E-SHRAM CARD: ଇ- ଶ୍ରମ କାର୍ଡ ଥିଲେ ପାଇବେ ବଡ ବଡ ଫାଇଦା, ଜାଣନ୍ତୁ ଏ ବିଷୟରେ ସଂପୂର୍ଣ୍ଣ ସୂଚନା
Get real time updates directly on you device, subscribe now.
ଯଦି ଆପଣ ଇ-ଶ୍ରମ କାର୍ଡ ସହିତ ଜଡିତ ଅଛନ୍ତି, ତେବେ ଏହି ଖବର ଆପଣଙ୍କ ପାଇଁ କୌଣସି ବରଦାନ ଠାରୁ କମ୍ ନୁହେଁ । ଏହି ଯୋଜନା ସହିତ ପଞ୍ଜୀକୃତ ଲୋକଙ୍କୁ 500 ଟଙ୍କା ବ୍ୟତୀତ ଅନେକ ବଡ ବଡ ଫାଇଦା ମିଳୁଛି । ଯଦି ଆପଣଙ୍କ ପାଖରେ ଇ-ଶ୍ରମ କାର୍ଡ ଅଛି, ତେବେ ଆପଣଙ୍କୁ ପିଏମ ସୁରକ୍ଷା ବୀମା ଯୋଜନା ଅଧୀନରେ 2 ଲକ୍ଷ ଟଙ୍କା ପର୍ଯ୍ୟନ୍ତ ବୀମା କଭର ମିଳିଥାଏ ।
ଯଦି କୌଣସି ଦୁର୍ଘଟଣାରେ ଶ୍ରମିକଙ୍କ ମୃତ୍ୟୁ ହୋଇଯାଏ, ତେବେ ତାଙ୍କ ପରିବାରକୁ 2 ଲକ୍ଷ ଟଙ୍କା ମିଳିଥାଏ । ସେହିପରି ଯଦି ବ୍ୟକ୍ତିଜଣକ ଦୁର୍ଘଟଣାରେ ବିକଳାଙ୍ଗ ହୋଇଯାନ୍ତି, ତେବେ 1 ଲକ୍ଷ ଟଙ୍କାର ରାଶି ମିଳିଥାଏ ।
ଘର ନିର୍ମାଣ ଉପରେ ମିଳୁଛି ଲାଭ :-
ସମସ୍ତେ ଚାହିଁଥାନ୍ତି ଯେ ତାର ମଧ୍ୟ ନିଜର ଗୋଟିଏ ଘର ହେଉ । ଯଦି ଆପଣଙ୍କ ପାଖରେ ଇ-ଶ୍ରମ କାର୍ଡ ଅଛି, ତେବେ ଆପଣଙ୍କୁ ଏହି ଯୋଜନା ଅଧୀନରେ ଘର ନିର୍ମାଣରେ ସହାୟତା ଭାବରେ ଧନରାଶି ମଧ୍ୟ ପ୍ରଦାନ କରାଯିବ । ସେହିପରି କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ଯୋଜନାର ସିଧା ଲାଭ ମଧ୍ୟ ଇ- ଶ୍ରମ କାର୍ଡଧାରୀ ମାନଙ୍କୁ ମିଳିବ ।
ଶ୍ରମ ବିଭାଗର ସମସ୍ତ ଯୋଜନା ଯେପରି – ମାଗଣା ସାଇକେଲ, ମାଗଣା ସିଲେଇ ମେସିନ, ପିଲାମାନଙ୍କୁ ଛାତ୍ରବୃତ୍ତି, ଆପଣଙ୍କ କାମ ପାଇଁ ମାଗଣା ଉପକରଣ ଇତ୍ୟାଦିର ଲାଭ ମଧ୍ୟ ମିଳିଥାଏ । ଆଉ ଗୋଟେ ପକ୍ଷରେ ଭବିଷ୍ୟତରେ ରାସନ୍ କାର୍ଡକୁ ଏହା ସହିତ ଯୋଡ଼ା ଯିବ, ଯାହା ଦ୍ଵାରା ଦେଶରେ ଯେକୌଣସି ରାସନ୍ ଦୋକାନରୁ ଆପଣଙ୍କୁ ରାସନ୍ ମିଳିପାରିବ । ଏହାବ୍ୟତୀତ ଲୋକମାନଙ୍କୁ ପ୍ରତି ମାସରେ ତାଙ୍କ ବ୍ୟାଙ୍କ୍ ଖାତାକୁ 500 ଟଙ୍କାରୁ 1000 ଟଙ୍କା ପର୍ଯ୍ୟନ୍ତ ସରକାରଙ୍କ ଦ୍ଵାରା ପଠାଯାଉଛି ।
