ବିବାହକୁ ନେଇ ଚାପ ପକାଉଥିଲା ପ୍ରେମିକା, ହସ୍ପିଟାଲରେ କାମ କରୁଥିବା ପ୍ରେମିକ ଦେଇଦେଲା ମୃତ୍ୟୁର ଇଞ୍ଜେକ୍ସନ,ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ୟୁପିର ଅଲିଗଢ଼ରେ 22 ବର୍ଷୀୟ ଯୁବତୀଙ୍କ ମୃତ୍ୟୁ ମାମଲାରେ ପୋଲିସର ଯାଞ୍ଚରେ ଆଶ୍ଚର୍ଯ୍ୟଜନକ ଖୁଲାସା ହୋଇଛି । ବିବାହ ପାଇଁ ଚାପ ପକାଇବା କାରଣରୁ ପ୍ରେମିକ ପ୍ରେମିକାକୁ ବିଷାକ୍ତ ଇଞ୍ଜେକ୍ସନ ଲଗାଇ ଦେଇଥିଲା, ଯାହାଦ୍ଵାରା ତାଙ୍କର ମୃତ୍ୟୁ ହୋଇଗଲା । ଦୁହିଁଙ୍କର ଗୋଟିଏ ପ୍ରାଇଭେଟ୍ ହସ୍ପିଟାଲରେ ଚାକିରି ସମୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ଅଭିଯୁକ୍ତ ପ୍ରେମିକକୁ ପୋଲିସ ଗିରଫ କରିନେଇଛି । ତାକୁ ପଚରାଉଚରା କରିବାପରେ ପୋଲିସ ଏହି ଘଟଣାର ଖୁଲାସା କରିଛି ।
ସୂଚନା ଅନୁଯାୟୀ, କ୍ଲିନିକରେ ସନ୍ଦେହଜନକ ପରିସ୍ଥିତିରେ ଯୁବତୀଙ୍କ ଶବ ମିଳିଥିଲା । ଏହି ଘଟଣା କ୍ୱାର୍ଶି ଥାନା ଅଞ୍ଚଳର ଜୀବନଗଢ଼ର ଅଟେ । ପୋଲିସ ଅଧିକାରୀ ସିଭିଲ ଲାଇନ୍ସ ସ୍ୱେତାଭ ପାଣ୍ଡେ କହିଛନ୍ତି ଯେ ସୂଚନା ମିଳିଥିଲା ଯେ କ୍ୱାର୍ଶି ଥାନା ଅଞ୍ଚଳର ଜିବନଗଢ଼ କଲୋନୀର ଗଳି ନମ୍ୱର୍ 1 ରେ ଗୋଟିଏ ଘର ଭିତରେ ମହିଳାଙ୍କ ଶବ ପଡ଼ିଛି । ଏହାପରେ ପୋଲିସ ଏବଂ ଫରେନ୍ସିକ ଟିମ୍ ଘଟଣାସ୍ଥଳରେ ପହଞ୍ଚିଲେ । ଫରେନ୍ସିକ୍ ଟିମ୍ ଘଟଣାସ୍ଥଳରୁ ଅନେକ ଜିନିଷ ସଂଗ୍ରହ କରି ଯାଞ୍ଚ କଲେ ।
ପୋଲିସ ଘଟଣାସ୍ଥଳରୁ ଦୁଇଟି ସିରିଞ୍ଜ ଉଦ୍ଧାର କରିଛି :-
ପ୍ରଥମ ଦୃଷ୍ଟିରୁ ଏହା ଜଣାପଡିଥିଲା ଯେ ଘଟଣାସ୍ଥଳରେ ଏକରୁ ଅଧିକ ଲୋକ ଥିଲେ । ପୋଲିସ ଘଟଣାସ୍ଥଳରୁ ଦୁଇଟି ଶିରିଞ୍ଜ ମଧ୍ୟ ଉଦ୍ଧାର କରିଲା । ସେହିପରି ଯୁବତୀଙ୍କ ପରିବାର ଲୋକେ ଯେଉଁ ଅଭିଯୋଗ ଦେଇଛନ୍ତି, ସେଥିରେ ଏହା କୁହାଯାଇଛି ଯେ ମୃତ ଯୁବତୀଙ୍କର ରିଜବାନ ନାମକ ଜଣେ ଯୁବକଙ୍କ ସହିତ ପ୍ରେମ ସମ୍ପର୍କ ଥିଲା ।
ଗୋଟିଏ ପ୍ରାଇଭେଟ୍ ହସ୍ପିଟାଲରେ ଦୁହେଁ କାମ କରୁଥିଲେ । ଯୁବତୀ ସବୁବେଳେ ରିଜବାନଙ୍କୁ ବିବାହ ପାଇଁ ଚାପ ପକାଉଥିଲେ । ସେହିପରି ଅଭିଯୁକ୍ତ ରିଜବାନ ନିଜର ଦୋଷ ସ୍ବୀକାର କରି କହିଛନ୍ତି ଯେ ଓଭରଡୋଜ ଇଞ୍ଜେକ୍ସନରେ କିଛି ମିଶାଇ ଯୁବତୀଙ୍କୁ ଲଗାଇ ଦେଇଥିଲେ । ଏହାପରେ ତାଙ୍କର ମୃତ୍ୟୁ ହୋଇଗଲା । ଯେଉଁଠାରୁ ଶବ ମିଳିଲା, ସେଠାରେ ପୂର୍ବରୁ ଡେଲିଭରି କରାଯାଉଥିଲା ।
