ମିଶ୍ରିତ କ୍ଷୀର ବିକ୍ରି କରୁଥିବା ଲୋକଙ୍କୁ ଆଜୀବନ କାରାଦଣ୍ଡ, ଏହା ସହିତ 20 ହଜାର ଟଙ୍କାର ଜୋରିମାନା,ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ଉତ୍ତରପ୍ରଦେଶର ମହାରାଜଗଞ୍ଜ ଜିଲ୍ଲାର କୋର୍ଟ ମିଶ୍ରିତ କ୍ଷୀର ବିକ୍ରି କରିବାକୁ ନେଇ ବହୁତ୍ କଠୋର ଦଣ୍ଡ ଶୁଣାଇଛି । କୋର୍ଟ ମିଶ୍ରିତ କ୍ଷୀର ବିକ୍ରୀ କରୁଥିବା ଲୋକକୁ ଆଜୀବନ କାରାଦଣ୍ଡରେ ଦଣ୍ଡିତ ଏବଂ 20 ହଜାର ଟଙ୍କାର ଦଣ୍ଡ ଶୁଣାଇଛି । ଆପଣଙ୍କୁ କହିରଖୁଛି ଯେ ଏହି ମାମଲା ଉପରେ କୋର୍ଟରେ ପ୍ରାୟ 23 ବର୍ଷ ଶୁଣାଣି ଚାଲିଲା, ଯାହା ପରେ ନିଷ୍ପତି ଆସିଛି । ଏହି ନିଷ୍ପତ୍ତି ଅପର ସସ୍ତ୍ର ଜଜ୍ ରେଖା ସିଂହଙ୍କ ଅଦାଲତ ଦେଇଛି ।
ମେ 17 ତାରିଖ 1999 ମସିହାର ମାମଲା :-
ସହାୟକ ଶାସକୀୟ ଅଧିବକ୍ତା ସର୍ବେଶ୍ଵର ମଣି ତ୍ରୀପାଠୀ କହିଛନ୍ତି ଯେ ମାମଲା ମେ 17 ତାରିଖ 1999 ମସିହାର ଅଟେ । ଏଠାରେ ଅଫିସର ଗେଟ କଲୋନୀ ପାଖରୁ ତତ୍କାଳୀନ ଖାଦ୍ୟ ନିରୀକ୍ଷକ ଏମଏଲ ଗୁପ୍ତା ତିନିଟି ପାତ୍ରରେ କ୍ଷୀର ନମୁନା ନେଇଥିଲେ । କ୍ଷୀର ମିଶ୍ରିତ ବୋଲି ଜଣାପଡିବା ପରେ ଏହି ମାମଲାରେ ଚୌକ ଥାନା ଅଂଚଳର ଖଯୁରିଆ ବାସିନ୍ଦା ରାମସଜନଙ୍କ ବିରୋଧରେ ମାମଲା ରୁଜ୍ଜୁ ହୋଇଥିଲା ।
4 ଜଣ ଲୋକ ଦେଲେ ସାକ୍ଷୀ :-
ମାମଲା ରୁଜ୍ଜୁ ହେବାପରେ ଅଭିଯୋଗ କୋର୍ଟରେ ପହଞ୍ଚିଲା, ଯେଉଁଠାରେ 23 ବର୍ଷ ଧରି ମାମଲା ବିଚାରଧୀନ ଚାଲିଥିଲା । ଶୁକ୍ରବାର ଦିନ ଶୁଣାଣି ସମୟରେ ସରକାରୀ ଓକିଲ ଦ୍ଵାରା ଚାରିଜଣ ବ୍ୟକ୍ତି ସାକ୍ଷୀ ଦେଲେ । ତାପରେ କୋର୍ଟ ଅଭିଯୁକ୍ତକୁ ଆଜୀବନ କାରାଦଣ୍ଡ ସହିତ 20 ହଜାର ଟଙ୍କାର ଜୋରିମାନା କରିଥିଲା ।
ଆପଣଙ୍କୁ କହିରଖୁଛୁ ଯେ ଦେଶର ସବୁଠାରୁ ବଡ ଅଦାଲତ ସୁପ୍ରିମକୋର୍ଟ ମିଶ୍ରିତ କ୍ଷୀର ତିଆରି କରିବା ଏବଂ ବିକ୍ରି କରୁଥିବା ଲୋକଙ୍କୁ ଆଜୀବନ କାରାଦଣ୍ଡ ଭଳି କଠୋର ଦଣ୍ଡ ଦେବାକୁ ସ୍ଥିର କରିଥିଲା । ଯାହା ପରେ ଅନେକ ରାଜ୍ୟରେ ମିଶ୍ରିତ କ୍ଷୀରକୁ ନେଇ କଠୋର ଆଇନ କରାଯାଇଛି ।
ମିଶ୍ରିତ ଅଟା ବିକ୍ରି କଲେ ମଧ୍ୟ ଆଜୀବନ କାରାଦଣ୍ଡ :-
ଶାହଜହଁପୂରରେ 1997 ମସିହାରେ ବିଷାକ୍ତ ଅଟା ଦ୍ଵାରା ତିଆରି ରୋଟି ଖାଇବା ଦ୍ବାରା 14ଜଣ ଲୋକଙ୍କର ମୃତ୍ୟୁ ହୋଇଯାଇଥିଲା । ଏହି ମାମଲାରେ କୋର୍ଟ 2ଜଣ ଲୋକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କଲା ଏବଂ ଏମାନଙ୍କ ଉପରେ 60-60 ହଜାର ଟଙ୍କାର ଜୋରିମାନା ମଧ୍ୟ କରିଛି ।
