30 ଥର ବିବାହ କରି ସାରିଥିଲା କନ୍ୟା, 31 ଥର ବିବାହ ବେଳକୁ ବର ହୋଇ ପହଞ୍ଚିଲା ପୋଲିସ କନେଷ୍ଟବଳ, ଜାଣନ୍ତୁ ତାପରେ କଣ ହେଲା

ରାଜସ୍ଥାନର ଡୁଙ୍ଗରପୁରରୁ ଏମିତି ଗୋଟିଏ ମାମଲା ସାମ୍ନାକୁ ଆସିଛି, ଯେଉଁଠାରେ ଜଣେ ଯୁବତୀ ଆତଙ୍କ ସୃଷ୍ଟି କରି ରଖିଥିଲେ । ସେ ପ୍ରଥମେ ଯୁବକଙ୍କ ସହିତ ବିବାହ କରୁଥିଲା ଏବଂ ସେମାନଙ୍କୁ ଲୁଟି ଫେରାର ହୋଇଯାଉଥିଲା । ପୋଲିସକୁ ତାକୁ ନେଇ ଅନେକଥର ଅଭିଯୋଗ ମିଳିଥିଲା । ଏପରି ପରିସ୍ଥିତିରେ ପୋଲିସ ତାକୁ ଧରିବାପାଇଁ ଯୋଜନା ପ୍ରସ୍ତୁତ କଲା । ଏଥର ତାର ବର ହୋଇ ପୋଲିସବାଲା ପହଞ୍ଚିଲା । ଜାଣନ୍ତୁ ତାପରେ କଣ ହେଲା ।

ଡୁଙ୍ଗରପୁରରେ ସୃଷ୍ଟି କରିଥିଲା ଲୁଟ କରିବାର ଆତଙ୍କ :-

ରାଜସ୍ଥାନର ଡୁଙ୍ଗରପୁର ଜିଲ୍ଲାରେ ଆଦିବାସୀ ମାନେ ରୁହନ୍ତି । ଏଠାରେ ଜଣେ ଯୁବତୀ ଆତଙ୍କ ସୃଷ୍ଟି କରିଥିଲା । ସେ 30ଜଣ ଲୋକଙ୍କୁ ବିବାହ କରି ସାରିଥିଲା । ଆଶ୍ଚର୍ଯ୍ୟର କଥା ଏହା ଯେ ସେ ସବୁଥର ଗୋଟିଏ କାମ ହିଁ କରୁଥିଲା । ପ୍ରଥମେ ବିବାହ କରୁଥିଲା, ତାପରେ ଶାଶୂଘରୁ ଲକ୍ଷ ଲକ୍ଷ ଟଙ୍କା ନେଇ ଫେରାର ହୋଇଯାଉଥିଲା । ଅନେକଥର ପୀଡ଼ିତ ବ୍ୟକ୍ତି ଚୁପ ରହିଲେ, ଯେଉଁ କାରଣରୁ ସେ ଆହୁରି ନିର୍ଭୟ ହୋଇଗଲା ।

ତେବେ ଯୋଧପୁର ନିବାସୀ ପ୍ରକାଶଚନ୍ଦ୍ର ଭଟ୍ଟ କିଛି ଅଲଗା ବାହାରିଲେ । ସେ ଡିସେମ୍ବର 12 ତାରିଖ 2021 ରେ ଲୁଟେରି କନ୍ୟା ବିରୋଧରେ ପୋଲିସ ପାଖରେ ଅଭିଯୋଗ କରିଥିଲେ । ସେ କହିଛନ୍ତି ଯେ ସେ ରିନା ଠାକୁର ନାମକ ଜଣେ ଯୁବତୀଙ୍କୁ ବିବାହ କରିଥିଲେ । ସେ ନିଜକୁ ମଧ୍ୟପ୍ରଦେଶର ଜବଲପୁର ସହରର ବାସିନ୍ଦା ବୋଲି କହିଥିଲା ।

ବାପଘରେ ସ୍ୱାମୀଙ୍କୁ ମାରପିଟ କରାଇଲା ଏବଂ ହୋଇଗଲା ଫେରାର :-

ପ୍ରକାଶ କହିଛନ୍ତି ଯେ ତାଙ୍କ ବିବାହ ପାଇଁ ପରେଶ ଜୈନ ନାମକ ଜଣେ ଏଜେଣ୍ଟ ତାଙ୍କଠାରୁ 5 ଲକ୍ଷ ଟଙ୍କା ଡିମାଣ୍ଡ କରିଥିଲେ । ସେ ଟଙ୍କା ମଧ୍ୟ ଦେଇଥିଲେ । ଏହା ପରେ ସେ ରିନାଙ୍କୁ ବିବାହ କରିଥିଲେ । ବିବାହର ସାତ ଦିନ ପରେ ସେ ନିଜ ବାପଘରକୁ ଯିବାକୁ ଜିଦ ଧରିଥିଲେ । ଏହା ପରେ ପ୍ରକାଶ ତାଙ୍କୁ ନେଇ ଜବଲପୁରକୁ ଚାଲିଗଲେ ।

ଏଠାରେ ସେ ନିଜର ପ୍ରକୃତ ରଙ୍ଗ ଦେଖାଇବା ଆରମ୍ଭ କରିଦେଲା । ପ୍ରକାଶ ଯେତେବେଳେ ତାକୁ ନେଇ ଘରକୁ ଆଣୁଥିଲେ, ସେତେବେଳେ ରାସ୍ତାରେ ସେ ବହୁତ୍ ଲୋକଙ୍କୁ ଡକାଇ ଦେଲା । ସ୍ବାମୀଙ୍କୁ ସେମାନଙ୍କ ଦ୍ୱାରା ମାରପିଟ କରାଇଲା ଏବଂ ପରେଶ୍ ସହିତ ଫେରାର ହୋଇଗଲା । ପରେ ଯେତେବେଳେ ସେ ପରେଶ୍ ଏବଂ ରିନାଙ୍କୁ ଫୋନ୍ କଲେ, ସେତେବେଳେ ଉଭୟ ହିଁ ନିଜ ନମ୍ବରକୁ ବଦଳାଇ ଦେଇଥିଲେ । ଏହାସହିତ ତାଙ୍କର 5 ଲକ୍ଷ ଟଙ୍କା ମଧ୍ୟ ନେଇଗଲେ ।

ପୋଲିସ ଏହିପରି କଲା ଗିରଫ :-

ମାମଲାକୁ ଯାଞ୍ଚ କରିବାପାଇଁ ପୋଲିସ ଯେତେବେଳେ ତା ସହରରେ ପହଞ୍ଚିଲା, ସେତେବେଳେ ଜଣାପଡ଼ିଲା ଯେ ସେ ପୂଜା ବର୍ମନଙ୍କ ସହିତ ମିଶି କାମ କରନ୍ତି । ତାର ପ୍ରକୃତ ନାମ ସୀତା ଚୌଧୁରୀ ଅଟେ । ପୂଜା ଲୁଟେରି କନ୍ୟାଙ୍କ ଗ୍ୟାଙ୍ଗ ଚଳାଇ ଥାଆନ୍ତି । ପୋଲିସ କନେଷ୍ଟବଳକୁ ବର କହି ଫଟୋ ଦେଖାଇବାକୁ କହିଲା । ପୂଜା ବିବାହ ପାଇଁ 5 ହଜାର ଟଙ୍କା ମାଗିଲେ ଏବଂ ବର ହୋଇଥିବା କନେଷ୍ଟବଳ ତାଙ୍କୁ ପଇସା ଦେଇଦେଲେ ।

ଏହାପରେ ପୂଜା ତାଙ୍କୁ ଫଟୋ ଦେଖାଇଲା ଏବଂ ରିନାଙ୍କ ଫଟୋ ଦେଖିବା ମାତ୍ରେ ହିଁ କନେଷ୍ଟବଳ ଚିହ୍ନିଦେଲା । ସେ କହିଲେ ଯେ ମୋର ଏ ଝିଅ ପସନ୍ଦ ହୋଇଛି । ଏହାପରେ ରିନାଙ୍କୁ ଦେଖା କରିବା ବାହାନାରେ ଡକାଇଲେ । ସେ ଆସିବା ମାତ୍ରେ ହିଁ ପୋଲିସ ତାକୁ ଧରିନେଲା । ପଚରାଉଚରା ରେ ସେ ସ୍ବୀକାର କଲା ଯେ ସେ 30 ଜଣ ଲୋକଙ୍କୁ ବିବାହ କରି ଲୁଟି ସାରିଛନ୍ତି । ବର୍ତ୍ତମାନ ପୋଲିସ ତାକୁ ଜେଲ ପଠାଇ ଦେଇଛି ।