କାହାକୁ ମିଳିବ ଏଲପିଜି ସିଲିଣ୍ଡର ସବସିଡି ? ସରକାର ଦେଲେ ଉତ୍ତର !

ଏଲପିଜି ସିଲିଣ୍ଡର ସବସିଡିକୁ ନେଇ ଗ୍ରାହକମାନଙ୍କୁ ଏକ ବଡ଼ ଖବର ମିଳିପାରେ। ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଅଶୋଧିତ ତୈଳର ମୂଲ୍ୟ ବର୍ତ୍ତମାନ ବୃଦ୍ଧି ପାଇଛି। ଏହି ସମୟରେ ଚର୍ଚ୍ଚା ଜୋର ଧରିଛିଯେ ଏଲପିଜି ସିଲିଣ୍ଡରର ମୂଲ୍ୟ ବର୍ତ୍ତମାନ ୧୦୦୦ ଟଙ୍କା ପର୍ଯ୍ୟନ୍ତ ପହଞ୍ଚିବ।

ଚଳିତ ମାସରେ ଘରୋଇ ଏଲପିଜି ଗ୍ୟାସର ମୂଲ୍ୟ ବୃଦ୍ଧି ପାଇଛି। କିନ୍ତୁ ସରକାରଙ୍କର ଆଭ୍ୟନ୍ତରୀଣ ମୂଲ୍ୟାଙ୍କନ ସୂଚାଇ ଦେଉଛିଯେ, ସିଲିଣ୍ଡର ପାଇଁ ଗ୍ରାହକ ୧୦୦୦ ଟଙ୍କା ପର୍ଯ୍ୟନ୍ତ ଦେବା ପାଇଁ ପ୍ରସ୍ତୁତ ଅଛନ୍ତି। ସୂଚନା ଅନୁସାରେ, ସରକାର ଦୁଇଟି ଉପାୟରେ ଏଲପିଜି ସିଲିଣ୍ଡର ଉପରେ ନିଷ୍ପତ୍ତି ନେଇପାରନ୍ତି। ପ୍ରଥମେ ସରକାର ସବସିଡି ବିନା ସିଲିଣ୍ଡର ଯୋଗାଇବା ଉଚିତ। ଦ୍ୱିତୀୟତଃ, କେତେକ ମନୋନୀତ ଗ୍ରାହକମାନଙ୍କୁ ମଧ୍ୟ ସବସିଡିର ସୁବିଧା ଦିଆଯିବା ଉଚିତ।

ଘରୋଇ ଗ୍ୟାସ ସିଲିଣ୍ଡରରେ ସବସିଡି ଦେବା ନେଇ ସରକାର ବର୍ତ୍ତମାନ ପର୍ଯ୍ୟନ୍ତ କିଛି ସ୍ପଷ୍ଟ କରିନାହାଁନ୍ତି। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ମିଳିଥିବା ସୂଚନା ଅନୁସାରେ, ୧୦ ଲକ୍ଷ ଆୟର ନିୟମ ବଳବତ୍ତର ରହିବ ଓ ଉଜ୍ଜ୍ୱଳା ଯୋଜନାର ହିତାଧିକାରୀମାନେ ଏହି ସବସିଡିିର ଲାଭ ପାଇବେ। ଏପରି ଯଦି ହୁଏ ତେବେ ବହୁତ ଶୀଘ୍ର ଆଉ ବଳକା ଖାଉଟିଙ୍କର ଗ୍ୟାସ ସିଲିଣ୍ଡର ସବସିଡି ଶେଷ ହୋଇଯିବ।

ଗତ କିଛି ମାସ ଧରି LPG ଉପରେ ସବସିଡି କିଛି ସ୍ଥାନରେ ବନ୍ଦ ହୋଇଯାଇଛି। ଅଧିକାଂଶ ଖାଉଟିଙ୍କର ଖାତାକୁ ସବସିଡି କେବଳ ନାମକୁ ମାତ୍ର ଯାଉଛି। ଏହି ନିୟମ ୨୦୨୦ ମସିହା ମେ’ ମାସରୁ ଚାଲିଛି। ଅନ୍ତର୍ଜାତୀୟ ବଜାରରେ କୋରୋନା ମହାମାରୀ ସମୟରେ ଅଶୋଧିତ ତୈଳ ଓ ଗ୍ୟାସର ମୂଲ୍ୟ କ୍ରମାଗତ ଭାବରେ ହ୍ରାସ ପାଇବା ପରେ ହିଁ ଏହିପରି ପଦକ୍ଷେପ ନିଆଯାଇଛି। ତେବେ ବର୍ତ୍ତମାନ ପର୍ଯ୍ୟନ୍ତ ସରକାର ଏଲପିଜି ସିଲିଣ୍ଡର ଉପରେ ସବସିଡିକୁ ସମ୍ପୂର୍ଣ୍ଣ ବନ୍ଦ କରି ନାହାଁନ୍ତି।

ସବସିଡି ଉପରେ ସରକାରଙ୍କର ଖର୍ଚ୍ଚ ୨୦୨୧ ଆର୍ଥିକ ବର୍ଷରେ ୩,୫୫୯ କୋଟି ଟଙ୍କା ଥିଲା। ୨୦୨୦ ଆର୍ଥିକ ବର୍ଷରେ ଏହି ଖର୍ଚ୍ଚ ୨୪,୪୬୮ କୋଟି ଟଙ୍କା ଥିଲା। ପ୍ରକୃତରେ ଏହା DBT ସ୍କିମ ଅଧୀନରେ ଅଛି, ଯାହା ଜାନୁଆରୀ ୨୦୧୫ ମସିହାରେ ଆରମ୍ଭ ହୋଇଥିଲା। ଯାହା ଅଧୀନରେ ଗ୍ରାହକଙ୍କୁ ସବସିଡିଯୁକ୍ତ LPG ସିଲିଣ୍ଡର ପାଇଁ ସମ୍ପୂର୍ଣ୍ଣ ରାଶି ଦେବାକୁ ପଡିବ। ଏଥିସହ ସବସିଡି ଟଙ୍କା ସରକାରଙ୍କ ତରଫରୁ ଗ୍ରାହକଙ୍କର ବ୍ୟାଙ୍କ ଆକାଉଣ୍ଟକୁ ଫେରସ୍ତ କରାଯାଇଥାଏ। ଯେହେତୁ ଏହି ଫେରସ୍ତ ପ୍ରତ୍ୟକ୍ଷରେ ହେଉଥିବାରୁ ଏହି ଯୋଜନାର ନାମ DBTL କୁହାଯାଏ।

ସବସିଡି ଆସୁଛି କି ନାହିଁ ଜାଣିବା ପାଇଁ ଆପଣଙ୍କୁ ଏହି କାମ କରିବାକୁ ପଡିବ:-
୧। ସର୍ବପ୍ରଥମେ ଆପଣଙ୍କୁ ଇଣ୍ଡେନ ଗ୍ୟାସର ଅଫିସିଆଲ ୱେବସାଇଟ https://bit.ly/3sgCikA ରେ ଯାଇ ଭିଜିଟ କରିବାକୁ ପଡିବ।

୨। ଏହା ପରେ ଆପଣଙ୍କୁ ସିଲିଣ୍ଡରର ଏକ ଚିତ୍ର ଦେଖାଯିବ। ଏହା ଉପରେ କ୍ଲିକ କଲେ ଅଭିଯୋଗ ବାକ୍ସ ଖୋଲିବ। ଏଥିରେ Subsidy Status ଲେଖି proceed ବଟନ୍ ପ୍ରେସ୍ କରିବାକୁ ପଡ଼ିବ।

୩। ତା’ପରେ Subsidy Related (PAHAL) ର ବଟନ୍ ଉପରେ କ୍ଲିକ୍ କରନ୍ତୁ, ଯାହା ପରେ ଆପଣଙ୍କ ସାମ୍ନାରେ Sub Category ର କିଛି ନୂତନ ବିକଳ୍ପ ଆସିବ। ଏଠାରେ ଆପଣଙ୍କୁ Subsidy Not Received ଉପରେ କ୍ଲିକ କରିବାକୁ ପଡିବ।

୪। ଏହା ପରେ ଆପଣଙ୍କୁ ମୋବାଇଲ୍ ନମ୍ବର ଦାଖଲ କରିବାକୁ ପଡିବ । ଯଦି ମୋବାଇଲ୍ ନମ୍ବର ଲିଙ୍କ୍ ହୋଇନାହିଁ, ତେବେ ସେଠାରେ ID ର ଏକ ବିକଳ୍ପ ରହିବ, ସେଠାରେ ଆପଣଙ୍କର ଗ୍ୟାସ୍ ସଂଯୋଗ ID ଦାଖଲ କରନ୍ତୁ। ଏହା ପରେ ଆପଣଙ୍କୁ ଯାଞ୍ଚ କରି ଏହାକୁ ସବମିଟ୍ କରିବାକୁ ପଡିବ।

୫। ବର୍ତ୍ତମାନ ଆପଣ ସବସିଡି ସମ୍ବନ୍ଧୀୟ ସମ୍ପୂର୍ଣ୍ଣ ସୂଚନା ପାଇବେ। ଆପଣ କେତେ ସବସିଡି ପାଇଛନ୍ତି ଏବଂ କେତେ ପଠାଯାଉଛି।

୬। ଏହା ବ୍ୟତୀତ ଯଦି ଆପଣ ବର୍ତ୍ତମାନ ପର୍ଯ୍ୟନ୍ତ LPG ID କୁ ଆପଣଙ୍କର ଖାତା ସହ ଲିଙ୍କ କରିନାହାଁନ୍ତି, ତେବେ ବିତରକଙ୍କ ନିକଟକୁ ଯାଆନ୍ତୁ ଏବଂ ଆପଣଙ୍କର କାର୍ଯ୍ୟ କରାନ୍ତୁ।

୭। ଆପଣ 18002333555 କୁ ମାଗଣାରେ କଲ କରି ଅଭିଯୋକୁ ମଧ୍ୟ ପଞ୍ଜିକରଣ କରିପାରିବେ।

ଆଧାର କାର୍ଡ ମାଧ୍ୟମରେ LPG ସବସିଡି ପାଆନ୍ତୁ:-
୧। ଏହା କରିବା ପାଇଁ ପ୍ରଥମେ ଆପଣଙ୍କର ଆଧାର କାର୍ଡକୁ ଆପଣଙ୍କର ବ୍ୟାଙ୍କ ଆକାଉଣ୍ଟ ସହ ଲିଙ୍କ କରନ୍ତୁ। ଏହା କରିବା ପାଇଁ ଆପଣଙ୍କୁ ଆପଣଙ୍କର ବ୍ୟାଙ୍କକୁ ଯିବା ପାଇଁ ପଡିବ, କିମ୍ବା ଆପଣ ଏହା ମଧ୍ୟ ଅନଲାଇନରେ କରିପାରିବେ। ଏଥିପାଇଁ ଆପଣଙ୍କୁ ଆପଣଙ୍କର ବ୍ୟାଙ୍କର ୱେବସାଇଟକୁ ଯିବାକୁ ପଡିବ।

୨। ଏହା ପରେ ଆପଣ LPG ସଂଯୋଗକୁ ଆଧାର କାର୍ଡ ସହ ଲିଙ୍କ୍ କରିବାକୁ ପଡିବ। ଏଥିପାଇଁ ଆପଣଙ୍କ ନିକଟରେ ଦୁଇଟି ଜିନିଷ ରହିବା ଆବଶ୍ୟକ। ଏଥିପାଇଁ ଆପଣଙ୍କ ନିକଟରେ ବିତରକଙ୍କର ନାମ ଏବଂ ଆପଣଙ୍କ ୧୭ ଅଙ୍କ ବିଶିଷ୍ଟ LPG ଗ୍ରାହକ ନମ୍ବର ରହିବା ଜରୁରୀ।

୩। ଏହା ବ୍ୟତୀତ, ଆପଣଙ୍କର ସଂଯୋଗ ବୁକଲେଟର ପ୍ରଥମ ପୃଷ୍ଠାର ଏକ କପି ଏବଂ ବାସସ୍ଥାନ ପ୍ରମାଣପତ୍ର ଥିବା ଆବଶ୍ୟକ। ଏହା ଆଧାର କାର୍ଡ ବ୍ୟତୀତ ଅନ୍ୟ କିଛି ଡକ୍ୟୁମେଣ୍ଟ ହେବା ଜରୁରୀ।

LPG ସବସିଡି ଆଧାର କାର୍ଡ ବିନା ପାଆନ୍ତୁ:-

୧। ଏଥିପାଇଁ ଆପଣ ପ୍ରଥମେ mylpg.in କୁ ଲଗ୍ ଇନ୍ କରିବା ଜରୁରୀ।

୨। ଏହା ପରେ ଆପଣଙ୍କୁ ଆପଣଙ୍କର LPG ସର୍ଭିସ ପ୍ରୋଭାଇଡରକୁ ବାଛିବାକୁ ପଡିବ।

୩। ବର୍ତ୍ତମାନ ଆପଣଙ୍କୁ Join DBT ରେ କ୍ଲିକ୍ କରିବାକୁ ପଡିବ ।

୪। ବର୍ତ୍ତମାନ ଏଠାରେ ଆପଣଙ୍କୁ ଦେଖାଯାଇଥିବା ଅନେକ ବିକଳ୍ପରେ, ଆପଣଙ୍କୁ ‘If you do not have Aadhaar Number Click here to join DBTL’ ବିକଳ୍ପ ଉପରେ କ୍ଲିକ୍ କରିବାକୁ ପଡିବ ।

ଏଲପିଜି ଗ୍ୟାସ ସବସିଡିର ଲାଭ କାହାକୁ ମିଳିଥାଏ:-

ଆମେ ଆପଣଙ୍କୁ କହିରଖୁଛୁ ଯେ ବିଶେଷ କରି ଏଲପିଜି ସବସିଡି ସରକାର ଗରିବ ଲୋକମାନଙ୍କୁ ଦେଉଛନ୍ତି। ଯାହାଦ୍ୱାରା ଗରିବ ଲୋକମାନେ କମ ମୂଲ୍ୟରେ ଅଧିକ ଲାଭ ପାଇପାରିବେ। ଏଥିପାଇଁ କିଛି ପଏଣ୍ଟ ଅଛି, ଯଦି ଆପଣ ଏସବୁକୁ ଆସନ୍ତି ତେବେ ଆପଣ କମ ମୂଲ୍ୟରେ LPGକୁ ମଧ୍ୟ ପାଇପାରିବେ।

ଯେଉଁମାନେ ବର୍ଷକୁ ପ୍ରାୟ ୧୦ ଲକ୍ଷ ଟଙ୍କା ରୋଜଗାର କରନ୍ତି, ସେମାନେ ଏହି ଏଲପିଜି ସବସିଡିର ଲାଭ ପାଇବେ ନାହିଁ। ଏହି ଆୟ ସେହି ପରିବାରର ସମସ୍ତ ଲୋକମାନଙ୍କୁ ନେଇ ହୋଇପାରେ କିମ୍ବା ପରିବାରର ଜଣେ ବ୍ୟକ୍ତିଙ୍କ ମଧ୍ୟ ହୋଇପାରେ। ପୂର୍ବରୁ ଏହି ଆୟ ୧୨ ଲକ୍ଷ ଥିଲା, କିନ୍ତୁ ବର୍ତ୍ତମାନ ଏହା ୧୦ ଲକ୍ଷ ଟଙ୍କା ତଳକୁ ଖସି ଆସିଛି। ଯଦି ଆପଣଙ୍କର ଆୟ ଏହାଠାରୁ କମ, ତେବେ ଆପଣ LPG ସବସିଡିର ଲାଭ ପାଇପାରିବେ।