ବିବାହ ପୂର୍ବରୁ ଭାବି ସ୍ବାମୀଙ୍କୁ ଗିରଫ କରି ଜେଲ ରେ ପୁରାଇ ଦେଲେ ମହିଳା ପୁଲିସ୍ ଜଣକ । ତେବେ କେଉଁ କାରଣରୁ ଏପରି କଲେ ଚାଲନ୍ତୁ ଜାଣିବା ସମ୍ପୂର୍ଣ ଖବର
Get real time updates directly on you device, subscribe now.
ବିବାହ ସ୍ଥିର ହୋଇଯିବା ପରେ ଝିଅମାନେ ନିଜ ନିଜର ଭାବି ସ୍ବାମୀଙ୍କୁ ନେଇ ସ୍ବପ୍ନ ଦେଖିବା ଆରମ୍ଭ କରିଦିଅନ୍ତି । ବିବାହକୁ ନେଇ ନାନା ପ୍ରସ୍ତୁତି ଆରମ୍ଭ କରନ୍ତି । ମନେ ମନେ ଭାବି ଖୁସି ହୋଇଯାନ୍ତି । ମାତ୍ର ଗୌହାଟୀରେ ଦେଖିବାକୁ ମିଳିଛି ଏକ ନିଆରା ଘଟଣା । ଯେଉଁଠାରେ ଜଣେ ମହିଳା ପୁଲିସ୍ ବିବାହ ସ୍ଥିର ହୋଇସାରିବା ପରେ ନିଜ ଭାବି ସ୍ବାମୀଙ୍କୁ ଗିରଫ କରିଛନ୍ତି ।
ତେବେ ହଁ ଆଜ୍ଞା ବନ୍ଧୁଗଣ ଶୀର୍ଷକ ପଢ଼ି କଥାଟି ବିଶ୍ୱାସ ଯୋଗ୍ୟ ହେଉ ନଥିଲା ମଧ୍ୟ ଖବରଟି ସମ୍ପୂର୍ଣ ଭାବରେ ସତ । ଯୁବକ ଜଣକ ମିଛ ତଥ୍ୟ ଦର୍ଶାଇ ମହିଳାଙ୍କୁ ବିବାହ କରିବା ଯୋଜନା କରୁଥିବା ମହିଳା ସବ୍ ଇନ୍ସ୍ପେକ୍ଟର ଜଣକ ଜାଣିବାକୁ ପାଇବା ପରେ ତାଙ୍କୁ ଗିରଫ କରିଛନ୍ତି । ବୁଧବାର ସଂଧ୍ୟାରେ ଅଭିଯୁକ୍ତଙ୍କୁ କୋର୍ଟ ଫରୱାର୍ଡ କରାଯାଇଥିଲା । ଅଦାଲତ ତାପରେ ତାଙ୍କୁ ପୁଲିସ୍ ହିରାସତରେ ପଠାଇଥିବା ଜାଣିବାକୁ ମିଳିଛି । ତେବେ ସାମ୍ନାକୁ ଆସିଥିବା ଏହି ଘଟଣା ଆସାମର ନଗାଓଁ ଜିଲ୍ଲାର ବୋଲି ଜଣା ପଡିଛି ।
ଅଭିଯୁକ୍ତ କେବଳ ମିଥ୍ୟା କହି ବିବାହ କରିବାର ଯୋଜନା କରିନଥିଲେ, ବରଂ ଲକ୍ଷ ଲକ୍ଷ ଟଙ୍କା ଠକି କରି ନେଇଥିବା ଅଭିଯୋଗ ଭିତ୍ତିରେ ମହିଳା ସବ୍ ଇନ୍ସ୍ପେକ୍ଟର ତାଙ୍କୁ ଗିରଫ କରିଛନ୍ତି । ମିଳିଥିବା ସୂଚନା ଅନୁସାରେ ମହିଳା ଓ ତାଙ୍କ ମଙ୍ଗେତର୍ ପ୍ରଥମେ ୨୦୨୧ ମସିହା ଜାନୁଆରି ମାସରେ ପରସ୍ପରଙ୍କୁ ଭେଟିଥିଲେ । ମହିଳାଙ୍କ କହିବାମୁତାବକ ତାଙ୍କୁର ମାଜୁଲିରେ ପୋଷ୍ଟିଂ ସମୟରେ ସେ ଉକ୍ତ ଯୁବକଙ୍କ ସହ ପରିଚିତ ହୋଇଥିଲେ । ଯୁବକ ଜଣକ ତାଙ୍କୁ ଓ-ଏନ୍-ଜି-ସିର ଜନ ସଂପର୍କ ଅଧିକାରୀ ବୋଲି କହିଥିଲେ ।
ଦେଖାସାକ୍ଷାତର କିଛି ଦିନ ପରେ ଯୁବକ ଜଣକ ମହିଳାଙ୍କୁ ବିବାହ ପ୍ରସ୍ତାବ ଦେଲେ । ମହିଳା ମଧ୍ୟ ତାଙ୍କ ପ୍ରସ୍ତାବକୁ ସ୍ବୀକାର କରି ନେଇଥିଲେ । ତା’ପରେ ଉଭୟଙ୍କ ପରିବାର ଲୋକ ମିଳି ମିଶି ସେମାନଙ୍କ ବିବାହ ସ୍ଥିର କରିଦେଲେ । ୨୦୨୨ ନଭେମ୍ବର ମାସରେ ସେମାନଙ୍କ ବିବାହ ହେବାକୁ ଥିଲା । ମାତ୍ର ତା’ ପୂର୍ବରୁ ହିଁ ମହିଳା ଯୁବକଙ୍କ ବିଷୟରେ ସତ ଜାଣିଗଲେ । ଯାହାକି ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିବା ସହିତ ପୁରା ଦେଶରେ ଘଟଣାଟି ଭାଇରାଲ ହେବାରେ ଲାଗିଛି ।
