ଗୋଟିଏ ସ୍କ୍ରିନସଟରେ ଲାଲ୍ ବାଲ୍ଟି 25,999 ଟଙ୍କାରେ ବିକ୍ରି ହେଉଛି । ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହି ବାଲ୍ଟିର ପ୍ରକୃତ ମୂଲ୍ୟ 35,900 ଟଙ୍କା ଥିଲା, ଯାହା 28 ପର୍ଶେଣ୍ଟ ଡିସକାଉଣ୍ଟ ସହିତ ବିକ୍ରି ହେଉଛି । ଏହା ବ୍ୟତୀତ ଏହି ବାଲ୍ଟି କିଣିବା ପାଇଁ ଲୋକଙ୍କୁ EMI ର ଅପ୍ସନ୍ ମଧ୍ୟ ଦିଆଯାଉଛି । ବାଲଟିର ସ୍କ୍ରିନସଟ୍ ଟ୍ୱିଟରରେ ସେୟାର ହେବା ପରେ କିଛି ନେଟିଜନ୍ସ ସୂଚନା ଦେଇଛନ୍ତି ଯେ ଲିଷ୍ଟିଙ୍ଗରେ ଗୋଟିଏ ଟେକନିକ ଗଡ଼ବଡ ଯୋଗୁଁ ଏହା ଘଟିଛି । ଅନ୍ୟମାନେ ଥଟ୍ଟା କରି କହିଥିଲେ ଯେ ସେମାନେ ଖୁସି ଯେ ବାଲ୍ଟି ମଧ୍ୟ EMI ରେ ମିଳୁଛି
ଏହା ପୂର୍ବରୁ ମଧ୍ୟ ହୋଇଛି ଏପରି ଘଟଣା :-
କିଛି ନେଟିଜନ୍ସ କହିଛନ୍ତି ଯେ ପ୍ରଡକ୍ଟଟି ବର୍ତ୍ତମାନ ଷ୍ଟକ ବାହାରେ ଥିଲା । ପ୍ରଡକ୍ଟର ମୂଲ୍ୟ ବର୍ତ୍ତମାନ ପେଜରୁ ହଟାଇ ଦିଆଯାଇଛି, କିନ୍ତୁ ନେଟିଜନ୍ସ ଟ୍ୱିଟରରେ ଏହା ପାଇଁ ‘ରିଭ୍ୟୁ’ ଛାଡିଛନ୍ତି । କିଛି ଦିନ ପୂର୍ବେ ବିଳାସପୂର୍ଣ୍ଣ ଫ୍ୟାଶନ୍ ଲେବଲ୍ Gucci ଏବଂ ସ୍ପୋର୍ଟସ୍ ପୋଷାକର ବଡ କମ୍ପାନୀ Adidas ଆଲୋଚନା ଭିତରକୁ ଆସିଯାଇଥିଲା ।
ଯେଉଁଥିରେ ସେମାନେ ‘ସନ୍ ଆମ୍ବ୍ରେଲା’ ନାମରେ କିଛି ଡିଜାଇନ୍ ବିକ୍ରି କରିବା ଆରମ୍ଭ କରିଥିଲେ । ଦୁଇ କମ୍ପାନୀକୁ ଜବରଦସ୍ତ ଟ୍ରୋଲ କରାଯାଇଥିଲା । କାରଣ ଛତା ୱାଟରପ୍ରୁଫ ନ ଥିଲା ଏବଂ ଗୋଟିଏ ୟୁନିଟର ମୂଲ୍ୟ 11,100 ୟୁଆନ୍ (1.27 ଲକ୍ଷ) ବୋଲି କୁହାଯାଉଥିଲା ।
