ନାତି ଜିଦ୍ କରିବାରୁ ଜେଜେମା ଖାଇଦେଲେ ଆଉ ଗୋଟିଏ ରୋଟି, କ୍ରୋଧିତ ବୋହୂ ବୃଦ୍ଧ ଶାଶୁକୁ ଖୁବ୍ ପିଟିଲା
Get real time updates directly on you device, subscribe now.
ପରିବାରରେ ଯଦି କଳି ଝଗଡା ରହିଥାଏ, ତେବେ ଦୁଇଟି ରୋଟି ମଧ୍ୟ ଶାନ୍ତିରେ ଖାଇବା କଷ୍ଟକର ହୋଇପଡେ । କିନ୍ତୁ ଏଠାରେ ଶାଶୁ ତୃତୀୟ ରୋଟି ଖାଇଦେଲା, ତାପରେ ଆଉ କଣ ହେବ, ଏହି ପାଟିତୁଣ୍ଡ ଘରେ ମହାଭାରତ ସୃଷ୍ଟି ହୋଇଗଲା । କ୍ରୋଧିତ ବୋହୂ ନିଜର ବୃଦ୍ଧ ଶାଶୁକୁ ପିଟିବା ଆରମ୍ଭ କରିଦେଲା ।
ହରିୟାଣାର ସୋନିପତର ମାମଲା :-
ହରିୟାଣାର ସୋନିପତ ଜିଲ୍ଲାରେ ଜଣେ ବୋହୂ ନିଜର ବୃଦ୍ଧ ଶାଶୁକୁ ପିଟିବାର ମାମଲା ସାମ୍ନାକୁ ଆସିଛି । ଏହି ମାମଲା ଜିଲ୍ଲାର ସାନ୍ଦଳ ଖୁର୍ଦ୍ ଗାଁର ଅଟେ । ଯେଉଁଠାରେ ବୃଦ୍ଧ ଶାଶୁ ଅଭିଯୋଗ କରିଛନ୍ତି ଯେ ତାଙ୍କ ବୋହୂ ତାଙ୍କୁ ପିଟିଛନ୍ତି । ବୃଦ୍ଧ ଶାଶୁ କହିବା ଅନୁଯାୟୀ ନାତି ଆଣିଥିବା ଆଉ ଗୋଟିଏ ରୋଟି ଖାଇବାରୁ ତାଙ୍କୁ ପିଟାଯାଇଛି । ସେହିପରି ବୃଦ୍ଧ ଶାଶୁକୁ ମାଡ ଦିଆଯାଇଥିବାର ଭାଇରାଲ ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ବୋହୂ ନିଜ ଶାଶୁକୁ ପିଟୁଥିବାର ଦେଖାଯାଉଛି ।
ଭାଇରାଲ ଭିଡିଓକୁ ଆଧାର କରି କରାଯାଇଛି କେସ :-
ସେହିପରି ଭିଡିଓ ଭାଇରାଲ ହେବାପରେ ପୋଲିସ ବିଭାଗ ବୃଦ୍ଧ ଶାଶୁଙ୍କ ଅଭିଯୋଗ ଉପରେ କେସ କରିଛନ୍ତି । ପୋଲିସ ବୃଦ୍ଧ ମହିଳାଙ୍କ ଅଭିଯୋଗ ଉପରେ ତାଙ୍କର ବୋହୂ, ବୋହୂର ମା ଏବଂ ବୋହୂର ଭାଇ ବିରୋଧରେ ମାମଲା ରୁଜ୍ଜୁ କରାଯାଇଛି । କିନ୍ତୁ ମାମଲା ରୁଜ୍ଜୁ ହେବାପରେ ମଧ୍ୟ ବର୍ତ୍ତମାନ ସୁଦ୍ଧା ପୋଲିସ ହାତ ଖାଲି ରହିଛି ।
75 ବର୍ଷୀୟ ମହିଳା ଏସଏସପିଙ୍କୁ ଦେଇଥିବା ଅଭିଯୋଗରେ କହିଛନ୍ତି ଯେ ତାଙ୍କ ପୁଅର ବିବାହ ହୋଇସାରିଛି । ତାଙ୍କର ଗୋଟିଏ ତିନି ବର୍ଷର ନାତି ଅଛି । ତାଙ୍କ ବୋହୂ ତାଙ୍କୁ ଦୁଇ ଓଳି ଦୁଇଟି ଲେଖାଏଁ ରୋଟି ଖାଇବାକୁ ଦିଅନ୍ତି । ତାଙ୍କର ତିନି ବର୍ଷୀୟ ନାତି ପାଞ୍ଚ ଦିନ ପୂର୍ବରୁ ତାଙ୍କୁ ଆଉ ଗୋଟିଏ ରୋଟି ଆଣି ଦେଇ ଦେଇଥିଲା । ନାତି ଜିଦ୍ କରିବାରୁ ସେ ସେହି ରୋଟିକୁ ଖାଇଦେଲେ । ତାପର ଠାରୁ ବୋହୂ ତାଙ୍କୁ ବହୁତ୍ ପିଟୁଛନ୍ତି ।
ଦେଖନ୍ତୁ ଭାଇରାଲ ଭିଡିଓ :-
ବୋହୂ ପିଟୁଥିବା କାରଣରୁ ବିଚଳିତ ବୃଦ୍ଧ ଶନିବାର ଦିନ ଅଭିଯୋଗ ନେଇ ଏସଏସପିଙ୍କ ସହିତ ଦେଖା କରିବାକୁ ଗଲେ । ଅଭିଯୋଗ ରହିଛି ଯେ ପୁଅ ବୃଦ୍ଧ ମାଙ୍କୁ ପିଟିବାକୁ ନେଇ ବିରୋଧ କଲା, ତେଣୁ ବୋହୂ ପୁଣି ତାଙ୍କୁ ପିଟିବା ଆରମ୍ଭ କଲା । ତାଙ୍କୁ ବଞ୍ଚାଇବା ଚେଷ୍ଟାରେ ସ୍ବାମୀ ମଧ୍ୟ ତାଙ୍କ ସହିତ ମାରପିଟ କରିଥିଲେ । ବୃଦ୍ଧ ମହିଳା ଏସଏସପିଙ୍କୁ ସୁରକ୍ଷା ପାଇଁ ଗୁହାରୀ କରିଛନ୍ତି । ଏସଏସପି ପୁରା ମାମଲାକୁ ଯାଞ୍ଚ କରିବାପାଇଁ ମହିଳା ଥାନାକୁ ପଠାଇ ଦେଇଛନ୍ତି ।
