ସ୍ତ୍ରୀକୁ ଏତେ ଭଲପାଇ ବସିଲେ ଯେ ଜିନିଷପତ୍ର ବାନ୍ଧି ୨୦୦୦ KM ଦୂର ସମୁଦ୍ରକୁ ପାର ହେବାକୁ ଲାଗିଲେ,ଆଉ ରାସ୍ତାରେ ହେଲା ଏମିତି କିଛି….

ଜଣେ ବ୍ୟକ୍ତି ନିଜ ସ୍ତ୍ରୀ ସହିତ ଦେଖା କରିବାପାଇଁ ଏତେ ବ୍ୟସ୍ତ ହୋଇପଡିଲେ ଯେ ଉଡାଜାହାଜ ବଦଳରେ ସମୁଦ୍ରର ରାସ୍ତାରେ ଯିବାକୁ ନିଷ୍ପତ୍ତି ନେଇଗଲେ । ଭାରତର ମୁମ୍ବାଇ ସହରରେ ରହୁଥିବା ସ୍ତ୍ରୀ ସହିତ ଦେଖା କରିବାପାଇଁ ବ୍ୟକ୍ତିଜଣକ ଥାଇଲ୍ୟାଣ୍ଡର ଫୁକେଟ ତଟରୁ ବାହାରି ପଡିଲେ । ପ୍ରାୟ ଦୁଇ ସପ୍ତାହ ପର୍ଯ୍ୟନ୍ତ ଯାତ୍ରା କରିବାପରେ ଯେତେବେଳେ ଜଣେ ମତ୍ସ୍ୟଜୀବୀ ତାଙ୍କୁ ଦେଖିଲା, ସେତେବେଳେ ସେ ଥାଇ ନେଭିଙ୍କୁ ଏହାର ସୂଚନା ଦେଲା । ଥାଇ ନେଭି ତୁରନ୍ତ ତାଙ୍କ ପାଖକୁ ଯାଇ ବଂଚାଇଲେ ଏବଂ ତାପରେ ଗିରଫ କରିନେଲେ । ପଚରାଉଚରା କରିବାରୁ ଜଣାପଡ଼ିଲା ଯେ ସେ ନିଜ ସ୍ତ୍ରୀ ସହିତ ଦେଖା କରିବାପାଇଁ ସମୁଦ୍ର ରାସ୍ତାରେ ଯିବାକୁ ଭାବିଲେ । ବ୍ୟକ୍ତିଜଣକ ଦୁଇ ସପ୍ତାହ ମଧ୍ୟରେ କେବଳ 50 ମାଇଲ (80 କିଲୋମିଟର୍) ର ରାସ୍ତା ଅତିକ୍ରମ କରିଥିଲେ ।

ଥାଇଲ୍ୟାଣ୍ଡରୁ କସ୍ତି ନେଇ ବାହାରିଲା ଏହି ବ୍ୟକ୍ତି :-

ମିଡ଼ିଆ ରିପୋର୍ଟ ଅନୁଯାୟୀ, ଥାଇଲ୍ୟାଣ୍ଡରୁ ହୋ ହୋଆଙ୍ଗ ହୁଙ୍ଗ ନାମକ ବ୍ୟକ୍ତି ରବରର କସ୍ତି ଦ୍ଵାରା ମୁମ୍ବାଇ ଯିବାକୁ ବାହାରିଥିଲେ । ହୋଆଙ୍ଗ ଭିଏତନାମର ବାସିନ୍ଦା ଅଟନ୍ତି ଏବଂ ଥାଇ ହଲିଡେ ଥାଇଲ୍ୟାଣ୍ଡରୁ ନିଜ ଯାତ୍ରା ଆରମ୍ଭ କଲେ । ଯେଉଁଠାରୁ ଯାତ୍ରା ଆରମ୍ଭ କଲେ, ସେଠାରୁ ସମୁଦ୍ରର ରାସ୍ତା ମୁମ୍ବାଇର ଦୂରତା ପ୍ରାୟ 2000 କିଲୋମିଟର୍ ଅଟେ । ଏହି ରବରର କସ୍ତିରେ ବିନା ନେଭିଗେଶନ ସିଷ୍ଟମର ଇନ୍ଷ୍ଟାଣ୍ଟ ନୁଡ଼ଲ୍ସ ନେଇ ନିଜ ଯାତ୍ରାରେ ବାହାରି ପଡ଼ିଥିଲେ । ଥାଇଲ୍ୟାଣ୍ଡରୁ ପ୍ରାୟ 80 କିଲୋମିଟର୍ ଦୁର ସିମିଲନ ଦ୍ଵୀପ ସମୂହ ଠାରେ ପହଞ୍ଚିବାରୁ କିଛି ମତ୍ସ୍ୟଜୀବି ଦେଖିନେଲେ । ତାପରେ ଥାଇ ନେଭୀଙ୍କୁ ଏହି ବିଷୟରେ କହିଲେ, ତାପରେ ସେମାନେ ତାଙ୍କୁ ବଞ୍ଚାଇ ଦେଲେ ।

ସ୍ତ୍ରୀ ସହିତ ଦେଖା କରିବାପାଇଁ ବିଚଳିତ ଅଟନ୍ତି ଭିଏତନାମର ନାଗରିକ :-

ଥାଇ ମେରିଟାଇମ୍ ଇନଫୋର୍ସମେଣ୍ଟ କମାଣ୍ଡ ସେଣ୍ଟରର କ୍ୟାପଟେନ ପିଚେଟ ସୋଙ୍ଗଟାନଙ୍କ ଅନୁଯାୟୀ, ହୋଆଙ୍ଗ ହୁଙ୍ଗ କହିଛନ୍ତି ଯେ ମୁମ୍ବାଇରେ ରହୁଥିବା ନିଜ ସ୍ତ୍ରୀ ପାଖକୁ ଯିବାପାଇଁ ସମୁଦ୍ର ରାସ୍ତାକୁ ବାଛିଲେ । କରୋନା କାରଣରୁ ସେ ନିଜ ସ୍ତ୍ରୀ ଠାରୁ ଦୁଇ ବର୍ଷ ଧରି ଦୂରରେ ଅଛନ୍ତି । ତାଙ୍କ କସ୍ତୀରେ କୌଣସି ମ୍ୟାପ, ଜିପିଏସ କିମ୍ବା କମ୍ପାସ ନଥିଲା । ପୋଷାକ ଏବଂ ପାଣି ମଧ୍ୟ ଲିମିଟେଡ ଥିଲା । ବିନା ଭିଜାରେ ଇଣ୍ଡିଆ ଯାଇପାରିନଥାନ୍ତେ, ଏହି କାରଣରୁ ସେ ଫୁକେଟ୍ ରୁ କସ୍ତୀ କିଣିଲେ ଏବଂ ମାର୍ଚ୍ଚ 5 ତାରିଖରେ ବାହାରି ପଡ଼ିଲେ ।

କିନ୍ତୁ ସମୁଦ୍ରରେ ଫସିଯିବା କାରଣରୁ ସେ ଦୁଇ ସପ୍ତାହ ମଧ୍ୟରେ ବହୁତ୍ କମ ଯାତ୍ରା କରିପାରିଲେ । ଅଧିକାରୀ କହିଛନ୍ତି ଯେ ସେ ଭିଏତନାମ ଏବଂ ଇଣ୍ଡିଆର ଏମ୍ବେଶୀ ସହିତ କଥାବାର୍ତ୍ତା ହୋଇଛନ୍ତି, କିନ୍ତୁ ବର୍ତ୍ତମାନ ସୁଦ୍ଧା କୌଣସି ପ୍ରକାରର ଜବାବ ମିଳିନାହିଁ ।